سرعة القذف مشكلة نفسيه علاجها إنك تبقى مبسوط أكتر
كتير منا بنشوف إعلانات علي القنوات الفضائية اللي بتعلن عن منتجات جنسيه بيستخدمها الرجاله عشان يعالجوا مشاكل جنسية معينه زي مثلا سرعة القذف اللي هنتكلم عنها في المقال ده والسبب الرئيسي وراء انتشار النوع ده من الإعلانات أو المنتجات الجنسية التانية، بأن المشكلة منتشرة وشائعة عن الرجالة وتعتبر مرض جنسي بس ليه شق نفسي هنتكلم عنه.
فيه حوالي من30:40% من الرجالة عندهم المشكلة دي فيه منهم معترف فيها وبيحاول يعالجها بصرف النظر عن طبيعة العلاج وفيه اللي شايف أنه كويس وطبيعي وعادي جدا.
وسرعة القذف ليها تعريف منشور قالته الجمعية الأمريكيّة لطب الجنس هو “إن القذف السريع أو سرعة القذف هو الأمر اللي بيحصل بشكل دائم أو شبه دائم خلال الدقائق من الإيلاج قبل الرغبة في القذف والإيلاج هنا معناه اللقاء الجنسي الكامل، أو بعده بفترة قليلة وبيكون نهايته حاله من الإحباط بتعم علي الزوجين لأن فيه حد منهم ما استمتعش خالص ولا حصل له نشوة جنسية اللي هي الست والرجل تقريبا محسش لأن المٌني خرج من العضو الذكري من غير اردته وبشكل طبيعي خارج عن سيطرة الرجل.”
القذف السريع بيكون زي عبء نفسي وعصبي شديد على الراجل، ونيجي نبص للطرف التاني اللي هو الست بتصاب بالإحباط، وده بينتج عنه مشاكل تانية كتير زي قلة الرغبة الجنسيّة أو الهروب من ممارسة العلاقة الجنسية من الأساس بسبب الخوف إنها مش هتنبسط ولا هتوصل لمرحلة الإشباع أو النشوة الجنسية.
بس نرجع ونقول هنا إن الرجالة اللي بتعاني من القذف المبكر أو القذف السريع هما في الأساس طبيعيين بس عندهم مشكله في التحكم وأطاله الفترة الزمنية للعلاقة قبل القذف.
القذف: هو السائل اللي بيخرج من العضو الذكري بعد ما يوصل لمرحلة النشوة الجنسية والسائل ده هو اللي بيكون فيه الحيوانات المنوية المسئولة عن عملية الإخصاب ومنها إلي الخلفة، الإنجاب، الحمل.
لكن لسه الآراء اللي بتدور حوالين تحديد إمتى يكون القذف سريع مش محدّدة، وفيه جدل كتير بين الدكاترة والأوساط الطبيّة بسبب الموضوع ده، و بعض الدكاترة رفضوا أنهم يعرفوا إن القذف السريع بيحصل ما بين أول 4:5 دقائق من بداية الجماع أو اللقاء الجنسي، ده لأنهم شافوا إن تحديد القذف السريع لازم يتقاس من أول ما يحصل أيلاج العضو الذكري اللي هو القضيب في المهبل لحد ما يقوم الرجل بالقذف، وقالوا أنه بيكون عادة أقل من دقيقه في حوالي 90% من الحالات.
سرعة القذف ليها نوعين:
- سرعة القذف الأولية: وفيها بيكون الراجل سريع القذف من أول بداية حياته الجنسية، ومش بيتحسّن مع مرور الزمن.
- سرعة القذف الثانوية: وفيها بيكون الراجل طبيعي جدا في بداية حياته الجنسية، وبعد فترة قصيرة أو طويلة بيُصاب بالقذف السريع.
أزاي بيحصل القذف؟
بيحصل القذف في حاله استثارة مستقبلات اللمس العصبية بالقضيب، اللي بعدها بتُرسل إشارات بأعصاب القضيب لمراكز القذف بالمنطقة العصعصية بالحبل الشوكي، اللي بدوره بيرسل إشارات للعقد العصبية السمبتاوية اللي بترسل إشارات عصبيّة للوعاء الناقل والحويصلة المنويّة والبروستاتا عشان تخرج السائل المنوي لقناة مجرى البول الخلفيّة، معلش هو كلام مكلكع بس لابد منه عشان نعرف خط سير القذف.
وهنا زيادة الضغط اللي داخل قناة مجرى البول الخلفيّة بسبب دخول السائل المنوي، اللي بعدها بترسل إشارات عصبيّة للحبل الشوكي عشان يحصل انقباض للعضلات اللي موجودة داخل القضيب وبالتالي بيحصل القذف.
أسباب سرعة القذف
- أسباب نفسية.
- أسباب عضوية.
لسه لحد دلوقتي الأسباب الدقيقة للقذف المبكر أو سرعة القذف مش واضحة المعالم، غير إنها تم تقسيمها إلى قسمين رئيسيين، أسباب نفسية و أسباب عضوية :
الأسباب النفسية :
- وبتكون زي أن الراجل مش مطمن ولا مرتاح للمكان اللي بيمارس فيه العلاقة الجنسية، لو مثلا جربوا مرة من باب التغيير أنهم يمارسوا العلاقة بره أوضة النوم أو في أماكن تانية في الشقة.
