ما هو الاكتئاب الشديد والمتوسط؟
طبيعي نحس بالإحباط من وقت للتاني، لكن الاكتئاب حاجة تانية خالص ولازم نعالجه. الاكتئاب مش بس بيسبب مشاعر الإحباط، لأ بيسبب مشاعر كتير سلبية وبيغير المزاج لمدة أسابيع أو شهور أو حتى سنين على حسب نوعه وشدته.
ناس كتير دلوقتي بتقول على مشاعر الحزن أنها اكتئاب، لكن الاكتئاب معقد أكتر من كدا وليه تصنيفات كتيرة وكل واحدة منها بتأثر عالحياة بطريقة معينة. يعنى ممكن نصنف الاكتئاب أنه خفيف، أو متوسط، أو شديد.
شاكك إن عندك اكتئاب؟ دوس هنا واعمل اختبار الاكتئاب أونلاين
المحتويــات
أزاي بيكون الاكتئاب المتوسط
من ناحية شدة الأعراض، فالاكتئاب المتوسط هو المستوى التالي من الحالات الخفيفة. علشان كدا بيشترك الاكتئاب المتوسط والخفيف في أعراض متشابهة. لكن جمب كدا، ممكن يتسبب الاكتئاب المتوسط في:
- مشاكل في احترام الذات
- قلة الإنتاج
- مشاعر من انعدام القيمة
- زيادة الحساسية
- قلق كتير
الفرق الكبير ما بينهم هو أن أعراض الاكتئاب المتوسط شديدة كفاية لأنها تسبب مشاكل في البيت والشغل. ممكن يسبب مشاكل بردوا في العلاقات الإجتماعية.
سهل تشخيص الاكتئاب المتوسط بالمقارنة بالخفيف لأن الأعراض بتأثر بشكل أكبر على الحياة اليومية. لكن لازم تتواصل مع دكتور علشان تكلمه عن أعراضك وتلاقي حل. وممكن يوصفلك مثبطات استرداد السيروتونين الانتقائية، زي سيرترالين (زولوفت) أو باروكستين (باكسيل). ممكن تأثير الأدوية دي يحتاج ستة أسابيع. كمان بيستخدم العلاج السلوكي المعرفي (CBT) في حالات من الاكتئاب المتوسط.
أي شعور الاكتئاب الشديد
الاكتئاب الشديد أعراض أقوى من الخفيف والمتوسط والكل بيقدر يلاحظها بسهولة، لأنها بتأثر على حياة الإنسان كلها. نوبات الاكتئاب الشديد بتستمر في المتوسط 6 شهور أو أكتر. في بعض الأوقات، ممكن يختفي الاكتئاب الشديد بعد فترة، لكن ممكن يتكرر بردوا مع ناس.
التشخيص مهم جدًا في حالة الاكتئاب الحاد، وكمان المهم يحصل في الوقت المناسب مش متأخر. وأعراضه بتكون:
- أوهام
- مشاعر ذهول
- هلوسة
- الأفكار أو سلوكيات انتحارية
الاكتئاب الشديد لازم يتعالج في أسرع وقت ممكن. وغالبًا الدكتور هيوصف مضادات الاكتئاب زي مثبطات استرداد السيروتونين الانتقائية، جمب العلاج النفسي. لو كان بيجيلك أفكار انتحار أو تعرف حد بيحصله كدا، لازم تطلب علطول مساعدة فورية.
اعمل أي مع الاكتئاب؟
علشان تعالج الاكتئاب بشكل صح، لازم تتواصل مع طبيب مختص علشان يشخصك ويحدد طريقة العلاج. لأن العلاج ممكن يكون بالأدوية زي؛ مثبطات استرداد السيروتونين الانتقائية أو العلاجات العشبية أو العلاج المعرفي السلوكي أو تعديلات نمط الحياة.
