بحب واحده و سبنا بعض و متعلق بيها
السلام عليكم انا طالب فالجامعه و حبيت واحده معايا في الجامعه السنه الي فاتت و ارتحنا لبعص و ارتبطنا بس بعد كام يوم بدات تظهر المشاكل و الصراحه احنا الاتنين غلطانين لكن انا غلطان اكتر لاني كنت شخص كداب و بكدب كتير رغم اني عارف انها بتكره الكدب بس مش عارف ازاي انا كنت مغمي عنيا عن الموضوع ده و كدبت كتير الصراحه و بسبب الموضوع ده سابتني و انا غلطت غلطة بقطع نفسي من حوايا لحد دلوقت بسببها هو اني لما سابتني قعدت اهددها بالمحتوى الي كان بيننا طبعا محتوى خاص المهم قعدت اهددها و حصلت مشاكل و المصيبه اني قلت عليها كلام ميتقالش و طبعا في ناس عرفت بالكلام رغم انه مش حقيقي و الموضوع انتهى و الهدوء بقا موجود بس طول الفتره الي بعدها بكتشف اني كنت متغصب و متسرع و متهور بعاتب نفسي انا ازاي قلت كل ده و شهرت بسمعتها رغم انها كويسه بس كانت لحظة غضب و انتقام مني و طول الفتره دي بعاتب نفسي مقدرش استحمل قررت اني ابعتلها رساله بعتذر فيها و كل حاجه بقت كويسه بشكل تدريجي و رجعنا لبعض بس علاقتنا كانت زي الصداقه مش زي الاول حاسس اني بقيت غريب بس برضو الغباء بتاعي لسا موجود حاولت اتغير و ابطل الحاجات الوحشه زي الكدب بس مش عارف كاني داخل حرب طويله مع نفسي احاول ابطل كدب بس مش عارف و ده كان سبب انما نسيب بعص للمره التانيه بس هي لسا عندي على الواتس و الفيس و بشوف منشوراتها و الستوريات بتاعتها بشوف صورها بتدمر نفسيا بتمنى ولو لمره نرجع لبعض انا لسا بحبها و متعلق بيها بشوفها في الكليه بتدمر نفسيا مش عارف مش قادر اكمل و مش لاقي حلول فكرت ابعتلها بس مظنش ده حل مناسب خايف و متدمر نفسيا بجد محتاج حد افضفضله و يلاقيلي حل
عموما انا حكيت الموضوع من طرفي بس هي برضو كانت بتعمل غلطات و بتكدب بس من حبي ليها اتعميت من كل غلطاتها بقت ولا حاجه الغلطات كان همي انها تفضل معايا بس خلاص للاسف مش لاقي حل.
