استشارة رقم 2 : عاوز ارجع لخطيبتي اعمل ايه؟؟

فالبدايه بحب اشكركم ع جهدكم الراقي
انا قصتي باختصاد كالتالي.
كنت من حوالي سنه خطبت صالونات. بنت الاستاذ بتاعي بنت فمنتهي الادب و الاخلاق و كل حاجه كويسه ممكن تتخيلها. لكن عندها مشاكل انها شكاكه بسيطه و دماغها و ارائها مش مرنه. ممكن تقفش او تضايق او تزعل من تصرف عادي. بمعني اصح حساسه بزياده. المهم قعدنا فتره اتشديت ليها و حبتها ممكن متكونش اربع اشهر فتره تسمح بحب حقيقي. لكن انا حبتها. انا من النوعيه المنغلقه ع نفسي مبعرفش اتناقش او افتح كلام مع بنات و حتي كان في بنت فالكليه كنت بكنلها مشاعر و الموضوع كان باين اوي فعنايا لكن مكنش عندي الجراه او المعرفه بالموضوع بيمشي ازاي. المهم قعدنا و بدات تحصل احتكاكات عاديه جدا بين اي اتنين مخطوبين بس انا اخدت الموضوع زياده عن حقه و عرفت فيما بعد اني المفروض مديش المشكله اكبر من حجمها. وبعدين مع الوقت ظهرت نقطها اللي قولتها فوق و مع ذلك انا نوعا ما تقبلتها بس بصراحه متعلمتش اتعامل معاها ازاي وبدا اهلي متعجبهمش و هنا تبدا ماساتي. بدأم يزنو عليا هي مش هتنفعك و كلام من النوع ده و انا فالاول اصريت عليها ولكن الزن زاد و الموضوع انطور معاهم لنقطه حرجه اوي بقت بتقلب بخناقات مستمره. و للاسف و ديه كانت غلطه حياتي الاولي رضخت ليهم و عملت معاها مشكله من شئ تافه و للاسف تاي يوم بعتولنا الشبكه.
للاسف عملت تاني اكبر غلطه فحياتي. خطبت تاني و برضو صالونات لكن قرايب زميلي والدي فالشغل. الموضوع بدا عادي ولكن منسيتش خطيبتي الاولي و مع الوقت انجذبت للتانيه ولكن دايما فيه مشاكل و دايما في خناقات و مبتقبلش ليا اي راي و عاوزه تتحكم فيا هيا و اهلها باي طريقه ان مكانش بالذوق كانت تدخل عليا بجو الحب و الهيام و مع كل مشكله تحصل ارجع افتكر و اقارن الاتنين و افضل اندم اكتر واكتر ولحد اخر يوم مع خطيبتي التانيه منسيتش الاولي. للاسف الموضوع من بدايته لنهايته كان مادي صرف تقدر تقول البنت انغصبت عشان الماديات (طمع) و كانت اكتر خنلقاتنا كانت مثلا مجبتليش هديه الفلانتين ليه انت ليه مش عاوز تجيبلي انت مش عاوز توديني المكان الفلاني ليه والنهايه خلتني بخيل ???. للاسف انا صبرت عليها كنوع من اني مظلمهاش زي مظلمت الاولانيه بس المره دي انا اللي اتظلمت. قعدت فتره بعد كده و مش قادر انساها و فضلت متردد ارجعلها و لا لا لحد ماخدت قرار اني ارجعلها. كلمتها و كلمت ابوها بس كان الرد انها مش راضيه. لما كلمتها وبدات اتناقش معاها حسيت ان اهلها مش راضين برجوعي و هي متردده ممكن اه تديني الفرصه وممكن لا خايفه ابيعها زي مبعتها قبل كده.
انا عازرها و مديها كل الحق و انا معنديش قابليه بصراحه اني ادور ع بنت تانيه لان انا شايف ان الانسانه ديه هتقدر تسعدني و هاقدر اسعدها. انا عاوز ارجعلها و هحاولبكل اللي اقدر عليه. سمعت كلام كتير من نوعيه مش نصيبك و دور ع غيرها. و نوعيه تانيه زي متكلمهاش تاني لو رفضتك عشان متقلش من كرامتك. انا من بعد اللي حصل و من بعد اللي شوفته قررت مسمعش كلام حد الا نفسي بس فنفس الوقت محتاج راي يساعدني شويه
اسف لو طولت عليكم ولكم جزيل الشكر