سايكويكي

اضطراب الهوية الجنسية أسبابه وأعراضه وأزاي بيتم تشخصيه وعلاجه

اضطراب الهوية الجنسية أسبابه وأعراضه وأزاي بيتم تشخصيه وعلاجه

أضطراب الهوية الجنسية يتميز بقوة واستمرارية تقمص هوية الجنس الأخر، بمعني أن الذكر اللي عنده أضطراب الهوية الجنسية بيحس باستمرار وبقوه و بيتقمص الهوية و التفكير الانثوى والعكس بيحصل للستات إنهم بيحسوا أنهم رجالة.

 وبعيدا عن المقولات اللي بتقول أ الست دي بميت راجل أو أن الراجل ده خرع أو نئ أو طري أو مش راجل أصلا كلاها مقولات بيطلقوها علي التصرفات العادية اللي بتحصل في الحياة بس مش علي الهوية الجنسية سواء للراجل أو الست ، المقصود بالمرض هنا مختلف و معناه الإحساس بالهوية الجنسية يعني الراجل بيحس أنه ست والعكس صحيح.

وعشان نفسر أكتر ممكن تلاقي ست بميت راجل يعني قوية وعندها عزيمة و أصرار كده بس هي في الأخر ست عايز تتجوز راجل وتحس أنه أنثي مرغوب فيها و تعرف دورها الجنسي كانثي كامل ، وعلي الجانب التاني بتلاقي راجل جبان ، وعنده سنه خجل كده لكن قناعته الجنسية انه راجل كامل الرجوله وعايز يتجوز ويقوم بدورة في ممارسة الجنس مع  مراته.

اضطراب الهوية الجنسية هو عباره عن اقتناع من الفرد بان شخصيته الجنسية مختلفة عن اللي هو عليها دلوقتي وممكن يكون ده واحد من أسباب الشذوذ الجنسى، بس مش كل الشواذ ببيعانوا من اضطرابات فى هويتهم الجنسية بمعني إن كثتر من الشواذ جنسيا مقتنعين بهويتهم الجنسية كراجل أو ست بالنسبة لاجسامهم وبس بيمارسوا المثليه الجنسية الشاذة، بمعني إن

اضطراب الهوية الجنسية هو ان العقل بيكون مقتنع و بيحس بعكس طبيعة الجسم و وملوش علاقة بالشذوذ الجنسي كفعل أو حتي النوع ده من الأضطراب بسبب الشذوذ الجنسي، و لكن المشكلة النفسية في القناعة و الشعور بهوية تانية .

 مريض اضطراب الهوية الجنسية مريض نفسي لان هوية الشخص الجنسية سجينة فى جسد عنده هوية تانية ، وفيه بعض الحالات الشديدة مش بيكون فيها حل قدام الشخص الا أنه يطلب أنه يعمل عملية تحويل جنس للنوع اللي هو عايزة وشايفة ملائم لحالته النفسية.

الهوية الجنسية بتأثر في شكل وطبيعه و اختيار الشخص لدوره الجنسي من راجل أو ست وكمان بتأثر علي سلوك الدور الجنسي ، و الشعور بالرجولة و الأنوثة هو اتفاق المجتمعات والثقاقات بمعني أنك ممكن تلاقي في بعض المجتمعات الرجولة يعني الراجل يبقي ليه شنب أو الذقن أو شعر الصدر و في مجتمعات تانية الراجل يعني يقوم بدورة الجنسي وساعات بيفضلوا الراجل ابو شعر مسبسب.

وبتلعب الثقافه دور مهم في الشكل الخارجي المتقبل للراجل والست اللي بيتفق عليه المجتمع لتسمية الراجل أو الست، مثلا الراجل في مجتمعاتنا العربية مش بيلبس جيبه أو فستان في حين في بلاد تانية زي اسكتلندا بيلبسوا كده ،و لكن يفضل عندنا الدور الجنسي للراجل أو الست زي ما بيظهره المجتمع له وبيؤديه في العلاقة الجنسية، بمعني أن لو في المجتمع الشرقي لبسوا الأطفال الذكور اللي هما أقل من 6 سنين جيب وعاملهم زي البنات ممكن في الكبر يحصل أنحراف في دورهم فى الحياة الجنسية .

