استشارة نفسية: بغرق في منطقه الراحه

كانت في مود سيئ اقرب اتنين اصحاب ليا بعدت عنهم في اسباب حقيقيه بس الاهم اني مكنتش عايزه اتكلم مع حد مش مهتم او اي حد عموما .. كنت مش بنام كويس ٣ او ٤ ساعات في اليوم و بتعصب بسرعه فسبت كمان الشغل اللي فعلا مهم جدا في شخصيتي انا شخصيه امرأه عامله دا اكبر جزء في شخصيتي اخر ست شهور قبل ما اسيب الشغل كنت مش بعمل حاجهفي حياتي غير الشغل و المسلسلات .. حياتي الاجتماعيه كانت متوقفه تقريبا و المهم بعد ما سيبت الشغل حسست انه ممكن يكون احتراق وظيفي مثلا او اني معبرتش عن حزني كفايه لما بابا توفي من سنتين فمشاعري فقدت السيطره عليها و فبقيت مزاجيه جدا
عموما قولت انا محتاجه ابعد عن كل ضغوط الحياه ….
و دا من خمس شهور ..

حسيت براحه و بقيت انام كويس شهيتي قفلت بدل ما كنت قربت اكل بشر .. بس حاسه اني مش تمام انا لسه مش عايزه اي شغل ولا اتعلم اي حاجه ولا اتعرف على ناس جديده ولا بخرج من البيت اصلا في ال٥ شهور اللي فاته مش ببالغ لو قولت مخرجتش من بابا العماره غير ٧ او ٨ مرات فقط و مرتاحه جدا في comfort zone دي .. حاسه اني لازم اخرج و اتعلم و ابطل تسويف و اشتغل و اتعرف على ناس بس انا بقيت احب دائره الارتياح دي و حساها هتخنقني في يوم لانها بتتضيق كل يوم اكتر حاسه بالذنب بس مش عارفه اخرج منها فعلا
بعتذر عن الاخطاء الاملائيه مدققتش وانا بكتب الحقيقه 😅