هاتعملي إيه لو صاحبتك عندها اضطراب الهوية الجنسية
لأن الصداقة من أعمق العلاقات الإنسانية، ولو عندك صديق حقيقي لازم تحافظ عليه، لكن من مخاطر التقارب بين الأصدقاء، موضوع اضطراب الهوية الجنسية خصوصاً بين البنات، لأن صحبتك هتلاقيها بتتعامل معاكي وكأنها شريك حياتك، بغيرته وتطلعاته في حبك، عشان كدا لازم تفهمي تصرفها وتعرفي تتصرفي مع الموضوع ازاي ..
ازاي تعرفي أن صحبتك عندها اضطراب الهوية الجنسية
1-الغيرة :
- الغيرة هنا مش من صحابك البنات بس ولا بقصد أنها عايزة تكون صديقتك الوحيدة، لأن دا عادي، لكن غيرتها هنا عليكي من أي راجل يدخل حياتك
- غيرتها بشكل مبالغ فيه، عايزاكي متتخطبيش ليه أو متخرجيش معاه، ممكن تكون بتغير منك، بس هيبان من كلامها لو الغيره منك ولا عليكي منه، وأنتي أحساسك هيقدر يفرق دي غيرة صحاب ولا حد بيحبك
2- نظراتها :
- نظرتها ليكي غريبة مش زي باقي البنات، بتتفحص ملامحك بحب وهيام طول الوقت، بتحسي في نظراتها أنك مع خطيبك
3- كلامها :
- كلامها معاكي مش عن المكياج ولا الماسكات ولا رغي البنات العادي، بتلاقيها بتتكلم في أهتمامات تانية ذكورية شوية، الموضوع عادي لو بتلعب هواية ذكورية زي المصارعة أو كرة القدم، لكن مش عادي أن كل أحاديثها تبقى مايلة للجانب الذكوري، مفيش ست مهما كانت ثقفتها وهواياتها وشغلها، مبتفكرش في لون شعرها وبشرتها حتى لو يوم في الشهر
4- غضبها منك :
- بتغضب منك لو قولتيلها أنا بحبك زي أختي، أنتي أختي، أو عاملتيها كبنت عادية، هتغضب منك لو زعلتي منها بسبب غيرتها عليكي أو قولتيلها مينفعش تقوليلي كدا، هتضغب منك لو سألتيها في أيه مالك
5- التهرب :
- بتتهرب منك لو كنتي عندها في البيت أنها تلبس قدامك، أو تغير أو تروح معاكي تشتري هدوم، ممكن يكون إلي عندها كسوف عادي، لكن تهربها حتى من أنها تشمر رجلها أو تلبس قصير قصادك أو حتى تروح معاكي الكوافير
6- نوابات الاكتئاب :
- بيجلها اكتئاب كتير، وبتدخل في حالات حزن وعزلة مش عارفة أخرهم ولا هيخلصوا أمتى
ازاي تقدري تتعاملي مع صاحبتك إلي عندها اضطراب الهوية الجنسية
أهم خطوة أنك تسأليها في الأول، بكل صراحة، إلي عندها دا شذوذ ولا حالة هي مش عارفة تسيطر عليها، حالة عايشة فيها ومخليها مش قادرة تتوازن ولو طلع أنه اضطراب الهوية الجنسية يبقى أتبعي الخطوات دي
1- أتعاملي بهدوء:
- فيه فرق بين الشذوذ واضطراب الهوية الجنسية، الموضوع مش بأيدها، دا في عقلها
2- أتكلمي معاها :
- حاولي تتكلمي معاها بهدوء وبراحه وتسأليها هي كويسة ومتقبله ذاتها ولالا، وحاسة بأيه وليه بتتصرف كدا
3-الدكتور النفساني :
- شجعيها تزور طبيب نفسي أو معالج، عشان يعرف الموضوع بدأ معاها من أمتى وليه، ويقدر يفهم حالتها ويقولها العلاج المناسب
4-عيشيها جو البنات :
- حطيلها مكياج كتير، خديها كل الأماكن الأنثوية، وقوليلها أد أيه شكلها حلو في الفستاتين والروج
5-متكبريش الموضوع :
- متقوليش لحد من صحابكم طالما هي مش حابة تقولهم، علشان مش هيتفهموا الموقف وهيضايقوها ويتعبوا نفسيتها أكثر ولازم تحاولي تفرقي بين هل اللي عندها ده اضطرب حقيقي ولا مجرد خيال جنسي وهايروح لحاله؟
6- وضحيلها حبك :
- وضحي ليها أنك بتحبيها عشان هي بنت، عشان هي صاحبتك إلي بتثقي فيها، أنتي بتحبيها كأصدقاء وبس
7- تثقف نفسها :
- أنصحيها تثقف نفسها وتقرأ عن حالاتها وعلاجهم وتفهم هل الموضوع نفسي بس ولا كمان جسدي
8- العلاج الجماعي :
- روحي معاها جلسات العلاج الجماعي، هتلاقي كتير بيحصلهم كدا وهتقدر تتقبل نفسها
أقري عن اضطراب الهوية وعلاجه كمان من هنااضطراب الهوية الجنسية : الدماغ في طريق والجسم في طريق تاني
شاركينا بأهم الطرق إلي تقدري تتعاملي بيها في الموقف دا؟
