استشارة نفسية: بقالي فترة كبيرة نفسيتي تعبانه حاسة دايما بانهيار

انا عندى 23 سنه ..بقالي فترة كبيرة نفسيتي تعبانه حاسة دايما بانهيار من الدنيا والأشخاص اللى حواليا كلهم بيضغطونى وبيجرحونى باستمرار..شخصيتي حساسة بحب افرح الكل بس للاسف كلهم زعلونى كلامهم بيجرح وافعالهم دايما بتوجعنى وللأسف كل ما اجي اعمل رد فعل أو ع الاقل اعيط بسمع منهم كلام محبط دايما يقولولي انتى مكبرة الموضوع انتى مريضة نفسية ! عشان كدا بقيت بسكت ومبقتش ادافع عن نفسي وبقيت بعيط كتير لوحدي وفى مشاكل كتيرة في حياتي مسببة ليا تعاسة وعياط بالليل كتير لوحدي بوصل لفكرة الانتحار ف النهاية عشان ارتاح وحاولت 3 مرات انتحر بالفعل ودايما بتفشل وحياتي للأسف وحشة جدا مافيهاش شئ واحد يفرح للأسف وكل اللى حواليا أشخاص محبطين عاوزين بس يرتاحو منى ويخلونى اتجوز اي حد وخلاص محدش فيهم حاسس بتعبي النفسي وكلهم عاوزين مني اكون فرحانه 24 ساعه واعمل ليهم مطالبهم في حين أن محدش فيهم بيفكر يسعدني. عاوزنى انا اللى اسعدهم بس إنما محدش بيدور هي فرحانه ولا لا حتى اقرب الناس ليا جرحونى وبقيت بفضل الوحده واقعد اعيط لوحدي وبحاول أهرب من الواقع واعمل اي حاجة بحبها بأني اسمع مسلسل أو أي حاجة تفك عليا بس للاسف من كتر الضغط النفسي اللى في حياتي مبقتش في حاجة قادرة تفرحني وبقالي سنين تعبانه حتى جسدي اشتكي مني معدتي والقاولون العصبي والعظام والضهر وألم في الأسنان بسبب شدة الأعصاب وانا نايمه ولما بتعب اوى نفسيا بيجيلي تنميل زى كهرباء خفيفة كدا او وخزات في الفك الاسفل من الفم مش فاهمه سببه اية وبتجيلي أوقات شهقه كدا من غير سبب زى الطفل الصغير اللى بيبقي بيعيط وفجأة وسط العياط بيشهق. بيجيلي الشهقه دي لما بتعب جامد بتيجي حتى وانا ببقي عادية بتكلم مع حد عادي الاقي نفسي بيروح وضربات بتزيد واجي شاهقه كدا ودايما عندي ألم فى العظام ضهري رجليا ايديا ودوخه وزغلله ونظري ضعيف كل منطقه في جسمي تقريبا تعبانه للأسف وبقيت بكرة نفسي ودايما اللى حواليا ينتقضوني واسمع منهم كلام سخيف ودايما يحسسونى أنى فاشلة لانى متجوزتش وانا مش عاوزة اتجوز انا تعبانه نفسيا ومش قادرة اعيش طبيعي ومحدش فيهم مقدر دا ولا حدد حاسس بيا ومش عارفة اعمل اي أخد أدوية اكتئاب ولا اعمل اي ومش معايا فلوس اقدر اجيب أدوية ولا معايا اروح لدكتور اتعالج حتي .