كمان في حالات الاكتئاب الخفيفة والمتوسطة لازم تتواصل بردوا مع الدكتور، حتى لو أعراض مش ملحوظة. لكن علشان تلحقها قبل ما تزيد. وأه العلاج ممكن ياخد وقت لكن لابد منه وهو طريقتك الوحيدة علشان تكون أحسن.
أسباب الاكتئاب
الاكتئاب بقى بيحصل كتير جدًا. منظمة الصحة العالمية (WHO)، بتقول أن هو السبب الرئيسي للمشاكل الصحية والعجز على مستوى العالم. لكن مفيش حاجة واحدة السبب فيه. لكن في حاجات كتير بتساعد في ظهوره زي النوع. مثلًا الستات بيجلهم اكتئاب ضعف الرجالة. الأسباب التانية اللي ممكن تساهم هي:
- الوراثة يعنى الأب والأم أو حد تاني في العيلة عنده اكتئاب أو مر بيه قبل كدا
- حالة صحية عقلية تانية
- الفقر
- الظروف الصحية المزمنة
- أدوية معينة
معلومات تهمك لو عايز تعرف أكتر عن الاكتئاب الخفيف
الاكتئاب الخفيف أكتر من أنه يكون شعور مؤقت بالحزن. لأ دا الأعراض بتستمر أيام، وبتكون ملحوظة لدرجة متخليش الشخص يقدر يعيش يومه بطريقة طبيعية. الأعراض هي:
- التهيج أو الغضب
- اليأس
- الاحساس بالذنب
- كره النفس
- فقدان الاهتمام بالأنشطة اللي كنت بتستمتع بها قبل كدا
- صعوبة في التركيز في الشغل
- مفيش حافز ولا رغبة
- مفيش اهتمام بالعلاقات الإجتماعية
- الأوجاع والآلام من غير سبب واضح
- النعس في النهار والتعب
- الأرق
- تغيرات الشهية
- تغيرات الوزن
- سلوك متهور مثل تعاطي الكحول والمخدرات أو القمار
لو استمرت الأعراض معظم اليوم، وفي المتوسط 4 أيام في الأسبوع لمدة سنتين، فممكن تتشخص باضطراب اكتئابي مستمر، والحالة دي بتتسمى بردوا عسر المزاج. على الرغم من أن الاكتئاب الخفيف ممكن ملاحظته، لكن من الصعب تشخيصه. لكن عمومًا هو سهل في العلاج. وممكن لشوية تغييرات في أسلوب الحياة أنها تزود مستويات السيروتونين في الدماغ ، ودي بتساعد في محاربة أعراض الاكتئاب.
التغييرات المفيدة في أسلوب الحياة بتضم:
- لعب الرياضة يوميا
- الالتزام بجدول النوم
- اتباع نظام غذائي متوازن غني بالفواكه والخضروات
- ممارسة اليوجا أو التأمل
- اعمل الأنشطة اللي بتقلل التوتر، زي كتابة اليوميات أو القراءة أو الاستماع إلى الموسيقى
العلاجات البديلة والأدوية
العلاجات البديلة للاكتئاب الخفيف، زي عشب العرن المثقوب ومكملات الميلاتونين. لكن، خد بالك المكملات الغذائية ممكن تأثر على بعض الأدوية. علشان كدا لازم تسأل دكتورك قبل ما تاخد أي مكمل غذائي.
كمان ممكن الدكتور يشوف أنك محتاج لمضادات الاكئتاب اسمها مثبطات امتصاص السيروتونين الانتقائية (SSRIs). لكن عمومًا هي بتتوصف أكتر، للناس المصابة باكتئاب شديد. كمان الاكتئاب اللي بيتكرر بيستجيب أكتر للتغييرات في أسلوب الحياة والعلاج النفسي أكتر من الأدوية. ممكن تفكر أن الاكتئاب الخفيف مش محتاج علاج طبي، لكن خد بالك أنه بردوا مش هيروح من نفسه، ولازم تهتم بعلاجه. لأن لو سبته هيزيد أكتر.
