11خطوه عشان تتخلص من اضطرابات الأكل
اضطرابات الأكل الأساسية ودي ثلاث أنواع، دا غير أنواع تانية من أضطرابات الأكل بتحصل لو كانت علاقة الشخص مش طبيعية بالأكل نفسه، وهنا هنقولك علي 11 خطوة ممكن تعملها بنفسك عشان تتخلص من أضطرابات الأكل ايا كان نوعها.
زي ما قالو في نظام التصنيف النفسي المقبول في الدليل التشخيصي الإحصائي للاضطرابات النفسية الطبعة الخامسة DSM-V، ومنها اضطراب القَهَم العصابي (فقدان الشهية العصابي)، واضطراب النُّهام العصابي (الشره العصبي أو البوليميا)، واضطراب الأكل المُنفّلِت (نهَم الطعام).
شوية معلومان عن الأنواع الأساسية لأضطرابات الأكل:
اضطراب القَهَم أو فقدان الشهية العُصابي هو اضطراب أكل ميزته أن الشخص بيبطل ياكل وبيخس جامد أوي، وبيوصل الأم أن الشخص بيبقي عنده هوس بأنه يفضل يخس علي طول، والنوع ده من الأضطرابات ليه ثلاث صفات رئيسية: وهما أن الشخص مش عارف يرفض أو حتي انه يواقف علي أنه يكون وزنة مثالي، ودايما بيخاف أنه يتخن ويحس أن جسمه متشوه.
المصابون باضطراب البوليميا أو النهُّام العصابي بيمرو بحالات دورية من هوس شَرَه الأكل وبيجي بعدها انه يستعمل طرق مختلفة للتطهير، مثل انه يرجع الأكل أو يستخدم الملينات عشان الأكل ما يتهضمش وما يتخنش.
في اضطراب الأكل المُنفَلِت هنا الشخص بياكل كميات كبيرة من الأكل باندفاع على العكس من البوليميا، وتلاقيه ما بيحاولش أنه يتخلص من الأكل لكن ممكن يعملوا دايت عشان بس بيحسوا بالذنب من فترة للتانية.
اعرف العوامل اللي لتتسبب كليا أو جزئيًا في اضطرابات الأكل.
فيه شوية عوامل خطر مُحتَمَلة بترتبط باضطرابات الأكل، ومنها عوامل: عوامل وراثية وعصبية، ضعف تقدير الذات، قلق مفرط، عايز يبقي كامل والكمال لله طبعا ،دا غير أنه بيبقي عايز يرضي الناس دايما، عنده علاقات مضطربة، بيمارس أذى جسدي أو نفسي، عنده صراع عائلي، ومش قادر يعبر عن مشاعرة .
هنا ازاي تخف الضغط علي نفسك شوية قبل ما تفكر تعالج أضطراب الاكل:
بطل تتحامل على جسمك ودا معنها إن الشخص بيكون انتقادي بالنسبة لجسمه أو لجسم غيره، وفيه ناس تلاقيها تقعد تقول لنفسها شكلي مش هعرف ألبس المايوه القديم تاني وانا عندي الكرش ده، دا غير أنك ممكن تلاقي الصحاب أو الآباء أو الأقارب ينتقدوا الشخص دا قدام الناس أو في غيابهم.
ببساطة واختصار: لو معندكش شيء إيجابي أو مشجع تقوله عن نفسك أو عن غيرك، اسكت احسن، عشان ما تقولش كلمه جارحة ليك أو لغيرك، حتي لو كنت بتهزر لان مش كل الناس بتفهم كده وممكن كلامك يتاخد جد.
كمان خُذ موقف ضد اللي حواليك سواءً أصحاب أو أسرتك أو زملائك في الشغل أو أي أحد خصوصا الناس اللي بيتحاملوا على الأجساد، وممكن كمان تقرر أنك تشجع الناس اللي حواليك أنهم يشوفوا ايه الحلو اللي في جسمهم.
