سايكويكي

فوبيا القطط Ailurophobia

فوبيا القطط Ailurophobia

فوبيا القطط Ailurophobia و معناها خوف أو رهاب غير العقلاني من القطط تحديدا، داغير إن فيه ناس ليه ردود فعل مختلفة مع اختلاف طريقة تعرضهم للقطط،وكمان النوع ده من الفوبيا بيسطير عليه الأشمئزاز من القطط أكثر من تعبيره عن الخوف, فردة فعلهم ناحية القطط بتشبه ردة الفعل اللي بتحصل لغيرهم لما يتعرضوا للثعابين والفيران مثلا.

وردة الفعل هنا في حد ذاتها بتختلف درجاتها من شخص للتاني، وفيه ناس تانيو عايز في خوف وفوبيا بشكل متواصل ، وناس تالته مش بيحسوا بالخوف أو الفوبيا غير لما يحصل بينهم وبين القطط أحتكاك مباشر .

وفيه أوضاع كتيره ممكن تسبب الاشمئزاز و حتى الخوف للناس اللي عندهم فوبيا زي مثلا أنه يخافوا أول ما يسمعوا صوت القطط، أو أنهم يشوفوها قدامهم، أو يجيلهم فكرة أنهم ممكن يشوفوا قطه في الضلمة، وناس بتخاف أو لما تشوف عيون القطط، أو حتي أنها تشوف عرايس أو دمي علي شكل قطط.

و الفوبيا هنا ملهاش أي منطق بيحكمها لأنها في الأساس خوف غير عقلاني ومش منطقي بالمرة، وفيه كتير من الشخصيات التاريخية عندها فوبيا، علي الرغم أننا مكناش نعرف أن شخص بالجبروت والقوة ومحارب زي نابليون بونابرت عنده فوبيا القطط، ونفس الأمر عند جنكيز خان، والإسكندر الأكبر، ويوليوس قيصر.

وبما أن القطط عايشه معانا في كل حته في البيت في الغيط في الشارع كحيوانات اليفة بعيدا عن أنها غدارة بس مش مؤذية بطبيعتها، لكن الناس اللي عندها النوع ده من الفوبيا بيضطروا لأنهم يحطوا قيود علي حياتهم، وبيحرموا نفسهم من أنهم يقعدوا في الجنانين أو أنهم ياكلوا بره في مطعم مفتوح أو علي البحر، لأنه مقتنع أنه ممكن تطلعله قطه في أي وقت تنكد عليه يومه.

أزاي بتبدأ الفوبيا؟

زي كل أنواع الفوبيا اللي بتبدأ عادة بعد تعرض الشخص لموقف مخيف بيفقده القدرة على المواجهة, فوبيا القطط بتحصل نتيجة تعرض الشخص لموقف مفاجئ, بيخليه يحس بالخوف الشديد ويفقد السيطرة علي أعصابه, وممكن يكون فوبيا القطط راجعه لحادثة حصلت في مرحلة الطفولة, أو أن الشخص نفسه شاف حد تاني مذعور وخايف من القطط، رؤية الخوف وسماع الاستغاثة ومشاعر الذعر كافية جدا عشان يبقي عندك فوبيا القطط, وخصوصا في مرحلة الطفولة المبكرة.

ازاي تتغلب على فوبيا القطط؟

  1. أولا وقبل كل شيء، لاز الشخص يفهم أنه مفيش داعي للخوف من القطط صغيرة أو كبيرة, ويكون عنده علم أن القطط مش عندها غريزه الافتراس أو الهجوم يعني مش هتلاقيهي قايمه تهبرك من رجلهك كده لوحده ، القطط بتبعد عن الناس اللي ما تعرفهاش وبتجري من قدام أي حد خايفة من الأذى.
  2. قراءة شوية كتب عن القطط وسلوكها, ممكن يساعد أنه يقلل من الخوف اللي مبني علي فكره غلط عن سلوك الحيوان، وبفهم السلوك الطبيعي للحيوان هنقدر مع مرور الوقت نتعامل معاه طبيعي ومن غير خوف.
  3. زيارة المكان المخصص لبيع للحيوانات الأليفة المحلية, ورؤية القطط وهي محبوسة في الأقفاص وهادية جداا ممكن يخلي الشخص مطمن نسبيا، علي أساس أن مفيش اتصال بينهم غير أنصال بصري بس ، وممكن يطور الموضوع شوية أنه ياخد حد من الأصحاب اللي بيحب القطط ويخليه يشيل قطه وبالتدريج يخليه يطبطب عليها بأيده أو يحاول يأكلها ، ومع تكرار الزيارة الموضوع هيتحسن وتقل الفوبيا بالتدريج.
  4. ممكن نغير وجهه النظر للقطه، نحاول نفيهم أنها حيوانات أليفة مش مؤذيه بطبيعتها ، وعنده قدرة كويسه لأنه تكون علاقات مع البشر يعني عارفه مين اللي بيأكلها، مين اللي بيشربها، مين اللي بيغلس عليها، مين اللي بيكشف عليها وكده هادية جدا وبتحتاج رعاية بسيطة ومحدوده.
  5. الحكايات الشعبية والخرافات بتلعب دورا في الخوف أو الفوبيا من القطط ، يعني مثل فيه حكايات كتير أتقالت عن القطط السودة أنه بتمثل الشياطين والجن, من الأفضل هنا إننا نحاول نتخلص من الشائعات والأوهام, ونبص للقطط علي أنها حيوانات أليفة ومش مؤذية.
  6. مشاهدة بعض اللوحات والرسومات للقطط, و متابعة بعض الأفلام الوثائقية عن حياة القطط وسلوكها, كل ده ممكن يساعد في التخلص من الخوف غير المنطقي وغير العقلاني من القطط.

عن الكاتب

حنان جمـال