3طرق طبيعية ممكن تساعد في علاج الاكتئاب اللي لسه في الأول بدل ما تضطر تاخد أدوية

لو عندك اكتئاب ولسه في مراحله الأولانية هنا هنحاول نقولك 3طرق طبيعية ممكن تساعد في علاج الاكتئاب اللي لسه في الأول بدل ما تضطر تاخد أدوية،عشان أكيد مفيش دول ملوش أعراض جانبية.

ممكن الشخص يحس من وقت للتاني أنه مزاجه متغير، الأحساس ده ساعات بيكون مؤقت وبسيط وما نقدرش نقول عليه أنه عرض لمرض معين، بس الاكتئاب هنا مرضٌ من الأمراض النفسية اللي بتحتاج علاج، وفيه كتير طرق لعلاج الاكتئاب عشان ما تساعد الشخص لأنه ما يوصلش للمراحل الخطيرة اللي بيحاول فيها أنه يأذي نفسه أو يوصل لمرحلة العلاج النفسي وبالأدوية وهنا هنحاول نقوية شوية طرق طبيعية ممكن تساعد في العلاج وتخفف من الاكتئاب.

لو عايز تعرف أنواع الاكتئاب بص علي المقال ده

1. علاج الاكتئاب بالأعشاب
2. العلاج بالفيتامينات والمكملات الغذائية
3. علاج الاكتئاب بالماء

أولا يعني أيه العلاج بالنباتات والأعشاب

النباتات بيبقي فيها مواد غنيّة بالفيتامينات والأملاح المعدنيّة والمواد الطبيعيّة، وعناصر زي الأكسجين والكبريت واليود والفسفور وغيرها، دا غير أن بيبقي فيها مواد مضادة للأكسدة، ويُستخدم العلاج النباتي في أربعة اتجاهات هي

• العلاج المناعي: وبيستخدموا فيه أنواع النباتات اللي بتخلي الجسم قادر علي أنه يقوم بالعمليات الحيويّة وأنه يبقي قادر يقاوم الأمراض والأجسام الغريبة.
• العلاج الشافي: ودا بيستخدموا فيه النباتات اللي بتزيل السموم اللي بنتج عن الأمراض.
• العلاج التوازني: ودا بيستخدموا فيه النباتات اللي بتعوّض وتكمّل للجسم بالمواد الأساسيّة اللي فقدها قبل كده عشان يقدر يستعيد نشاطه و وظائفه الحيويّة.
• العلاج المساعد: ودا بيستخدموا فيه نباتات ليها دور في المساعدة على علاج بعض الأمراض.

علاج الاكتئاب بالأعشاب

بما أنّ الاكتئاب مرضٌ زيه زي أي أمراض تانية، فا لازم يكون ليه علاج زي العلاج بالأعشاب، وفيه أنواع كتير من الأعشاب اللي أثبتت فعاليتها في أنه بتقلل من حدة المرض، وأهم الأعشاب المُستخدمة لعلاج الاكتئاب:

 الزّعفران: أثبتوا أنّ الزعفران وتحديداً ميسم الزعفران واللي هو قلب زهرة الزعفران فعّالٌ في علاج الحالات الخفيفة والمعتدلة من الاكتئاب.

 عشبة القدّيس يوحنا: وهي عُشبةٌ استخدمها الأوروبيّون عشان يعالجوا حالات الاكتئاب، ولها مفعولٌ شبه مفعول أدوية مضادات الاكتئاب، ولقوا كمان إن ليها تأثير فعال في علاج بعض الحالات الخفيفة والمعتدلة من الاكتئاب، لكن لحد دلوقتي مفيش اتفاق أو إجماع علي أنها ممكن تبقي علاج معتمد للاكتئاب، موافقتش عليها إدارة الغذاء والدواء (FDA أو USFDA) كدواء لعلاج الاكتئاب.[٢]

 نبات الكافا: وهو نباتٌ مهدّئٌ بيساعد على الاسترخاء، وبيقاوم الضغط النفسيّ، والتوتر، والقلق وبالتالي بيخفف من الاكتئاب.

 عشبة رهوديولا: أو اللي بيسموها عشبة الجذر الذهبي، أو تاج الملك، والناس استخدمتها قبل كده عشان تحارب الاكتئاب، ده لأنها بتدي نتائج إيجابيّة في التقليل من القلق والتوتر ولكنها في حد ذاتها مش علاج.

العلاج بالفيتامينات والمكملات الغذائية

وهنا بيعتمد العلاج علي شوية لفيتامينات ومكملات غذائيّةِ اللي بتساعد الجسم أنه يتخلّص من الاكتئاب، ومنها:

 المغنيسيوم وفيتامين B: الدراسات اثبتت أن يه علاقة بين انخفاض المغنيسيوم وفيتامين B بالاكتئاب، وأنّ المرضى اللي بيستخدموا يومياً 0.8mg من حمض الفوليك أو 0.4mg من فيتامين B12  بيبقي عندهم نوع من التحسن في العلاج، ولقوا أن النوع ده من الفيتامينات ليها فعاليةً في أنه بتخفيف من أعراض الاكتئاب، والمرضى اللي بياخدوا حوالي من 125 إلى 300 mgمن المغنيسيوم مع وجبات الطعام وولما ييجوا يناموا بيبقي عندهم برضه نوع من التحسن في العلاج خصوصا لو عندهم أكتئاب شديد.

