القلق والغيرة: أزاي تحل مشكلة غيرتها وترجع ثقتها فيك
كل يوم خناقات بسبب القلق والغيرة، كلمت دي ليه، عملت لدي لايك ليه، ضحكت مع مين، بتتكلم عن الست دي بالشكل دا ليه، وأنت طول اليوم مطالب تبرر موقفك ليها وأنك بتحبها وأن القلق والغيرة دول ملهمش أي لزمة لكن مفيش فايدة، لأن الستات لما بتخاف وبتسألك عن حاجة بتكون عايزة أجابة مريحة كلها عاطفة ترجع بيها حبك مش أجابة منطقية .
ليه الستات بتحس بـ القلق والغيرة؟
1- طبع دائم :
غيره من كل الستات بشكل دائم ودا سببه
- تربيتها، نشأتها، أفكارها عن أن الراجل عينه زايغة، ممكن يتجوز4 ، الخبرات والتجارب لستات تانية
- أو عرفت قصصك ومغامراتك السابقة سواء أنت حكيت ليها أو هي أكتشفت دا بعد الأرتباط وحصلها صدمه، وحتى بعد ما هتسامحك عقلها بيخزن بشكل لا أراداي إلي بيحصل وبتخرجه في أول موقف مشابهه للذكرى المتخزنه دي
2- طبع مستجد :
كانت عادية في الأول وبعد فترة من الأرتباط بدأت تغير وتتصرف بشكل غير طبيعتها ودا بسبب
- أما أن شكلها اتغير، سواء تخنت أو خست، أو تعب أفقدها شوية من صفاء بشرتها أو حالتها الصحية أتدهورت
- أو حاسة بوجود ست تانية في حياتك، ولأن الستات عندهم حاسة سادسة وحافظين شريك حياتهم، بنظراته بحبه، بطريقة تغيره، فهي أول حد هتحس بتغيرك قبل ما أنت تحس بيه، وهنا هتلاقيها بتكرر ليك اسم معين وتسألك عنه، طبيعة علاقتك، مين دي، تعرفها ليه، وتبدأ تضايق لو جبت سيرتها أو قربت ليها حتى لو بكومنت أو كلام شغل عادي
حل مشكلة القلق والغيرة عند شريكة حياتي؟
1- الممنوعات :
بلاش جمل زي أنتي مش واثقة في نفسك وبتشكي فيا، وخناقات عشان تبطل غيره مش هتنتهي غير بمشاكل أكبر وأحتمال أنفصال
2- أزرع الثقة في نفسها وفي حبك
- قولها كلمات حب وغزل فيها وفي شكلها وفي روحها لو هي تعبانه وشكلها مجهد وقولها روحك لسه جميلة وشكلك لسه أجمل، وأن مفيش حد يملى قلبك غيرها
- كرر كلامك عشان القلق والتوتر ممكن يتكرر من وقت للتاني بسبب مواقف بسيطة فكرر كلامك على أوقات متفرقة من اليوم، زي الدوا أطمن عليها الصبح، حسسها أنها وحشتك الظهر، أتغزل فيها بليل وأتأكد أنك عملت كدا وأنها مبسوطة قبل ما تنام، لو نامت مبسوطة هتصحى بالها هادي ومن غير قلق ولا غيره
- متزهقش، خلي نفسك طويل وعبر بكل اللغات عن حبك كل شوية لحد ما ترجع أحسن، قولها بالكلام بالهدايا وبالأهتمام وركز على أكثر لغة هي بتحبها في التعبير
- الست الثانية إلي بتجبلك سيرتها، قلل معاملتك معاها، أو الغي معاملتك تماماً لو ملوش لزوم، لو معاك في الشغل قلل المعاملة والهزار متعملهاش أي نشاط على السوشيال ميديا ولا تكلمها، لأن زي ما قولنا الستات عندهم حاسة سادسة وبتغير من مجرد أحساسها بأن فيه شريك هياخدك منها حتى لو مجرد أحساس وقلق مش صحيح
- الأمانة في معاملتك مع الجنس الآخر وتراعي ربنا وتحترمها حتى من غير علمها، هتحس بدا حتى لو مقولتوش
- تجنب المشاكل على أد ما تقدر لأن أي مشكلة لو متحلتش أو حاولت تصالحها بسرعة وتراضيها بتخليها تقلق من مستقبل علاقتكم والتوتر بيعمل القلق المؤدي للغيرة
عشان تتفادي القلق والغيرة :
- لازم تعرفي مواهبك وحياتك قبل ما تقابلي شريك حياتك كانت عاملة أزاي وتكملي فيها، وتعملي طموحك ومستقبلك متخلهوش محور حياتك إلي توقفي كل حياتك بسبب شوية قلق، وأعرفي أن ثقتك في نفسك بينعكس على كل تصرفاتك، كل ما هتهتمي بنفسك وبشغلك هتقدري تديه حب وثقة وبلاش ترمي ودنك لصحابك وأهلك عن كل الرجالة خاينة وأنه زيهم، لأن كل حد وطبعه وطول ما أنتي واثقة فيه وبتدي ليه حب وأهتمام هيحبك أكثر ولو سابك هو الخسران.
شاركونا بمشكلتكم مع الغيرة واتصرفتوا أزاي؟
