القلق: إيه هي الـ3 عادات بتعملها ممكن تكون بتسببه و7 أكلات اللي بتساعد إنها تقلله
عشان تقدر تعالج القلق لازم تعرف ايه هي الـ3 عادات اللي ممكن تكون بتعملها وبتسبب لك القلق وانت ما تعرفش، دا غير الاطعمه اللي ممكن لو اكالتها هتقلل من القلق بجانب الأدوية لو الحالة خطيرة.
القلق بقي واحدا من أكثر الأمراض النفسية اللي المنتشرة في الوقت الحالي ودا بيكون سببه نمط الحياة التنافسي والضغط النفسي اللي بنمر بيه، و معظمنا اكيد عارف حد عنده اكتئاب قلق نفسي ، الحالة دي بيبقي التعامل معاها صعب، لكن فيه بعض الأشخاص بيقدروا يعدوا منها وكأنها “مجرد مرحلة” أو بيشوفوها علي أنها مجرد تقلبات مزاجية ومش بيطلبوا المساعدة .
أما الشخص بيتجاهل أنه يعالج القلق الوضع ممكن يسؤ أكثر وتودينا لمضاعفات ممكن تكون قاتلة ، وبيحصل القلق كنتيجة لاستنفاذ مواد كيميائية معينة في الدماغ زي الدوبامين و السيروتينين، ونقص إنتاج المواد دي بيكون ناتج عن عوامل خارجية كتيرة ودي اللي بتسبب الأحساس بالحزن ، الكآبة ، الخوف والذعر .
وفيه كتير من الأعراض بتكون مرتبطة بالقلق زي الشعور بالتعب بدون سبب واضح ، الحزن ، الطبيعة الإنسحابيه ، الإكتئاب ، اليأس ، اللامبالاة ، نوبات الذعر ، الهياج دا غير الحالات المتطرقة اللي بيكون فيها ميول انتحارية، عشان كده من الأفضل أننا نعرف ايه اللي ممكن نكون بنعمله في حياتنا وبيسبب لنا القلق، عشان نثدر نبعد عنها ونبقي أحسن.
ايه هي العادات اللي بنعملها بتخلينا نقلق بزيادة؟
- التحليل الزائد للأشياء : ساعات يه ناس أما بتسمع أو بتسوف حاجه تقعد تلت وتعجن فيها وتجيبها كده وكده علي أساس أنه بتحلل الموقف أو بتشوف كل وجهات النظر، ومش بتاخد الأمور ببساطه، يعني مثلا تقعد تفكر كتير في قرارا التسوق وإيه اللي هتشتريه وهتروح فين وغيرها من التفاصيل، وهنا نقدر نقول أن الاستمرار في تحليل أبسط الأشياء والتفاصيل في حياتنا ممكن يسبب لنا الضغط العصبي، وبالتالي بيزود من حالة القلق، دا غير أنها بتزود نوبات الخوف والذعر .
- أنك تجيب معاك شغلك في البيت : بمعني انك اما تخلص الدوام بتاعك في مكان العمل تيجي البيت وتاخد الشغل تكملة في البيت ودا طبعا بيخليك ما تفصلشي يعني شغال كل الوقت ودا بيخلي الشخص إنه يبقي واقع ضغط النفسي وبيزود من الشعور بالقلق .
- العزلة : القاعد لفترة طويلة منفرد ساعات بيكون كويس ، لكن لو قعد الشخص طول الوقت لوحدة ومنعزل عن المجتمع ممكن يخلي الشخص يبقي عنده تفكير سلبي ويحس بالقلق .
إيه هي الأكلات اللي ممكن تقلل من القلق بطريقة طبيعية
إذا كنت واحد من الأشخاص اللي بيتعرضون لنوبات الخوف والقلق المزمن دايما ، هنا ممكن تلاقي أن فيه شوية أكلات أو أصناف أو فواكه ممكن تساعد في التغلب على الحالة ، والطبيعي أن فيه مستوي قلق معين ممكن نستحمله لأنه بيكون طبيعي و ناتجا عن بعض المواقف ، ولكن لو الأمر تطور وخرج عن السيطرة وبقي غير طبيعي هنا يبقي قلق مرضي.
لما الحالة بتتطور ويبقي الشخص مش قادر يسيطر علي قلقه، هنا من الازم ان يكون فيه زيارة للدكتور، اللي عادة بيوصف أدوية قوية واللي ممكن يكون ليها آثار الجانبية خطيرة، ولكن هناك فيه شوية أطعمة بتساعد على التخلص من القلق بطريقة طبيعية، واللي ممكن تاكلها مع الجرعات الخفيفة من الأدوية عشان تخفف الحالة وتقلل من الآثار الجانبية ليها .
- بذور الكتان : ودي البذور غنية بالأحماض الدهنية أوميجا3 ، واللي بتساعد في زيادة مستوى هرمون السيرتونين في المخ ، وبالتالي بتقلل من أعراض القلق .
- الزبادي : الزبادي دا مصدرا غني بالبروتين وخمائر البروبايوتيك ، والأتنين يساعدوا المخ أنه ينتج بعض الهرمونات اللي بتساعد في علاج القلق .
- سمك السلمون : السلمون من الأسماك الغنية بالأحماض الدهنية أوميجا3 وفيتامين ه ، و العناصر الغذائية دي بتساعد في تغذية خلايا المخ ،وبالتالي برضه بيقلل من الشعور بالقلق الشديد وأعراض الاكتئاب .
- الفراولة : بالإضافة إلى الطعم اللذيذ لهذه الفاكهة الرائعة ، فالفراولة تعد من المصادر الغنية لمضادات الأكسدة ، والتي تساعد في تحفيز المخ ليقوم بإنتاج الدوبامين حتى يعالج القلق النفسي .
- البطاطا: البطاطا من الأطعمة الغنية بالبروتين ومضادات الأكسدة ، واللي ليهم أثر في تهدئة الأعصاب وبيغذوا خلايا المخ ، ومنها بيخفف من القلق .
- السبانخ : السبانخ من الأطعمة اللي فيها الحديد والماغنسيوم كتير، والمعادن دي بتقلل إنتاج هرمونات القلق والتوتر في المخ ،وبتساعد في التغلب على حالات القلق النفسي .
- البيض : البيض من أغنى الأطعمة بالبروتين ، وفيه كمان مركبات تريبتوفان، واللي بتساعد في تخفيف القلق لحد كبير.
