إيه هي نوبات الهلع وإيه أعراضها وأسبابها النفسية وإزاي نتعامل معاها
نوبات الهلع هي عبارة عن حالة مؤقتة من عدم الاستقرار وبتحصل بشكل مفاجئ وبيتيجي في صورة هزات مفاجئة، وبينتج عنها اضطراب عام في الأشياء وهلع وخوف من مجهول أو معلوم بدرجات متفاوتة.
ومن شدة المفاجأة الشخص نفسه ما يعرفش يحدد نوعية بداية الاضطراب هل دا موجود في جهازه النفسي أم في أعضاء جسمه، وكل اللي فاكرة أن دقات قلبه بقت سريعة جداً، أو حصل هبوط مفاجئ في القلب وأنه توقف أو كان هيتوقف، وأن التنفس بقي قصير ومتقطع، وأنه بالعافية مش عارفة ياخد نفسه، وتلاقي الجسم خاصة الاطراف والجبهه بقت باردة مع عرق بارد يغطيه وتقلصات في أعلى البطن، وضعف في عضلات القدمين واليدين وتلاقي الشخص مش قادر حتي يفق علي رجلية أو يعمل أي حاجه بأيده ، وعايز يدخل الحمام كل شوية.
دا غير أنه ممكن يحس أنه هيومت دلوقتي بسبب نوبة الهلع اللي اتعرض ليها و يحاول أنه يتحامي في اللي حوالية أو ويروح للدكتور بسرعة وممكن يروحله حتي بالبيجاما من شدة الهلع واحساسة أنه معندهوش وقت يلبس، وممكن الحالة اللي عنده تستمر دقائق ونادراً ما تستمر ساعات بعد كده بتنتهي ولكن يبقى الخوف عند المريض من تكرار حدوث الحالة وخوف المريض من السفر أو أنه يخرج في الأماكن العامة عشان خايف أنه يحصله النوبه وهو بين الناس ومحدش يقدر ينقذه ساعتها، عشان كده بيتجنب الأسواق والأماكن الزحمة والطائرات والقطارات.
وحالة الهلع اللي بتحصل في الأماكن العامه ليها علاقة بفوبيا الميادين او رهاب الخلاء اللي اتكلمنا عنه قبل كده هنا وممكن تبص علي المقال ده عشان تعرف أكتر.
ايه الفرق بين الخوف العادي والخوف المفاجئ” الهلع”
الخوف Fear
هو عبارة عن شوية رواسب الماضي استقرّت في تربية عقلنا الباطن، ودا ناتج عن سيل ممارسات اجتماعيّة متراكمة من زمان في حياتنا عملت جذوراً ليها في أعماقنا و بقينا أسرى ليها من غير ما يكون لينا يد في ده .
الخوف بيخلينا نفقد الإحساس بالأمن والطمأنينة والهدوء وبيدخل في نفوسنا قلق واضطراب وعدم استقرار، في حين أن الأحساس بالخوف ده شئ طبيعي جدا بس بيقلب بحاجه تاني زي الفوبيا لو زاد عن حدة وبقي معاه أعراض تانية مش مجرد خوف وقتي وخلص.
زي مثلا الخوف من الأعداء: ودا نوع من الخوف موجود من زمان لإن للإنسان أعداء من البشر ومن غيرهم، فهو بيفضل حاسس أن فيه خطر بيلاحقة وبيتربص بيه ولتحركاته.
- وفيه كمان الخوف من الحيوانات ودا برضه موجود من زمان، عشان الحيوانات كانت عدو الإنسان الأول لانهم هما الأتنين بيتنافسوا علي الاكل فا الخوف هنا اجبر الانسان إنه يتخرع حيل وأسلحه عشان يقدر بيها يسيطر علي الحيوان.
- وفيه كمان الخوف من الحرب: ودا برضه نوع قديم من الخوف لإن من أول ما البني أدم نزل الأرض وهو في حرب دايم مع اختلاف نوعيه الحرب ونوع العدو نفسه والحروب هتضل موجوده طول ما فيه مصالح وخلافات.
- وفيه الخوف من الامتحان: ودا النوع اللي بيعشة كل الطلبة من أول اولي ابتدائي لحده ما يعملوا الأنترفيوا بتاع الشغل، والعجيب أن فيه محاربين كبار وشخصيات تاريخة تفضل انها تدخل في معارك دموية واسلحه وكده عن إنها تدخل امتحان واحد زي نابليون بونابرت.
- وفيه الخوف من الرئيس في الشغل: ودا بيعاني منه كل شغال صف تاني يعني تحت ايد حد زي العمال والموظفين.
طب ايه هو الهـلع Panic
- نوبات الهلع أو الفزع هي واحده من اضطرابات القلق المعروفه وهي حاله مرضيه بتحصل عند بعض الأفراد على شكل نوبات شديدة من التوتر والخوف بيحس أن نهايته قربت أو أنه هيفقد القدرة والسيطرة علي تصرفاتهيشعر الفرد خلالها بأن نهايته قد اقتربت أو أنه سوف يموت أوانه سيفقد عقله أو السيطرة على نفسه وتصرفاته .