- لو الراجل حاسس بخوف من أنه يفصل أو أن العضو الذكري ما بيبقاش في حاله انتصاب كامل ده في حاله الناس اللي عندها عجز جنسي.
- ممكن انعدام الخبرة أو الثقافة الجنسية للزوجين خصوصا اللي لسه داخلين دنيا، ده ممكن يتسبب إنه فيه رغبة جامدة من أحد الطرفين للوصول للرعشة الجنسية أو النشوة أو يحصل قذف من غير ما يحاول يستمتع بالعملية نفسها اللي هي الجماع ومراحله، وهنا لو عايز تعرف أكتر عن الثقافة الجنسية بص علي المقال ده
- لو الراجل كان بقاله كتير ممارس العلاقة الجنسية مع زوجته، فا ده بيتسبب أنه يحصل إثارة جنسية سريعه وتهيج للعضو الذكري ومنها بيحصل سرعة قذف.
- لو فيه مشاكل أساسا في العلاقة بين الزوجين بعيدا عن أوضة النوم خناقات يعني ده بيخلي فيه تنافر بنهم وبيكون الجماع أو العلاقة زي تقضية واجب ، أو تلبية لنداء الطبيعة.
- الضغط الشديد اللي ممكن يكون الراجل بيتعرض له في شغله، أو المشاكل المادية اللي غرقان فيها، ممكن تشغل مساحة كبيرة من تفكير الراجل وبالتالي بتأثر علي العلاقة الجنسية بشكل كامل وسيرها.
- عدم ثقة الراجل في نفسه ، وخصوصا لو الست هي اللي بتتطلب العلاقة كتير، أو إنها بتتعمد تجرح مشاعره سواء كانت تقصد أو ما تقصدش، زي انها تتكلم علي أداؤه في العلاقة وغيرها من الكلام اللي بنشوفه في الأفلام زي كلمه ما بيعرفش أو مش بيلحق وغيرها من الكلام المستفز من الستات أحيانا، وده بيخلي الراجل يبعد عنها أو يبقي مش عايز العلاقة الجنسية من الأساس لأنه مش هيعرف يرضيها.
- وممكن كمان ممارسة العادة السرية أو اللي بسموه بالاستمناء، وكمان فا الخوف من الفضيحة أو الأحساس بالذنب بعد ما ينتهي من ممارسة العادة ، كل دي عوامل بتخلي الراجل متبرمج علي أنه يحصل قذف سريع في العلاقة الجنسية الطبيعية.
- وكمان الخوف من فكرة أنه فيه احتمال أنه يحصل قذف سريع أو مبكر في العلاقة الجنسية بيأثر علي سير العلاقة كلها وبيجيب نتائج عكسية.
الأسباب العضوية :
- ممكن لو الراجل عنده مشاكل صحية مما تتسبب في سرعة القذف زي مثلا إصابات النخاع الشوكي اللي ممكن توصل للمركز العصبي الانعكاسي المسؤول عن عملية القذف، والأورام، أكياس الدم أو التهتكات الجزئية للألياف العصبية المارة عبره، أو مرض التصلب المتعدد بالنخاع الشوكي، أو الالتهاب المزمن للبروستات، الحويصلة المنوية أو الأمراض الميكروبية واللي ممكن تسبب احتقان بمنطقة الحوض وبالتالي سرعة القذف، أو خلل في المستويات الهرمونية زي هرمونات الغدة الدرقية مثلا.
- وكمان بعض الأمراض المزمنة اللي بتسبب في وجود اختلالات في الجهاز العصبي مثل مرض السكري، أو تعاطي المخدرات اللي بتحفِّز الجهاز العصبي زي الكوكايين و الأُمفيتامين وغيرها مثلا .
- فيه حاجه كمان، نقص مادة السيروتونين في مراكز القذف بالمخيخ أو خلل في المستقبلات العصبيّة المعتمدة على المادة دي، ممكن يكون ليها تأثير سلبي في أنها بتقلل من مستوى الاستثارة للمستقبلات العصبية.
- واستخدام المنشّطات العصبية لفترات طويلة زي اللي بيحصل في حبوب التخسيس، وكمان في فترة النقاهة من أدوية الإدمان بتكون مصحوبةً بسرعة القذف لحد ما يستقرّ الجهاز العصبي، ويتخلّص تماماً من تأثير الإدمان.
أزاي نعالج سرعة القذف
- استخدام الأدوية المناسبة عشان تسيطر على سرعة القذف.
- استعمال الواقي الذكري وده موجود في الصيدليات عشان بيقلل نسبة الإحساس شوية بالعلاقة الجنسية وبالتالي بيطول العلاقة وبيأخر القذف.
- قلل من فترة المداعبة أو الإثارة قبل بدأ اللقاء الفعلي أو الجماع.
- العلاج النفسي بالمشاركة مع الزوجة.
- مضادات الاكتئاب ممكن تحسن المزاج ده لأن الأكتئاب بيخلي مفيش رغبة للممارسه ولو حصل بيبقي القذف من غير تحكم.
- استخدام بعض الكريمات أو البخاخات اللي موجودة في الصيدليّات، ودي بتكون عبارة عن مخدّر موضعي بيتتُرشّ على القضيب.
