4طرق عشان تعرف تتناقش مع شخص شايف نفسه صح علي طول؟
تعمل ايه لو اضطريت تتناقش مع حد شايف نفسه صح علي طول، ساعات كتير بنقابل ناس شايفين انهم معصومين من الخطأ، وطبعا مفيش حد من البشر معصوم من الخطأ، فا ساعات لو دخلت مع نقاش مع شخصية من النوع ده ممكن تلبس أنت في الحيطة أو تقلب بخناقة، غير كده وكده مش هتعرف تقنعه إن اللي بيقوله ده غلط، هنا هنحاول نقولك أربع طرق هتخليك تعرف تتناقش مع النوعية دي من الناس من غير ما تقفد أعصابك.
- امسك أعصابك.
- التعامل مع الطرف التاني.
- خليك واثق في نفسك.
- أقفل الحوار في الموضوع نفسه.
- أمسك أعصابك
-خليك هادي عشان الغضب والعصبيه مش هتفيد في الموقف ده، عشان لو اتعصبت ممكن تقول كلام تندم عليه بعد كده .
-حاول تقر هل الموضوع اللي بتتناقشوا فيه يستحق انه يتفتح له حوار من الأساس ولا لأ، يعني مثلا لو بتتناقشوا إيه اللي هيبقي طعمه حلو لو حطناه علي البيتزا لحمه ولا فراخ، هنا من الأفضل أنك ما تتناقشي أصلا في الموضوع ده لأنه ما يستاهلش أنك تبذل فيه مجهود وتناقشه، من الأفضل انك تعرف أساس الموضوع لو مش عارفه، انهي الحوار من أوله.
– قول اللي أنت عارفه وبس، لو معندكش دراية كافية بالموضوع اللي بتتناقشوا فيها، لأنك لو معندكش خلفيه فا دا هيخليك تفتي ويعرضك لهجوم من الطرف الأخر، عشان لو اقفشت وأنت بتفتي وإن اللي بتقوله مش صحيح ساعتتها مصدقيتك هتضيع، خلي بالك وأنت بتتكلم أنك تقول الحاجة الصح اللي عارفها عشان تتفادي الهجوم وتحافظ علي هدوءك.
- التعامل مع الطرف التاني
بما أنك بتحاول حد تاني شايف نفسه الصح علي طول خلي بالك من علاقتك معاه، يعني حط قدامك انه مثل قريبك أبوك، أمك، أختك، أستاذك، صحبك الأنتيم، وغيرها من العلاقات اللي ممكن تقلب بنكد لو دخلت في ناقش مع حد منهم شايف نفسه صح، دا لأن طبيعة العلاقة نفسها هتخليك تتعامل مع الموقف بشكل مختلف.
يعني لو الطرف التاني ده مثلا صاحبك الأنتيم أو حد من العيله، هنا من الأفضل أنك تاخد خط الصراحة معاهم، يعني مثلا لو بتحاول تفهمهم أن اللي بقولوه ده غلط وهما مش مقتنعين، حاول وكرر الملية دي بهدوء وباللين ومن غير عصبيه أو صوت عالي.
ولو كان الطرف التاني ده زميل الشغل أو حتى مديرك، اتعامل مع الموقف بحذر أكثر، ووضح ليهم بود لكن بأسلوب حازم ازاي هما مش مقدرين أفكارك، مع التوضيح برده بأنك بتحترم أفكارهم وأنك بتحب أنهم يعاملوك بنفس الطريقة.
أما بقي لو معرفتك بالطرف التاني معرفة سطحية أو متعرفهمش أصلا فا من الأفضل أنك تنهي الحوار وتنسحب منه بهدوء.