ومن أهم أعراض النوع ده من الاضطراب أثناء النوبة :
الأعراض اللي بتحصل في نوبه الهلع واللي قنلها هنا في نفس المقال هي اللي بتخلي الشخص يحس بالخوف من أنه يفقد عقله أو السيطرة على نفسه أو الإحساس بالموت ، وسبب شدة النوبة وإزعاجها ف تلاقي الشخص يتوقع حدوثها في أي وقت ويبقى مترقب ليها ، ودا بحد ذاته ممكن يسبب نوبة ثانيه - و تتراوح الفترة الزمنية للحالة دي من 5 دقائق إلى 30 دقيقه وممكن تطول لساعة أو أكثر أحيانا وممكن تتكرر باليوم الواحد أكثر من مره .
- يمكن يصاب من 1-2 % من الناس خلال فترة حياتهم بنوبات الهلع أو الفزع، وممكن تتكرر أكتر من مرة بالشهر الواحد ، وفيه نسبه أكبر من الناس عندهم نفس الاضطراب ولكن بتكرار أق، دا غير أن الستات والراجاله بيجلهم نوبات الهلع بنسبة متفاوته، وفي العادة بتحصل النوبات دي في سن العشرينات.
- وبيزيد احتمال ظهور النوبة الأولى بعد موقف بيسبب الخوف زي حادثة أو فقدان شخص عزيز أو بعد الولادة أو قبل الدورة الشهرية أو بعد تعاطي المخدرات زي الحشيش والكوكايين، ورغم ده فأن النوبة ممكن تحصل وهو الشخص بيعمل عمل عادي متعود عليه ، ودا بيخلية أنه يبقي في حاله ترقب إنه يجيله نوبة الهلع في أي وقت ويلتزم بالقعاد في البيت أو يخاف حتي يفقل علي نفسه باب الحمام علي سبيل المثال يعني.
بشكل عام مفيش تفسير واضح للهلع بسبب اختلاف أسباب ظهور لمرض من شخص للتاني، لكن بعض الدراسات أكدت على أن فيه خلل عضوي كامن هو المسئول عن زيادة إفراز مادة الأدرينالين اللي بتولد شعور القلق، و أكدت الدراسات على أهمية الأسباب النفسية اللي ممكن يكون ناتج أسباب تربويه وعوامل اجتماعيه .
كل العوامل بدورها بتسبب أن الإنسان يحس بعدم الأمان وبالتالي بيزود من حساسية الجهاز العصبي وعشان كده بيظهر المرض فجاه .
ايه الأمراض اللي بيبقي فيها نوبات هلع
نوبات الهلع عرض نفسي ممكن يظهر ضمن أي من الاضطرابات النفسية زي اللي هنقولها:
- اضطرابات القلق الرهابي.
- اضطراب الاكتئاب.
- دا غير أنه ممكن يظهر لوحدة في حالة الاضطراب الهلعي (أو اضطراب القلق النوبي الانتيابي Episodic Paroxysmal Anxiety.
- وبيظهر في اضطرابات القلق التانية.
- من ضمن أعراض الفوبيا
- أو بتظهر كظاهرة هستيرية.
طب ايه الحل لعلاج نوبات الهلع اللي بتحصل :
فيه كتير من التقنيات النفسية لعلاج زي الحالات نذكر منها زي مثلا :
- العلاج المعرفي: وهنا بيتم استكشاف الأفكار والتصورات المرضية اللي مرتبطة بالحالة عشان يقدر الدكتور يصحها واستبدالها بأفكار وتصورات صحيحة، وفي حالات نوبات الهلع، يفسر المريض أي إحساسات أو تغيرات جسدية على أنها حاجات خطيرة جداً وممكن أنه يسبب في موته، فمثلاً أي زيادة في عدد ضربات القلب أو ضيق في الصدر أو برودة في الأطراف بيتفسر على أنها علامات الموت، عشان كده من المفيد جداً أن يتعلم المريض ازاي بتحصل الأعراض، وأن الأعراض دي مرتبطة بالحالة النفسية وليست مرضاً خطيراً بالقلب أو الصدر أو المخ، وأن النوبة اللي بتأخذ وقت معين بعدين تنتهي من تلقاء نفسها وأنها ومش بتشكل تهديد لحياته بأي شكل، لو المريض استوعب الحقائق دي بشكل مبسط واستدعاها من ذاكرته كل ما يحس أنه داخل علي نوبة هلع بكده يقدر يقلل من حدتها شوية
- الاسترخاء: لو أيتعلم المريض واحدة من تقنيات الاسترخاء ويبدأ في ممارستها بجدية وانتظام، دا ممكن يقلل كثير من درجة التوتر المصاحبة والمدعمة للحالة، بالإضافة إلى أن المريض ممكن يحس بأنه اكتسب القدرة على السيطرة على نفسه.