 فيتامين د: الدراسات أثبتت كمان أن فيه علاقة بين انخفاض مستوى فيتامين دال في الجسم والزيادة في الأعراض الاكتئابية عند  المريض، وأنّ أخذ جرعةٍ واحدةٍ يومياً منه ممكن تساعد في أنه تقلل من حدة الاكتئاب.[٥]

الأحماض الدهنية أوميجا 3: الأحماض الدهنيّة ممكن كمان تأثر في الاكتئاب، لأنّ مركباتها منتشرة في الدماغ، ولكن لحد دلوقتي مفيش تأكيد علي ده، وعموماً ثبت أنّ ما يعادل ثلاثة جرامات منها يومياً بتكون فعّالةً وآمنةً في علاج المرضى اللي بيعانون من أمراضٍ نفسيّةٍ، وممكن الجسم يحصل علي النوعية دي من  الأحماض عن طريق الأكل ، أو عن طريق كبسولات زيت السمك.

 الزنك: وهو من المغذّيات المرتبطة الوظائف العقليّة زي التعلّم والسلوك، زي ما قال علماء النفس البيولوجيّ ولتغذية علم الأعصاب فإن نسبة الزنك في الدم مرتبطه ارتباط طردي مع الاكتئاب، فا لو كانت منخفضة بتزود احتمال حدوث الاكتئاب، وتناول الزنك بمقدار25 mg يوميا لمدة 12 أسبوعاً ممكن ييساعد على زيادة كمية الأحماض الدهنيّة في الجسم، ويقلل من أعراض الاكتئاب.

علاج الاكتئاب بالماء

بما أن الميه ضرورةٌ من ضرورات الحياة، وبيشكّل 70% من جسم الإنسان، وله فوايد كتير زي تنظيم حرارة الجسد، وتخليصه من السموم، ونقل الأكل للأنسجة، وبيقوم بدور الوسيط في كثيرٍ من العمليات الكيميائيّة، وبيساعد على الاتزان الكيماوي للجسم، دا غير أنه بيساعد كمان في علاج كثير من الأمراض عن طريق شربه أو استخدامه للعلاج بالكمادات الباردة أو الحارّة أو عن طريق الدوش أو الحمامات.

• العلاج عن طريق الميه الدافيه: الحمامات الدافئة بتقلل وتشيل الغضب والتوتر، دا غير أنك لما تنقع رجليك في ميه دافيه في أخر اليوم بيساعد علي الاسترخاء وتهدئة الجسم بشكل عام، خصوصاً لو حطيت علي الميه شوية نعناع لمدة خمس عشرة دقيقةً على الأقل.
• العلاج المتعاقب بالماء الساخن والبارد: حيث يتم عمل حمام القدمين عن طريق أنك تحط حوضين متقاربين من الماء البارد والساخن بعد ما تاخد دوش طبعا، وتاخد في أعتبارك أن تكون درجة حرارة المية الدافية من (38 – 41) درجة، والحوض التالني تملاه ميه عادية من الحنفية ويكون مليان بحيث أنه يعطي الرجلين زالساق كمان وتحط رجلينك في الميه السخنه 5 دقايق وانت بتحرك صوابعك، بعدين تشيهم تحطهم في الميه البادرة 20ثانية، وبعدين ترجع للمية السخنه تاني وكرر العملية دي أكتر من مرة ، وده هيساعد على التخلّص من الأرق، والخمول، والكسل اللي بيكون مصاحب للاكتئاب.
• العلاج بحمامات الأعشاب: حيث إنّ إضافة الأعشاب والزيوت الطبيعيّة إلى الماء بشكلٍ عام وللماء الساخن خاصةً له تأثيرٌ كبيرٌ في تهدئة الأعصاب، وإزالة توتر العضلات، وتسكيين الآلام، ومن هذه الأعشاب البابونج أو النعناع اللذان يبعثان على الاسترخاء، ويقومان بتهدئة الأعصاب، ويتم عمل منقوع الأعشاب عن طريق وضعها في جورب قطنيّ يُربط على صنبور المياه الساخنة حتى يمتلئ الحوض بالماء، أو عن طريق نقعه مسبقاً في ماءٍ ساخنٍ لمدة ربع ساعة، ثم إضافته إلى حوض الاستحمام.
• حمامات الاسترخاء: وهنا ممكن تملي البانيو بميه دافية، وتملي كمان فنجان قهوه بزيت الالفندر أو النعناع ، وتقلل الإضاءة شوية، وتسترخي في الميه شويه لدقائق، وتغطس باقي الجسم وتريح راسك علي مخده او اي حاجه مريحه تسند عليها، وتاخد نفس ببطئ وتحبسه وتعد من 1:5 وتخرج النفس ببطئ مرة تانيه، وكرر العمليه دي أكتر من مره.
• دش الوجه: ممكن كمان تسليط الميه على وشك وعلي منطقة الجبهة الموضوع ده ليه تأثير منشّطٌ للدورة الدمويّة، وبيساعد على أنه يصفي الذهن، والراحة النفسية بشكلٍ عام، بس لازم يكون اندفاع الميه خفيف على الجبهة.
• العلاج بالمياه المعدنية ومياه البحر: السباحة في البحر أو المياه المعدنيّة بتساعد على التخلص من الضغوطات النفسيّة.