سايكويكي

رهاب الخلاء أو أجورافوبيا: أعراضه؟ وبيتعـالج إزاي؟

أجورافوبيا  (Agoraphobia) أو رهاب الخلاء هو واحد من أنواع الفوبيا أو الرهاب، اللي بتخلي الشخص المريض خايف يتواجد في الميادين والأماكن العامة فهو يعاني من أجورافوبيا أو رهاب الخلاء أو رهاب الميادين. أو الخوف من التواجد بين عدد كبير من الناس وتعتبر اجورافوبيا من أنواع الرُّهاب يعتبر الأصعب و أكتر تقييدًا من بين جميع أنواع الرُّهاب لأنه بيجبر المريض إنه يقعد في البيت وما يعملش حاجة.. كمان بيخليه غير اجتماعي بالمرة ووحيد في حياته.

شوية إحصائيات عن الأجورافوبيا أو رهاب الخلاء

الإصابة بـ رهاب الخلاء في الغالب بتحصل في أول عشرين سنه من العمر. وفي الأغلب يصاب به الشخص بعد حادثة قوية، وبيصيب الستات أكثر من الرجاله.

فيه أحصائيات بتقول أن 60% من المرضي اللي بيعانو من الرهاب ستات ويمكن ده يكون راجـع لمشاكل الزوجية الكتير اللي بتحصل. الأجورافوبيا مأثر على حوالي 6% من السكان ومن النادر جداً إنه ييجي للأطفال الحمد لله.

الإصابة بالأجورافوبيا لفترة محددة ممكن تبقى عرض مش مرض .. وساعتها ممكن يكون ناتج عن الاكتئاب أو الإدمان علي شرب الكحوليات  أو بسبب الخناقات الأسرية المتكررة و العنيفة.

المقلق في طبيعه المرضي برهاب الخلاء أن بيبقي فيه نوع من التحايل من قبل الشخص علي المرض واظهار نفسه أنه طبيعي من خلال مببرات واقعية وأسباب مقنعه لخوف من الميادين أو التواجد بين حشد كبير.

إيه هي أعراض الأجورافوبيا؟

  • الخوف من أي مكان  عام سواء  سينما، مسرح، مواصلات عامة، سوبر ماركت، الزحمة في الشوارع المزدحمة ، مبدأيا بيكون عبرة عن حاله خوف سبب حادث ذعر، وقع في حالة معينة.
  • بعد الحادث يلجأ الشخص لفكرة العزلة أو الابتعاد عن التواجد في الأماكن المفتوحة أو العامة  وتحديدا في مكان الحادث نفسه.
  • ومع تكرار نفس الحادث أو حوادث مشابه لحادث الذعر في أماكن كنير بيدفع الشخص أنه يبعد عن كل الأماكن الزحمة والعامة إلي أن يصل لمرحة النهاية وأنه يمنع الخروج من البيت نهائي .
  • 50% من المصابين ممكن يتعرضوا لنوبات هلع  فجأة والسبب إن المخ بيرسم مواقف مختلفة مرعبة بتسبب في نوبة الهلع .
  • كتير من حالات الهلع أو الخوف الشديد يكون سببها تخيلي زي الخوف من الاختناق، الإصابة بنوبة قلبية، الحاجة لمساعدة الآخرين، للهرب، أو الخوف من الضياع، الخوف من السقوط، أو الخوف من الإصابة بالجنون وغيرها. (لأنه نوع من أنواع القلق فهتلاقي أعراض كتير متشابهة بينه وبين اضطراب القلق العام.
  • إلا إن في حال تواجدهم خارج المنزل بيحسوا بنوع من الخوف وإحساس بالضيق أو التوتر أو القلق مصحوب بزيادة بضربات القلب والشعور بالاختناق وبأن فيه حدث مخيف ومرعب هايحصل حالاً.

كيفية علاج الأجورافوبيا؟

  • بيتم العلاج من خلال جرعات من أدوية مضادة للإكتئاب .
  • من خلال المحادثات الكلام و وجلسات الاستماع كتيره مع الدكتور المعالج.
  • المعالجة السلوكية ودي بتعمد على تطوير قدرة الشخص تدريجيا على تحمل المواقف المثيرة للقلق أو المخيفة أو المرعبة بالنسبة للمريض.
  • أو  من خلال تعلم أزاي يسيطر علي مشاعرة وخوفه الشديد بشكل مناسب.

عن الكاتب

حنان جمـال