سايكويكي

باريس و ستندال: متلازمات الانفعال العاطفي الشديد

باريس و ستندال: متلازمات الانفعال العاطفي الشديد

 باريس و ستندال ودول متلازمات المشترك بينهم الانفعال العاطفي و هما من أغرب الاضطرابات النفسية اللي من الممكن تسمع عنها عشان كده هنتكلم عنهم سوا لأنهم متشابهين شوية.

متلازمة باريس

أكيد فيه ناس كتير بتحلم تسافر باريس بسبب اللي بيسمعوه عنها عن الرقي الحضاري والثقافة الفرنسية اللي زوقها عالي دا غير الأماكن التاريخية اللي فيها والعلامة المميزة ليها برج إيفل، لكن الغريب هناأن فيه شوية أو نوعية معينه من الناس بيحصلهم تغيرات غريبة أول ما يروحوا يزورو باريس  زي أنهم يجيلهم أنهيار عصبي أو هلاوس أو و التشنجات و الأغرب أن معظم الأشخاص اللي بيجلهم التيغرات دي هما اليابانيين متعرفش ليه بس هنقول ليه بيحصل كده كمان شوية.

التفسير العلمي لمتلازمة باريس :

التفسير اللي بيوضح ليه بعض الناس بيجيلهم متلازمة باريس ده أنها ناتجة عن صدمة ثقافية لان  باريس ليها صورة خيالية في عقول كتير من الناس بشكل مبالغ فيه ملهوش علاقة بالواقع أو أن الوقع أقل جودة من الحاجات اللي اتخيلوها، والغريب أن السياح اليابان هما أكتر شعب بيجلهم المتلازمة دي لان عندهم صورة مثالية راقية ليها من وهما صغيرين، وبالتالي لما يجوا يشوفوا ده علي أرض الواقع ويتعرضوا لصدمة ثقافية نتيجة لمشاهدتهم صورة مغايرة تماماً أهم ما يميزها  بالسرعة و النشاط والحداثة و الصخب والضجيج ، تختلف كثيراً عن الكلام والصور اللي بيشوفوها في الأفلام السيما اللي يتظهر فيها باريس أنها مدينه هادية وزوقها عالي وفيها جو رومانسي وشاعري و لكن هي في الواقع زيها زي أي مدينة تانيه بتعاني من الزحمة  و المشاكل اليومية اللي بيعاني منها أي شعب في العالم و وكمان الفرنسين زيهم زي بقية البشر، ما تنتظرش منهم معامله راقية أو أنهم ممكن يكون عندهم رد فعل بارد أما تستفزهم مثلا، عشان كده من الافضل أن الشخص اللي ناوي يسافر باريس لازم يبقي عنده مهارة أنه يقدر يستوعب وأراء غيره من ثقافات مختلفة ويعف يندمج مع البيئة الجديدة اللي اتحط فيها.

متلازمة ستندال :

فيه  تشابه بين باريس وستندال في جزء واحد بس و هو الانفعال العاطفي الشديد و المتلازمة بتيجي لشوية من لأشخاص أما يشوفوا  صورة فنية بارعة الجمال و مميزة جداً وينبهروا بيها بشكل مبالغ فيه ، وبالتالي بيحصلهم بتضارب سريع في ضربات القلب معاه دوخة و في النهاية بيغمي عليهم.

سبب تسميتها بمتلازمة ستندال :

الأسم ده جه نسبة إلى الكاتب الفرنسي ستندال اللي عاش في القرن الـ19و  كان هو أول اللي اتكلموا عن الانبهار الشديد بالعمل الفني و وصف دا من خلال تجربته في مدينة “فلورنسا” الإيطالية في عام (1817) لما  أعجب بها بشكل مرضي لحد ما بقي أسير لمشاهدتها و على وجه أخص  كنيسة “سانتا كروتشه” اللي تتميز بجدران فيها أعمال فنية في غاية الروعة ، و عمل وصف تفصيلي لتجربته اللي كانت مليانه بمشاعر الإعجاب ، و وكمان عبر عن ده في  كتابه تحدث سندال عن انبهاره الشديد بنابليون و لكن بعد انقلاب نابليون على أهداف الثورة أكتشف أنه كان عايش  في وهم كبير وبالتالي جاله صدمة و وحس أنه شاف جدران جميلة زي جدران هذه الكنيسة و لكن وراها  قبح ، لا يشاهده و عشان كده بنستخدم مصطلح متلازمة ستندال أحياناً عشان نعبر عن ردة الفعل اللي بتحصل اما يفرط الشخص في مشاعرة أو تصرفاته في ظروف مختلفة، زي اللي ممكن يحصل لو شخص ضيع وقت كتير في الفرجة علي  لوحة فنية رائعة لمنظر طبيعي رائع .

عن الكاتب

حنان جمـال