في المجتمعات الغربية ممكن نشوف كتبر من البنات الصغيرين بيلبسوا لبس بيخص الرجاله لكن ده مش بيأثر علي هويتهم الجنسية أما يكبروا، عشان كده  الهوية الجنسية ممكن تأثر علي  الدور الجنسي بمعني أننا ممكن نلاقي رجاله شكلهم راجل  بس يحسسك أنه بنت، اما الدور الجنسي له فيفترض ان بيتعامل مع الراجال كأنه ست و هنا بيظهر في شكل اللواطي أو المثلي الجنسي ، و وممكن يكون دوره الجنسي ناحية البنات فيظهر في شكل طبيعي، وفي الحالتين دا  مظطرب نفسيا و وبيعانى من ميل فى الهوية الجنسية للجنس اللي عكسه ومحتاج لمساعدة على الرغم من وجود سلوكيات سليمة أو غير سليمه في العلاقات الجنسية الخاصه بيه بسبب تكوين الدور الجنسي له .

ايه هي اسباب اضطراب الهوية الجنسية ؟

العوامل الجسديه من هرمونات و جينات وراثية ليها تاثير علي انحراف الهوية الجنسية و لكن تكوين الهويه الجنسية بيتاثر كتيرا بمدي الشعور بالامان الأسرى و شكل العلاقة العاطفية بين الابوين و الطفل و طريقه معاملتهم ليه، وفيه حالات خلل وراثى فى الكروموسومات ظاهره زي ترنر و كلاينفلتر، ودا بسبب التغيير الشديد في التركيب الخارجي للأعضاء التناسلية واللي بيكون معاه  اضطراب الهوية الجنسية والتغيير للجنس الاخر و لكن دا نادر أما بيحصل ، وأن معظم الحالات بيكون عندها الأعضاء التناسلية مكتمله ومفيش أي خلط من ناحية تحديد الجنس من الناحيه التشريحيه و لكن المشكلة بتكون فى المخ، وفيه بعض الحالات اللي بتعاني من تحديد الجنس اصلا تشريحيا وبيكون التكوين الجسماني ناتج عن اضطراب الهرمونات و وهنا الأسرة نفسها بتبقي مش عارفة تحدد جنس المولود بسبب أنه مفيش تحديد تشريحى و وأن مفيش توجه ي التربية لأي نوع سواء ولد أو بنت.

ايه هي اعراض اضطراب الهوية الجنسية ؟

بتبدا الاعراض في السنه الثانية من العمر و بتظهر على شكل:

أن الطفل يختار الملابس الخاصة بالجنس التاني، ويصر علي أنه يلبس ملابس البنات ويقول أنه بنت مش ولد وبيحاول يقلد البنات في كلامه وتصرفاته وبيحب يلعب مع البنات أكتر من الولاد، وقلدهم في لعبهم وأنشطتهم .

 وهنا الطفل مش بيسأل عن ايه هي الأعضاء الجنسية اللي عنده ولا بيحاول يكتشفها زي ما بيعمله الأطفال الطبيعين في سن ال3 سنين، دا غير أنه بيبقي مش راضي عن أعضاؤه التناسلية اللي عنده، مثلا ممكن نلاقي بنت بتصر علي أن العضو الذكر عنها هيكبر ويبقي زي الرجاله الكبار وتحاول تقف تعمل حمام وهي واقفه زي الولاد، وممكن تلاقي ولد يبعد عن العاب الولاد زي اللعب بالكورة وميحبش يعمل حمام وهو واقف ويفضل أنه يقعد علي القعدة ،ونفسه أن العضو الذكري بتاعه يختفي ومدايق منه أوي.

