ما هو علاج الاكتئاب عند الرجال؟
بشكل عام، الرجالة مبترضاش تطلب مساعدة علشات بيحسوا أن دا ضغف، والمفروض يكونوا أقوياء، ويعتمدوا على نفسهم، ويقدروا يسيطروا على ألمهم بنفسهم.
كل دا بيخليهم ميعترفوش بأي مشاكل صحية عندهم ما بالك بالمشاكل العقلية والنفسية زي الاكتئاب. لكن دا غلط، لأن الاكتئاب حالة خطيرة ومش هيروح من نفسه بالعكس ممكن يزداد سوء.
شاكك إن عندك اكتئاب؟ دوس هنا واعمل اختبار الاكتئاب أونلاين
المحتويــات
أي هو الاكتئاب؟
الكل أوقات بيحس حزن أو تعب ومشاكل في النوم، بالذات لما بنكون تحت ضغط. دي حاجة طبيعية نتيجة الضغوط الكتيرة اللي ورا بعضها. لكن مرض الاكتئاب حاجة تانية، اه التعب والأرق من أعراض الاكتئاب، لكن الموضوع مبيقفش لحد هنا. لأ المكتئب مزاجه بيتغير وبيفقد اهتمامه بكل حاجة لأسابيع. الحاجة اللي بتميز الاكتئاب بردوا هي تغير المزاج واللامبالاة لمدة أسبوعين أو أكتر. الأعرض التانية زي:
- الخسسان بشكل كبير، مع أن مش عامل دايت. أو زيادة الوزن بسبب الأكل لكتير.
- الأرق أو النوم الكتير
- الحركات اللي ملهاش سبب زي التخبيط بالصوابع
- التعب وفقدان الطاقة كل يوم تقريبًا
- احساس بانعدام القيمة أو الذنب المفرط
- ضعف التفكير أو التركيز
- التردد
- أفكار متكررة عن الموت
- التفكير في الانتحار، أو محاولة انتحار . وبيزيد الخطر في حالة أن الشخص جرب قبل كدا. الستات بتحاول تنتحر أكتر من الرجالة، لكن الرجالة اللي بيموتوا أكتر.
أعراض الاكتئاب عند الرجالة
الرجالة اللي عندها اكتئاب بيعانوا من أعراض كتيرة، وممكن الأعراض تختلف بين الراجل والست. يعني الراجل بيحس أكتر بالتعب الشديد، والانفعال، ومبيهتمش بشغله ولا بيته ولا أصحابه ولا الحاجات اللي بيحبها. كمان بيواجه صعوبة في النوم. كمان بيحسوا بالأعراض دي:
- العصبية أو الغضب أو اليأس أو القلق
- مفيش اهتمام بالعمل أو الأسرة أو هوايات أو اهتمامات تانية بما فيها الجنس
- التعب الشديد
- صعوبة في التركيز
- اضطراب النوم، أوقات مينمش كويس وأوقات ينام كتير زيادة عن اللازم
- تغييرات في عادات الأكل يعني ياكل كتير أو مياكلش
- التفكير في الانتحار
- مشاكل جسدية زي أوجاع أو آلام، أو مشاكل في الجهاز الهضمي
- مفيش قدرى على أنه يعمل المسؤوليات اليومية اللي عليه
ما هو علاج الاكتئاب عند الرجال؟
الجمع بين الأدوية والعلاج النفسي بينفع مع معظم الرجالة المصابة بالاكتئاب. كمان التغييرات في أسلوب الحياة بتساعدهم.
أسلوب الحياة
الحالات الخفيفة من الاكتئاب، ممكن التمارين التمارين اليومية تحسن من أعراض الاكتئاب زي الأكل الكويس، كمان روتين النوم المحدد بيساعد في تخفيف أعراض تانية.
العلاج النفسي
العلاج النفسي، أو العلاج بالكلام، يعني علاج الاكتئاب بالجلسات مع الدكتور أو الأخصائي النفسي، المريض بيبدأ يقول هو حاسس بأيه ونفسه فأي. كمان ممكن العلاج النفسي يكون في شكل جلسات جماعية علشان الكل يستفيد من تجربة بعضه. كمان في أنواع مختلفة من العلاج النفسي.
العلاج السلوكي المعرفي (CBT). دا علاج قصير المدى بيشتغل على استبدال الأفكار السلبية لأفكار إيجابية وواقعية أكتر. كمان بيركز على أخد خطوات معينة علشان المريض يتحكم في الأعراض.
علاج حل المشكلات. دا بيساعد في تعليم إزاي الشخص يتعامل مع تأثير الحاجات الوحشة اللي بتحصل في الحياة وبتسبب الاكتئاب. العلاج النفسي عمومًا بيساعد المصاب في:
- إزاي يتعامل مع أزمته
- يحدد الأفكار السلبية ويحولها لإيجابية
- يفهم علاقته باللي حواليه ويكون علاقات ناجحة
- يدور على طريقة يقدر يحل بيها مشاكله ويتكيف معاها
- يحدد المشاكل اللي بتسببله اكتئاب
- يحط أهداف واقعية
- يقوي قدرته على التحمل
الأدوية
الدكتور ممكن يوصفلك دواء لو حالتك تحتاج دا. أدوية الاكتئاب بتضم مثبطات امتصاص السيروتونين الانتقائية (SSRI) وأدوية مثبطات امتصاص السيروتونين-نوربينفرين (SNRI) الأتنين علاجات فعالة للاكتئاب. الأدوية التانية زي مثبطات امتصاص النوربينفرين والدوبامين (NDRI) ومضادات الاكتئاب غير النمطية ومضادات الاكتئاب ثلاثية الحلقات ومثبطات مونوامين أوكسيديز (MAOI).
استجابة الناس للدواء مختلفة. لازم استشارة الدكتور دايمًا علشان تتأكد من تأثير الدواء عليك. ومينفعش أبدًا تتوقف عن الأدوية المضادة للاكتئاب من غير ماتستشير دكتورك. لأن دا ممكن يسبب أعراض انسحاب مفاجئة ويسبب زيادة أعراض الاكتئاب.
لو الراجل بيعاني من حالة اكتئاب شديدة ممكن يحتاج يدخل مستشفى. لأن الرعاية في المستشفى هتكون أفضل وآمن، خاصة لو كان بيفكر في الانتحار.
