استشارة نفسية: مش عارفة عندي ايه ؟
العصبية الزائدة و مش لقيالها سبب… يعني شخص بياكل بصوت ببقي عايزة اخرسه اقتله…. شخص بيزعق ببقي عايزة اديله بالقلم…. شخص بيتكلم بسرعة ببقي عايزة اقوله ايييه يا تهدي يا تخرس…. ساعات تانية ببقي عكس كل دا 🙃 حرفيا…. متقبلة لكل شئ زي الصوت العالي و غيره و مش متضايقة بتاتا عاااادي كأن اللي كانت متضايقة دي واحدة تانية….. ساعات أساعد الناس و ساعات اتمني يموتوا حرفيا او يختفوا للابد…..ساعات أحب بشدة و ساعات أكره حد الموت….. أحسد الشخص ساعة و ساعة ادعيله ربنا يباركله…… تعبت جدا و غير متزنة و مخبية و بعيط ساعة و برقص ساعة لما هيحصلي حاجه…. من يومين كنت برقص و بهيص و مبسوطة فجأة وقفت و قعدت اعيط ع السرير عادي 🙃…..ساعات بنسي الماضي تماما بكل تفاصيله و شوية بفتكره بكل كل كل تفاصيله كأنها حصلت امبارح… اللي كان بيضايقني امبارح مش بيضايقني انهاردة…. دا اكيد مش طبيعي… تعبت نفسي أستقر…. رغم اني بصلي و بحب ربنا و لما بعمل اخطاء بعيط بالدموع و لما بغلط بعتذر و بتحامل علي نفسي و ساعات باخد حق نفسي انا بجد مش عارفة أفهم جوايا ايه او أكيد حاسة بإيه….ساعات بحب و بموت ف صحابي و ساعات بتمني يختفوا… ساعات بعمل كل الخير و ساعات بعمل كل الشر…. ساعات لطيفة جدا و ساعات بكون وقحة جدا…. ساعات ثرثارة جداً و ساعة صامتة جداً تعبت تعبت والله بكتب و عايزة اعيط تعبت مش ثابتة علي حالة أبداً… التقلبات دي ساعات بتكون علي مدار اليوم…. يعني مليون احساس ف اليوم…. ممكن يوم كويس و سعيدو محصلش فيه حاجة اخر اليوم دا ع المخدة أعيط بدون أي سبب و مش فاهمة في ايه!!!!!