الاطفال اللي بيعانوا من المشكلة دي بيبقي عندهم حاله من الإحباط من كل التغيرات الجسمانية اللي بتحصل ليهم في مرحله بلوغه و غالبا الطفل أو المراهق بيطلب من الدكتور أنه يوقف التغيرات اللي بتحصل في جسمه أو أنه يبقي عنده التغيرات الأنثوية بدلا من التغيرات الذكورية. رغم ان ده هو اللي بيعبر عن المعاناة من اضطراب الهوية الجنسية يبدا فى مرحله الطفولة المبكرة لكن الشكاوى والاعراض ممكن تتاخر لحد البلوغ .

 و التحول الجنسي من الهوية الذكورية للانثوبه بيظهر في بدابته في شكل انه يلبس الراجل لبس الست لحد ما يوصل أنه يطلب يحول جنسه عن طريق العمليات الجراحية ويبقي الشخص أو الجنس اللي هو عايزة ومقتنع بيه في دماغه، والشخص اللي بيعاني من النوع ده من الأضطراب ممكن يهرب نن ضغط المجتمع أنه يتجوز أو يدخل الجيش، و غالبا كتير منهم بيصاب بالاكتئاب و بيعاني من سلوكيات و ميول انتحار و بياخذ شكل الست  عشان يقدر يتحرك في المجتمع بسهولة .

أزاي بيتم تشخيص حالات اضطراب الهوية الجنسية ؟

  • وجود الاعراض اللي فاتت منذ الطفولة .
  • بيحس الولد أو البنت بأنه مش راضي عن هويته الجنسية و ومش قادر يقوم بالدور الجنسي اللي متوقع منه بسبب هويته.
  • مش شرط يكون / تكون رغبة المريضة بسبب اجتماعي أو ثقافي ، بمعني إن الست تتحول لراجل عشان يكون ليها دورا اجتماعيا اكبر مثلا.
  • لازم يبقي فيه احباط و تدهور واضح في وظائف المريض المجتمعيه و العملية و النفسية و وأنه ما يكونش مندمج فى المجتمع بسبب مشكلته.

ايه هو  علاج اضطراب الهوية الجنسية ؟

عشان نعالج الحالات الي من النوع ده لازم يبدأ العلاج باستخدام العلاج بالهرمونات و العلاج النفسي و العلاج الجراحي التكميلي لتصحيح الاعضاء الجنسية الخارجية.

 معظم اللي بيطلبون العلاج بيكونوا ذكور و بيدعوا الهوية الانثوية وعايزين يتخلصوا من الخصائص الجسمانية الذكورية و اعضاؤهم الجنسية، دا غير أن بقي فيه ناس ستات بتبقي عايز تعمل تحويل جنس وتبقي راجل لان الموضوع بقي سهل حاليا خصوصا في بلاد بره .

المطلب الرئيسى للناس اللي عايزة تعمل تحول في الهوية الجنسية مش الاستشارة النفسية لمشاعرهم ، و لكن تغير الخصائص الجسمانية الجنسية و وأنه يعمل عمليه تصحيح الأعضاء التناسلية  عشان تناسب الهوية اللي هما عايزينها .

وهنا لازم يبدأ العلاج بيتم من خلال تقديم العلاجات النفسية مع الهرمونات و الجراحة مع بعض عشان تنجح عملية التحول في الهوية الجنسية بعد تشخيصها بصورة صحيحة.

الشخص نفسه ممكن يعاني عد عمليات تصحيح الجنس من اضطراب التكيف بعد العملية و خاصة في علاقاته مع الاهل أو الزوج / الزوجة .

و لكن التكيف و التاهيل للحياة مع الهوية الجديدة بعد العملية بيحتاج لمتابعة لمده سنتين عشان يقدر يقوم  بالدور الجنسي الجديد.

دا غير أن المدة دي بيحتاج فيها المريض / أو المريضة أنه يندمج في المجتمع الجديد بالهوية الجنسية اللي تحول ليها و التاهيل لكيفية التعامل معه .

 

عن الكاتب

حنان جمـال