استشارة نفسية: التوهان ضعف الشخصيه القلق والتوتر والخوف المستمر

مبعرفش اركز علي المهام اليوميه مبعرفش امشي خطوه فاي قرار ولا اتاكد منه بقضي ايام واسابيع فالتفكير فعواقب قرار بسيط و عندي كل اعراض القلق والتوتر من نبضات القلب وصعوبه التنفس والرعشه والبرد ووجع البطن وصداع من غير سبب بفكر كتير وبعاني من الحباط لفترات طويله كل يوم وكوابيس والاكتئاب ملازمني وبفكر كتير فايذاء نفسي ، احيانا بحاول اقلل دا باتباع نظام صحي وتشتيت افكاري ولعب الرياضه وبنجح بس بنسبه بسيطه جدا جدا ، دا كله بسبب التعنيف الاسري الي بتعرضله من اهلي نفسيا وجسديا لمده سنين ومهما حاولت اتغلب علي الموضوع بواجه صعوبه لان الموضوع ماثر علي قوه شخصيتي فمبقتش بثق فنفسي ولا فالقرارات الي باخدها حتي لو حاولت انفصل عنهم واركز علي حياتي الشخصيه بحس بالتوهان ، اتكلمت عن مشكلتي مع حد قريب ليا ومع اخصائي ودورت فالموضوع دا كتير لاني فالوضع دا من الطفوله فاديما بفكر فيه انا لحد دلوقت متحسنتش ولسه بواجه نفس المشكله مع اني بقيت فالعشرينات من عمري واتنصحت قبل كدا من قبل اخصائي اكتئاب وعلاج مابعد الصدمه باني اتواصل مع رقم الخط الساخن لمكتب شكاوي المرأه او المركز القومي للمرئه او حقوق الإنسان فمصر عشان يفصلوني عن المكان الي انا فيه ويوفرولي بيئه مناسبه للعلاج النفسي الي انا محتجاله وانا مستعده للخطوه دي بس عندي صعوبه فاتخاذ القرار لاني مش عارفه اي الي هيترتب علي كدا ومش عارفه اثق فالمساعده دي هتكون مناسبه ليا ولا اي هيكون نتائجها وهيتم مساعدتي بالشكل الصحيح ولا لا و ساعات ببق شاكه اصلا فهل هوا دا القرار الصح ولا في طريقه تانيه عِلما بان معنديش اي قريب يساعدني ، ومن الاسباب الي مش مخلياني متاكده من طلب المساعده من الجهات دي اني مشفتلهاش اي نشاطات فعليه فقضيتي دي