أسباب اكتئاب الصباح
أوقات كتير بتيجي على الواحد أيام بيكون كسلان ومش عايز يقوم من السرير، أو بيكون حاسس بإرهاق وتعب والسبب إنه نام متأخر.
بس لو الوضع ده اتكرر كتير وحسيت إن معندكش هدف تصحى عشانه، وكانت مصحوبة بإحساس التعب الشديد واليأس والحزن الشديد والإحباط، فده معناه إنك بتعاني من حالة اسمها اكتئاب الصبح،،، كمل قراية عشان تعرف إيه هي الأعراض المرتبطة باكتئاب الصبح، وكمان هنقولك إيه هي أسباب أعراض الصباح.
شاكك إن عندك اكتئاب؟ دوس هنا واعمل اختبار الاكتئاب
المحتويــات
يعني إيه اكتئاب الصبح؟
- الاكتئاب الصباحي، واحد من الأعراض اللي بيعاني منها بعض الناس المصابين باضطراب الاكتئاب الشديد، وفي الاكتئاب ده المريض بيعاني من مع أعراض اكتئاب أكثر حدة في الصبح أكتر من فترة بعد الضهر أو بالليل، والأعراض دى بتشمل الحزن الشديد والإحباط والغضب والتعب.
- وهو بيختلف عن الاكتئاب الموسمي اللي بيرتبط بالتغيرات في المواسم زي اكتئاب الشتاء أو اكتئاب الربيع، الخبراء كمان اعتادوا على اعتبار الاكتئاب الصباحي تشخيصًا سريريًا بمفرده، بس حاليا بيعتبروه واحد من الأعراض المحتملة للاكتئاب.
طيب إيه هي أسباب اكتئاب الصباح
- في دراسة تم إجراؤها في عام،2013، الدراسة دي اكتشفت أن الأشخاص المصابين بالاكتئاب غالبًا بيكونوا بيعانوا من اضطراب في إيقاعات الساعة البيولوجية، والاضطراب ده هو واحد من الأسباب الرئيسية لاكتئاب الصبح.
- جسمك بيعمل على مدار الساعة الداخلية على طال ال 24 ساعة وده اللي بيخليك تحس إنك عايز تنام في الليل ومستيقظ في النهار، دورة النوم والاستيقاظ الطبيعية دي اسمها “الإيقاع اليومي” .
- وطبعا إيقاع الساعة البيولوجية، أو ساعة الجسم الطبيعية بينظم كل حاجة في الجسم من معدل ضربات القلب إلى درجة حرارة الجسم، دا غير انه بيأثر على الطاقة والتفكير واليقظة والمزاج، والايقاعات اليومية دي بتساعدك على الحفاظ على مزاج مستقر.
- كمان إيقاعات بعض الهرمونات زي الكورتيزول والميلاتونين، بتساعد جسمك على الاستعداد لأحداث معينة، على سبيل المثال، جسمك ببنتج الكورتيزول عند شروق الشمس، والهرمون ده بيمنحك الطاقة عشان تكون نشيط ويقظ في النهار، ولما الشمس تغرب جسمك بيفرز هرمون النوم “الميلاتونين”.
- لما الإيقاعات دي بتتعطل جسمك بيبدأ في إفراز الهرمونات في الوقت الغلط من اليوم، وده طبعا هيكون ليه تأثير سلبي على صحتك الجسدية والعاطفية، على سبيل المثال لما جسمك يفرز عندما الميلاتونين في النهار هتحس بالتعب بالتعب وسرعة الانفعال،،، وده طبعا لأنه هرمون ليلي.
- في حاجة تانية مهمة ليها تأثير بالغ على المزاج وهي السهر وقلة الحصول على وقت كافي من النوم،، ازاى؟
- معظم إفرازات هرمون التستوستيرون “هرمون الذكورة” بتحصل أثناء النوم، وده معناه أن للنوم تأثير مباشر على مستويات هرمون التستوستيرون عندك.
- معظم البيانات الرسمية بتظهر أن الحصول على أقل من 8 ساعات من النوم بيقلل من مستويات هرمون التستوستيرون عند الرجل بنسبة تصل إلى 15٪ في اليوم التاني،، يعني لما يصحى من النوم..
أعراض الاكتئاب الصباحي
- عادة الناس المصابين بالاكتئاب الصباحي بيعانوا من أعراض حادة في الصبح، زي الشعور بالحزن والكآبة، وصعوبة الاستيقاظ والقيام من السرير.
- نقص شديد في الطاقة من بداية اليوم.
- صعوبة مواجهة المهام البسيطة زي الاستحمام أو عمل القهوة.
- قلة الانتباه أو قلة التركيز.
- الانفعالات الشديدة أو الإحباط.
- قلة الاهتمام بالأنشطة اللي كانت ممتعة في يوم من الأيام.
- مشاعر الفراغ.
- تغيرات في الشهية، يعني ممكن اكتر أو أقل من المعتاد.
- فرط النوم (النوم لفترة أطول من المعتاد).
علاج اكتئاب الصبح
الأدوية
على عكس أعراض الاكتئاب التاني، ظ الاكتئاب الصباحي مش بيستجيب لمثبطات امتصاص السيروتونين الانتقائية (SSRIs)، ومع ذلك ممكن الدكتور يوصف مثبطات امتصاص السيروتونين والنوربينفرين (SNRIs) زي فينلافاكسين (إيفكسور) للأشخاص اللي بيعانوا من اكتئاب الصبح.
العلاج بالكلام
العلاج بالكلام هو العلاج النفسي زى العلاج الشخصي والعلاج السلوكي المعرفي، وطبعا أوقات بيتم دمج العلاج النفسي مع الأدوية.
العلاجات دي ممكن تساعدك في معالجة أي مشاكل ممكن تساهم في اكتئابك وتزيد الأعراض، زى المشاكل العاطفية أو مشاكل الشغل