- تدريبات التنفس: بتحصل سرعة في التنفس وقت نوبة الهلع، اللي ممكن يسبب أعراض مزعجة للمريض زي الشعور بالدوخة أو الإغماء، عشان كده المريض لازم يتدرب على تنظيم تنفسه، عشان ده هيساعده على السيطرة على كتير من الأعراض المزعجة وقت النوبة، أما من الناحية البيولوجية، فيه كتير من الأدوية اللي استخدمت بنجاح في كتير من الحالات زي مضادات الاكتئاب ثلاثية الحلقات مثل الإميبرامين(تفرانيل) والكلوميبرامين(أنا فرانيل)، ومانعات استرداد السيروتونين النوعية (SSRI) كالسيتالوبرام(سيبرام) والفلوكستين(لو سترال مودابكس)، ومانعات استرداد السيروتونين والنورأدرينالين SNRI مثل الـ”فينلا فاكسين”، (إفيكسور) وغيرها. حط عليهم بعض المهدئات الصغيرة زي الـ”ألبرازولام” (زاناكس – زولام – برازولام).
وفيه عامل مهم في العلاج، وهو أن المريض يعيد تنظيم حياته عشان يساعد علي أن جهازه النفسي يستقر ويبقي عامل تدعيمي ووقائي زي مثلا :
- يعيد النظر في ترتيب الأولويات والاحتياجات.
- يعيد تنظيم رؤية الأمور ويدي كل شيء حجمه وحقه.
- يعمل عملية تصالح داخلية مع النفس وأفقية مع الناس ورأسية الخالق عز وجل.
- يعيد ترتيب العلاقات الاجتماعية عشان يضمن حدوث ترابط اجتماعي يدي الشعور بالأمن والتدعيم.
- يحيي الجانب الروحي في النفس عن طريق نظام اعتقادي وبرنامج عبادات ومعاملات صحي عشان يعيد التوازن والاستقرار إلى النفس، الإنسان بيحمل في تكوينه الهلع، ومع ذلك فيه مثبطات للهلع لو خد بيها الإنسان وصل إلى حالة النفس المطمئنة، وهي حالة من التوازن والتناغم الصحي مع النفس ومع الآخر ومع الكون وحالة من الأنس مع الخالق بتختفي معها كل مثيرات الهلع.
العلاج الذاتي للشخص المصاب بنوبع هلع في البيت:
يقدر المصاب بنوبات الهلع أنه يعمل الخطوات دي بنفسه في البيت عشان يقدر يساعد نفسه طبعا مع العلاج الطبي ويزود من فاعليته.
- انه يلتزم بخطّة العلاج اللي نصحه بيها الدكتور أو المعالج النفسي المختص واتباع كل التعلميات اللي قلهالك ودي أهم وأول حاجه لازم يعملها لا، الصح أن مفيش علاج لنوبات الهلع كده من غير مساعدة الدكتور اللي هيقدر هيعرف السبب ورا نوبة الهلع هل هو عضوي ولا نسي ويقول العلاج المظبوط.
- يقعد ما ناس تعتبر مجموعه دعم ليه زي مثلا اللي عانوا من النوعية دي من النوبات او أتعاملوا مع حد عنده نوبات هلع.
- يبعد عن المنبهات والكحول والمخدرات بكل أنواعها.
- دا غير أنه يحاول يمارس تمارين الاسترخاء اللي من ضمنها تمارين التنفس انه يفرد جسمه وياخد نس عميق ويحط ايد علي بطنه وايد علي صدره ويحاول يخرج النفس ده بالراحه ويعد من1 لحد 5 زي التمرينات اللي بنعملها عشان نسترخي وننام دا غير التمارين اللي بتساعدنا نسيطر علي التوتر زي الكورة الاسفنج اللي بنضغط عليها اما نحس أننا متوترين.
ازاي تساعد حد عنده نوبه هلع
لو كنت بتعاني من نوبة هلع أو تعر حد عنده نوبة هلع أو واجهت مريض بيعاني من النوبة، فيه شوية حاجات كده ممكن تعملها أو تخلي الشخص يعملها عشان يهدي من نوبه الهلع.
- البعض بيعتمد انه يستخدم كيس النفخ عشان يهدي من النوبة والخوف، لكن الطريقة دي ممكن ما تنفعش وما تكونش فعاله في تنظيم النفس خصوصا للناس اللي بتعاني من مشاكل وصعوبة في التنفس بالذات للناس اللي عندهم أمراض صدرية زي حساسية الصدر أو الربو.
- فيه حاجه كمان عملية تهدئة أكتاف المريض ومحاولة التركيز على عضلات الجسم المتوترة.
- الهدوء والتشجيع على محاولة أن الشخص المصاب يرخي العضلات المتوترة بشكل تدريجي طب ودا بيحصل إزاي عن طريق شد عضلات الرجل الشمال وياخد نفس عميق، بعد كده يحبس النفس وويطلعه بالراحه ، وبعد كده ينقل العملية للرجل اليمين وهكذا تدريجيا عشان يرخي كل عضلات الجسم المشدودة.
- حط عليهم تمرينات التنفس اللي قلناها فوق شوية بكده هنقدر نسبيا نقلل من الهلع اللي حاسس بيه المصاب لفترة وحيزة لحد ما نرجع للدكتور أو ياخد العلاج المناسب.