خلي بالك أن دايما فيه ناس لازم يكون هما الصح علي طول
في الحالة دي بتكون فكرة النقاش مش مجدية وهيكون من الأفضل إنك تغيير الموضوع أو تنهي المناقشة فيه من الأول، دا مش استسلام عشان اللي قدامك شخص عنيد أو حد صعب، لا هنا بنعتبره أدراك إن وقتك وحالتك النفسية أهم من انك تبدأ في أنك تثبت أن اللي قدامك غلطان، لأنه أساسا مقتنع أنه مش بيغلط، فا بلاش تضيع وقت أصلا معاه.
الناس اللي ممكن تقلق منهم زي النرجسيين أو المعتلين اجتماعيًا والسلطويين، يعني لو لقيت أي حاجه من الصفات دي مع الناس اللي بتتناقش معاهم، هنا هتحتاج تدور علي النت أو في الكتب أو تسأل دكتور نفسي ازاي تتعامل أو تتناقش مع النوعية دي من الشخصيات، بس من الأفضل تحدد نوع الشخصية اللي بتتعامل معاها كويس هل هو شخصيه نرجسية ولا عنده انهي نوهع من أنواع اضطرابات الشخصية، يمكن لما تقرأ شوية عن النوعية دي من الاضطرابات تتعاطف معاه وتفهم إيه اللي هو بيعاني منه مخليه شايف نفسه كده، في كل الحالات العند وعدم الثقة في النفس هي اللي بتخليهم يستمروا في النقاش شان يثبتوا أنهم صح.
- خليك واثق في نفسك
استخدم لغة بناءة ، ده عشان الغضب والعصبية مش هتحل الأزمة ولا هتحسم النقاش وتفهم اللي قدامك انه غلطان وكمان لغة الاستخفاف بالحوار مش هتفيد، ولو رديت بمقوله أن كل ده كلام تافهه هنا هتجبر اللي قدامك أنه ياخد وضعية الدفاع شان يحاول يثبت أنه صح.
أسمع له كويس ، عشان لما تبين أنك بتستمع له بحرص يمكن يكون هو في الأساس رأيه صح وانت مش واخد بالك من الأول، والاستماع هيخليك تحاول تفهم اللي بيقوله وبالتالي تقدر تتناقش معاه، بعد كده تقدر تقوله علي وجهه نظرك وتعرضها عليه باحترام.
خلي بالك من كلامك اللي ممكن تكون فيها نبرة غضب او عصبيه، الاحتمالات بتقول إن الشخص اللي بيحاول يدافع عن وجهه نظرة وفي حاله إثارة تامة مش بيقدر يعمل الشرح ويعرض وجهه نظرة بشكل وافي، هنا تقدر تستغل الشك وتعرض أنت وجهه نظرك بشكل هادي وبسيط.
متخليش نفسك في مرمي الهجوم، ابعد عن النقاش والحوار كله لو شايف أنك مش متمكن من كل المعلومات اللي بتقولها عشان ما تحطتش نفسك في مرمي هجوم الطرف التاني.
- اقفل الحوار وقفل علي الموضوع نفسه
غير موضوع النقاش، ممكن تتجه لأنك تغير موضوع المناقشة من الأول لو لقيت نفسك مجبرًا على إنك تدخل معاه في حوار مع انك عارف إن الشخص اللي قدامك شايف نفسه صح علي طول.
ممكن كمان تغير موضوع النقاش عشان تخليهم يبعدوا عن الحجج اللي بيقولها عشان يثبتولك أنهم صح، وروح لمنطقة محايدة safe side ، وحاول تلاقي موضوع نقاش تقدروا توصلوا لوجهه نظر متقاربه ويبقي انتوا الأتنين صح.
خلي بالك لحسن الموضوع يفلت منك وتقلب بخناقة أو نكد، عشان فيه فرق بين الحوار الودي والخناقة أو النزاع اللي ممكن ينتج عنه غضب وعصبيه، لما تلاقي نفسك وصلت للمرحلة دي أهرب بجلدك وأنهي النقاش بسرعة عشان أنت ممكن تدفع الثمن غالي علي موضوع أساسا مش مستاهل .
