خليك سند

ايه اللي تقدر تعمله لحد عنده فوبيا الالتزام سواء كبير أو صغير

ايه اللي تقدر تعمله لحد عنده فوبيا الالتزام سواء كبير أو صغير

اتكلمنا قبل كده عن فوبيا الالتزام وايه أنواع العلاج الناسب للنوع ده من الفوبيا بس هنا هنقول ايه اللي ممكن تعمله الأسرة عشان تساند المريض لو شخص كبير أو حتي طفل صغير.

لو عندك حد في البيت عنده نوع فوبيا الالتزام يعني بيخاف يلتزم بأي حاجه في حياته هنا هنقول الخطوات اللي المفروض تعمله عيلته معاه عشان تحاول تساعده أو تقلل من النوع ده من الخوف.

  • بلاش كتر النقد أو السخرية منه لو حاله ما حصلهاش تحسن ملموس بعد المجهود اللي بيعمله معاه الدكتور النفسي.
  • العيله أو الأسرة أو الصحاب مش هما اللي هيحكموا علي التطور اللي صلت ليه الحاله بتاعته سواء بالسلب أو بالإيجاب الدكتور بس هو اللي يعمل كده.
  • الأسرة هنا المفروض تساعد الشخص انه يحاول ياخد قرارته بنفسه وانه فعلا محتاج يتعالج بالحوار طبعا مش بالضغط عليه، لأنه لو قرار العلاج مش نابع منه هو في الأول مش هيكمل خطه العلاج مع الدكتور للأخر وهيقف في النص.
  • رغم أنه ممكن يكون ماشي كويس في العلاج إلا أنه ممكن في النص يحصل انتكاسه فا لازم الأسره تكون متوقعه ده كويس.
  • المدح مهم جدا لو لقيتوا تحسن أنك تتابهي بأن فيه تطور للأيجاب .
  • حاولوا تبعدوه علي أنه يحاول يوجه اللوم لنفسه، لأن لوم النفس ده راجع للتربيه الغلط اللي حصلتله وهو صغير اللي خلته يخاف بالشكل المرضي ده .

 الاضطرابات النفسية هى مجموع لعوامل بيئية ووراثية ومجتمعية وتربوية، والمفروض أن الشعور بالذنب ما يمنعش المريض أنه يبقي عنده الحرية انه يكتسب بعض الخبرات لمواجهة مسئوليات الحياة وضغوطها.

  • لو الأسرة حاولت تدي المريض نوع من الاطمئنان من غير ما تعرف أية السبب اللي ورا الخوف المرضي ده في الحاله دي يعتبر مش علاج، لأن مبدأ العلاج هنا هو إننا نعرض الشخص لمخاوفه مش نطمنه ونبعده عنها ده طبعا عشان يساعده أنه يتخلص من الخوف المرضي أو الفوبيا في المستقبل.

ازاي نقلل من فرص أطفالنا أنهم يبقي عنده فوبيا او أي نوع من الخوف المرضي:

فيه اتفاق بين العلماء على أن الخوف أو المخاوف المرضية بتعتبر استجابات بيكتسبها الإنسان وهو صغير وبيتعلمها من المحيطين بيه ، والوقاية منها بيكون من خلال تجنب التعلم الخاطئ واللي برضه بيدأ فى مرحلة الطفولة:عدم اللجوء أبدا لتخويف الطفل عشان تسيطر عليه ومحاولة ضبط سلوكه رغم التربية الصحيحة.

  • استخدام التوضيح والشرح بدل من الترهيب عشان تقدر تقدم المساعدة للطفل وتفهمه الفرق بين السلوكيات الغلط والسلوكيات الصح، وتبعده عن أي حاجه بتسبب له الأذي وتوجهه للحاجات اللي بتفيده وتبني شخصيته.
  • تشجيع الطفل أنه يعتمد علي نفسه ويتحمل المسئولية، السلوكيات دي مهمة إننا نزرعها في الأطفال من وهما صغيرين شان نعلمهم يكون عندهم الشجاعة والجرأة لما يكبروا.

المهم كمان أن الأباء يحاولوا أنهم يتدربوا علي ضبط انفعالات الخوف اللي بتحصل عندهم علي ولادهم واللي بتنتقل برضه للعيال عن طريق التقليد والمحاكاة.

  • الطبيعي أن الأمهات بتقلق أوي عيل عيالها بس هنا من الأفضل أن القلق يخف شوية لأن القلق بيتنقل للطفل وبيخليه خايف زيها.
  • لو الطفل حس بالخوف بسبب أي موقف لازم يختار الأب أو الأم الطريقة المناسبة عشان يتكلموا مع الطفل بالشكل الذى يخليه يهدي ويفهموه أن مفيش سبب للخوف بس بشكل مناسب لسنه وطريقة تفكيرة.
  • بعد عن الضرب كوسيلة للعقاب أو التأنيب بشكل قاسي ده لأنه بيضغف من شخصية الطفل وبيخليه عرضة للمخاوف المرضية اللي ممكن تكبر معاه.