خليك سند

إزاي تقف جنب مراتك بعد الصدمة النفسية بسبب فقدان أول طفل؟

الصدمة النفسية

الأطفال نعمة من عند ربنا، ولأن الستات بطبعهم عاطفي وعندهم نزعة الأم، فهي أول واحدة بتفرح بالحمل، وتنتظر مولودها الأول بفارغ الصبر، وتشتري ليه الهدوم وألوان الأوضة والألعاب، لكن لو ربنا مأردتش أن الحمل يتم على خير وحصل فقد لأول طفل بتكون صدمة كبيرة وبيحصل الصدمة النفسية واكتئابها وتغيراتها عند شريكة حياتك، عشان كدا هي محتاجة حبك يخفف عنها..

الصدمة النفسية للستات بعد فقد أول طفل

  • لأن الستات عاطفية وأم بطبعها، فبيكون فرحة الحمل ليها أكبر فرحة في حياتها رغم كل تعبه لكنه تعب جميل مخلوط بأمل أن أول أبن ليكوا جاي في الطريق، فتخيل أنت بقى كل الفرحة دي تختفي لو حصل أجهاض للحمل في السادس أو  الطفل مات وهو بيتولد والصدمة الأكبر لو مات بعد أول سنة
  • شريكة حياتك هيمر عليها نوبات حزن واكتاب ما بعد الصدمة، نوبات صعبة جداً، هي نفسها لوحدها مش هتقدر تتجاوز الصدمة دي، كمان هتلاقيها بتتعصب من أقل حاجة لو فيه قناة أطفال شغاله أو حتى شافت فيلم عن الأمومة، هتفقد فيها شهيتها وهتتعب جسدياً وهتحب تنطوي لوحدها، وهتلاقي شكلها وطبعها واعصابها بدأت تتعب
  • صدمة فقد الطفل الأول صعبة صحيح لكنها تقدر تعديها وتتجاوزها بعد فترة صغيرة بمساعدتك ليها

أقرا كمان عن الصدمة من هناالصدمة النفسية : إيه أسبابها وأعراضها وإزاي نخرج منها

ازاي تحسن علاقتك بزوجتك بعد الصدمة النفسية من وفاة أول أطفالكم

1- جمع كل ذكرياته : جمع كل الهدوم إلي أشترتوها سوا، واللعب وأي حاجة جبتوها وحطهم في كرتونة عند ولدتك أو أتبرع بيهم، المهم متخليش حاجة في البيت تفكرها بأن ابنها الأول أتوفى

2-التحمل : أتحمل نوبات عصبيتها وحزنها والاكتئاب إلي هتدخل فيه بعد الصدمة دي، خصوصاً لو سنها صغير ودا أول حمل ليها، هتكون نسبة تحملها للصدمة ضعيفة جداً والتجربة دي هتأثر عليها وهتقعد تفتكر كل لحظات الحمل وحركته جواها، الصدمة هتكون أخف لو عندكوا ولاد تاني

3-غيروا المكان : أقعدوا عند أهلك أو أهلها، أو غيروا ألوان البيت والعفش وأماكن الصور عشان متفضلش متعلقة بذكريات الأماكن

4-أديها أمل : فكرها دائماً أنكو لسه صغيرين ولسه هتجيبوا أطفال كتير وهيكبروا وتربوهم وتجوزوهم هما وأولادهم كمان

5- حسن علاقتك معاها : لو أنت مش متعود على كلام الحب والغزل، أتعود عليه في الوقت دا هي محتجاه جداً، عاملها على أنكو في فترة الخطوبة لسه، هاتلها ورد، وأكتبلها شعر وحطه تحت المخدة، أكتب ليها ملاحظات جميلة عن الأكل وعلقها على الثلاجة

العقاقير وحدها لا تكفي لعلاج الصدمة النفسية

6- صاحبتها أو أختها : في الفترات إلي هتكون فيها برا شوف مين أكثر حد هي بتحبه أخواتها وصاحبتها وأتصل بيهم ينسقوا مع بعض ويروحوا يقعدوا معاها أو يتصلوا بيها المهم متقعدتش لوحدها أبداً

7- الجانب الروحي : شجعها تصلوا وتقرأوا قرآن سوا وركز على أيات الصبر وأستجابة الدعاء والصدمات والفرج إلي بعدها

8- الرياضة : أشتركوا في جيم وأحضروا فيه سوا وأتمرنوا سوا، وأجروا سوا وأرقصوا سوا، دا هيحسن علاقتكم وكمان هيزود هرومون  السعادة وهيخليها تقدر تتجاوز الصدمة

9- المتابعة الطبية : خدها للدكتور عشان تتابع حالتها وتحسنها وحالة الرحم عشان تقدر تحمل في أسرع وقت وتفرح بالحمل، ولو الصدمة طولت ممكن تخليها تزور معالج ويحط ليكوا خطة للعلاج ما بعد الصدمة

10- الستات الكبيرة : أختار أكثر الستات الحكيمة والكبيرة في السن إلي حملوا أكثر من عشرين مرة دول وأكيد أتوفى ليهم ولاد وهما لسه صغيرين، وخليها تقعد معاها وتحكيلها وتصبرها وتحتوي زعلها وتديها الأمل

خليك فاكر أن دا أكثر وقت هي محتاجة أنك ساندها وجنبها ومش هتسيبها أبداً وأن الصدمة دي هتخرجوا أقوى وأحسن وهتعدوا أي مشاكل فيها..

شاركونا بأهم الخطوات لتجاوز الصدمة دي؟

عن الكاتب

سلمى شرف الدين

سلمى شرف الدين ، خريجة إعلام ، وبحب الدوبلاج والكتابة