التعلق العاطفي المرضي أسبابه وازي تميزه
ساعات بتطغي المشاكل الروتينية داخل العلاقات الزوجية وممكن تتسبب في تدميها والأمر بيكون أصعب لو كانت هذه العلاقة قائمة على التعلق العاطفي المرضي وده بيخلي الطرفين يبذلوا مجهود كبير في أنهم يخلوا العلاقة قائمه وناجحة التعلق العاطفي المرضي هو مرتبط في حالة مشتركة بين طرفين وفيها بيحاول واحد فيهم يوجهه كل وقته وجهد عشان يحسن ظروف الطرف الاخر اللي هو المدمن أو اللي عايش في حاله إدمان قهري، وغالباً بيكون الطرف المدمن على المخدرات والكحول.
وبين الأزواج الظاهرة دي بتظهر وبيكون نوع الحب في الحالة دي غير صحي في ظل أن بيكون أحد الطرفين بيتعامل مع الطرف الأخر بشكل سلبي و خاصة لما يدمن على شرب الخمر وفيها بيكون الشخص السليم بذل كل جهده بيحاول إخراج الشريك المدمن من مرحلة الإدمان وبالتالي بينسي نفسه وبينسي احتياجاته الشخصية .
و التعلق العاطفي المرضي هو نمط من التعلق القهري في السلوك والتصرفات القهرية للإدمان وبيرجع لرغبة الشريك على أن يكون جمب ناس مريضه بس عشان يحس إن الناس محتجاله وده بيزود ثقته بنفسه وممكن يحدث التعلق العاطفي في العلاقات الأسرية والعاطفية و بين الزملاء في الشغل وبين الأصدقاء والشخص اللي عنده النوع ده من التعلق بيكون عنده قدره انه ينكر إن الوضع القائم عليه هو غلط و بيصور نفسه علي انه مثالي وقادر يسيطر .
العلاقات اللي بتعتمد علي التعلق العاطفي المرضي مش بتنتهي غالباً بمأساة لكنه بخلي الشخص مش قادر انه يعيش حياته بشكل طبيعي وبتسبب مشاكل تانيه كتير وبين الازواج من الافضل ان الزوجين يلاقوا حلول للوضع ده بعيدا الطاقة السلبية.
التعلق العاطفي بين الأزواج
التعلق العاطفي المرضي العلماء قالوا انه بينشا بين الأشخاص لو فيهم حد بيعاني من مشكلة الإدمان وتناول المخدرات أو الكحول و المصطلح تطور ودخلت فيه العلاقات الزوجية، ومن الممكن تحصل مشاكل بسبب فشل احد أطراف العلاقة في السيطرة على النزوات الطرف الأخر أو انه يقفد الرغبة الجنسية تجاه الطرف الأخر وهنا بيظهر التعلق العاطفي عند الطرف إلي مش مرغوب فيه من خلال محاولاته لإصلاح ما حدث.
اضطراب الشخصية الاعتمادية : ما حك جلدك مثل ظفرك
وعلى سبيل المثال
لو احد طرفين العلاقة الزوجية مدمن على الخمر هنا هيحاول علاج نفسه بنفسه، أو قد يتوسل للطرف التاني عشان يساعده في تغيير هذه الحالة، غير إن الشخص اللي بيميل إلى التعلق العاطفي بالطرف الأخر المدمن هيواجهه مشكلة لما يسيبه ويحمل محاولات كتير عشان ينقذ حياة الشريك اللي هو الشخص المدمن وقيس علي كده الحياة الزوجية.
ومع ذلك الشريك اللي هو الشخص السليم هيحس بالسيطرة على الشريك المدمن وبالتالي الشريك المدمن هيحس بفقدان السيطرة وأنه ضعيف، وهيحصل الطرف السليم علي السيطرة وانه قادر علي تغير حياة الشخص المدن لكن في النص هيفقد اهتمامه بذاته وبمطلباته الشخصية بهدف إثبات قوته للطرف المدمن .
وبالتالي العلاقة هنا بتكون غير مثالية لكنه ممكن تكون مريحة وعادية للناس اللي معندهاش فكرة عن احترام الذات ودايما شايفين إنهم بلا قيمة وان مفيش حد عايزهم وتفكيرهم سلبي علي طول الأفكار السلبية الشائعة جداً ممكن تأثر علي العلاقات الزوجية وبقاء الشخص مع الطرف الأخر.
سبب حدوث التعلق العاطفي
ممكن نوضح سبب حدوث التعلق العاطفي المرضي من خلال مثال
ممكن يحدث التعلق العاطفي المرضي للناس واجهوا مواقف وحالات زي الإدمان أو غيره في حياتهم وداخل أسرتهم زي إن مثلا بنت بتنجذب عاطفيا لولد أو راجل مدمن علي الخمر والانجذاب ده بسبب إن أبوها كان مدمن فبالتالي هي تأثرت بالعادة السيئة في حين ان ناس تانيه مكنش عندهم أوضاع مماثلة للإدمان أو التعلق المرضي داخل الاسره فا مش بيقدروا يستمرا في العلاقة مع حد مدمن ومش بيقدروا يقوموا بدور التعلق العاطفي .
ازاي نميز التعلق العاطفي؟
في 3 أسئلة بسيطة هتساعد في كشف التعلق العاطفي المرضي هل موجود ام لا في العلاقة ، 1-هل العلاقة مع الطرف الأخر مهمة أكثر من نفسي؟
وهنا ممكن الأنانية تكون مسيطرة علي مشاعر الحب بين الطرفين، لو فيه تعلق مرضي هنا هيحاول احد الإطراف انه يضحي بنفسه وحبه لذاته عشان يسعد الطرف الأخر .
2- ايه الثمن اللي أدفعه عشان كون مع الشخص ده ؟
يقصد إن الثمن اللي ممكن يدفعه شخص سليم بسبب وجوده قرب شخص مدمن هو القلق وبالتالي هيأثر علي راحته واهتمامه بنفسه .
3- هل أنا الوحيد اللي بيعمل مجهود في العلاقة ؟
ممكن احد الطرفين في العلاقة هو مرسل والتاني مستقبل خالص من غير أي رده فعل يعني واحد بيحاول انه ينجح العلاقة والطرف الأخر ولا همه .
