ساعد نفسك

شوية نصائح بسيطه ممكن تساعدك عشان تتخلص من قلقك

شوية نصائح بسيطه ممكن تساعدك عشان تتخلص من قلقك

اعرف معانا شوية نصائح بسيطة لو عملتها هتقدر تتخلص من قلقك بسهوله ولأن دايما بنربط القلق بالخوف من المجهول، دا غير  أن اضطراب القلق بيودينا غالباً لاضطرابات عقلية بتظهر بوضوح من خلال الشعور بالتوتر و القلق اللي بيبقي معاه خوف .

وبطريقة تانية القلق هو اللي بيخلي يبقي عندنا أحساس بالخوف من اللي ممكن يحصل في المستقبل ، في حين أن  الرهبة هى شعور الشخص بالنسبة للي بيحصل في الوقت الحاضر، والمؤكد أن كل المشاعر دي بتتحول و بتتشكل فى صورة أعراض جسمانية، زي الإحساس ببرودة الجسم أو زيادة دقات القلب بصورة واضحة .

شوية أحصائيات

زي ما قالت جمعية القلق و الإكتئاب الأمريكية، أن  اضطراب القلق هو المرض اللي منتشر بكثرة  فى الولايات المتحدة الأمريكية، وبتعرض حوالي 40 مليون شخص بالغ للإصابة بأضطراب القلق فى المنطقة، وبما أن الغالبية العظمى من السكان هما من البالغين اللي عمرهم عدي سن الـ 18 ، فالأرقام بتوضح أن نسبة 18 % من السكان بيكون عندهم اضطراب القلق .

ايه هي الأعراض

بتعتمد الأعراض الخاصة بالقلق على نوعية القلق ، لكن بشكل عام بنلاقي بعض الأعراض منتشرة جداً عند الناس اللي بيعانوا من القلق الواضح ، واللى بتبقي في شكل نوبه هلع ، مشاعر الخوف، مشاكل في النوم ، برودة الأطراف أو على العكس عرق شديد، وخفقان في القلب ، ضيق التنفس ، جفاف الفم، أو الإحساس بالتنميل و فقدان الإحساس ، ومش قادر يبقي هادي أو ثابت ، الغثيان ، الدوخة  و الشد العضلى .

ايه اللي ممكن يساعدنا اننا نقلل من القلق اللي بنحس بيه:

  • البابونج

فيه حاجات كتير ممكن نعملها عشان نقلل من الشعور بالقلق اللي بنحس بيه ومن ضمن الطرق اللى بتقلل من القلق بصورة فعالة ، البابونج عشان بيكون فيه مكونات ليها دور رائع وإيجابى داخل المخ، لان البابونج ليه تأثير زي التأثير اللي بعمله ادوية زي كالفاليوم مثلا.

دا غير أن فيه  دراسة تابعة لجامعة بنسلفانيا الطبية، فى فيلاديفيا، قالت أن المشاركين فى  الدراسة دي واللي كانوا بيعانوا من اضطراب القلق، تحسنوا كتير وانخفض معدل القلق عندهم بسبب انهم أخدوا  مكملات البابونج لمدة 8أسابيع، مقارنة بغيرهم اللي ما اتموش عليه كعلاج.

  • التنفس ببطء

بيساعد كمان  التنفس بشكل بطئ على أنه يقلل الشعور بالهلع أو بالقلق، وفيه دراسات قالت أن الطريقة المثالية عشان تمارس تمارين التنفس اللي بتسيطر علي القلق بتكون من خلال النوم بشكل مسطح على الظهر ، مع ثنى الركبتين، وتحط ايد واحده علي الصدر واليد التانية علي البطن واتنفس بشكل بطئ، خد نفس شهيق وعد من 1:10 بعد كده اعمل زفير من الفم لمدة ثلاثة ثوانى بس .

  • اللبن

كمان  اللبن بيساعد علي أنه يقلل من الشعور بالقلق بشكل ملحوظ ، وفيه دراسات اتعملت وقالت  أن شرب كوباية من الحليب الدافئ قبل للنوم، بيأثر بشكل إيجابى فى علاج الأرق و التململ .

اللبن غنى جداً بالبروتينات و الكالسيوم و مضادات الأكسدة وكمان فيتامين ب ، اللي بيساهم فى تخلص الجسم من السموم ، وبيساعدة على بناء العضلات و تقوية العظم، وبيعزز وظائف المخ .

دا غير أنه بيبقي فيه بروتين  اسمه اللاكتيوم ، واللى بيقوم بتقليل ضغط الدم ، وكمان فيه  البوتاسيوم اللى بيخفف من تشنج العضلات .

وفى النهاية، بيعتبر القلق عرض من الأعراض، أو اضطراب ما وممكن يشوش على قدرة الشخص على أنه يمارس حياتة اليومية بشكل عادي، عشان كده من المهم أننا يبقي عندنا اهتمام بمعالجة القلق باستخدام الحاجات اللي قلناها فوق.