أزاي بقي تتخلص من اضطراب الأكل اللي بتعاني منه
- انتبه للعلامات التحذيرية الجسدية أي اضطراب أو مرض بيدي جسمنا إنذار الأول قبل ما يهجم بشراسة، هنا لازم ننتبه للعلامات اللي بيقولها جسمنا لينا وما نتستهنش بيها وفي نفس الوقت ما نبالغش في العلاج.
- لاحظ العلامات السلوكية لاضطرابات الأكل،دا غير التغيُّرات الجسدية اللي بتأثر علي جسمك واللي ممكن تكون بترتبط اضطرابات الأكل ليها كمان تأثيرات نفسية وسلوكية. يعني مثلا لو حد قالك أنت رفيع ممكن ما تصدقوش وممكن كمان تجادله بأنك على العكس وممكن تروح توزن نفسك وتاخد راي غيرك علي أنه صح وبجد، ومن ضمن التغيرات السلوكية اللي ممكن تظهر عليك كمان هي أنك ممكن تضطر تلبس لبس واسع عشان تداري علي نحافتك اللي زايده عن اللزوم، وممكن تبعت عن العزومات خالص، او لو فيه اكل ترميه عشان ما تكلهمش، دا غير هوس الرجيم وطرق تقلقل الأكل،والخوف الجامد من التخن بأي شكل ،دا غير البعد عن الناس والعلاقات الاجتماعية.
- أتكلم مع دكتور نفسي متخصص في علاج اضطرابات الأكل، عشان الدكتور ده هو اللي هيساعدك عشان تعرف تتعامل مع الأفكار والمشاعر اللي بتجبرك على المبالغة في عمل الدايت كل شوية أو انك بتاكل بنفس مفتوحة أوي، واطمن خالص لان الدكتور ده مش هيخليك تحس بأنك خجلان من نفسك لان ده دوره في الأساس.
- وعشان تستفاد كويس من جلسات العلاج النفسي توقع أن الدكتور هيسمعك كويس واباحترام، دا غير أنك ممكن تاخد رصتك بأنك تحكي قصتك بكل صراحه ووضوح ، وممكن كمان الدكتور يبقي هو الفاصل بينك وبين اهلك وينصحهم يتعاملوا معاك ازاي، وهيساعدك انك تتخلص من الضغوط اللي عليك من أهلك واصحابك.
- حدد الأسباب المحتملة اللي ممكن تكون سبب في تكوين عادات أكل مضطربة عندك، العلاج كمان ممكن يساعدك أنت ليه دايما حاسس انك لازم تخس، وممكن كمان تكتشف ايه الطرق اللي ممكن تخليك تأكل بشكل طبيعي وصحي بعيد عن الأكل اللي بيأذيك واللي بتلجأ ليه إما تكون مضغوط أو عندك مشاكل أسرية.، يعني مثلا فكر كده أمتي بتاكل بشراهه هل اما تكون مريت بتجربة حب فاشلة ولا ابوك وأمك اتطلقوا ولا حد تسبب ليك في أذي أيا كان نوعه، وهل انت دايما بتدور علي الكمال، وهل أنت فاكر انك لو بقيت ارفع هتعرف تلعب رياضة كويس؟ اسئله كتير لو سالتها لنفسك هتعرف تحدد الحاجات اللي بتضرك وتعملك اضطرابات في الأكل.
- أعمل مذكرة للأكل، ودي ليها هدفين: الهدف الأول وهو انك تتعرف على أنماط أكلك ومساعدتك أنت ودكتورك النفسي عشان تعرفوا أنواع الطعام اللي بتأكله ووقت وطريقة الأكل، و الهدف الثاني ودا متعلق بالذات أكتر ودا مخصص عشان تكتب أفكارك ومشاعرك وتغيراتك النفسية اللي بتصاحب عادات الأكل اللي طورتها، وفيه كمان أن المذكرة دي ممكن تكتب فيها المخاوف اللي بتحس بيها واحلامك كمان اللي بتتمني تحققها ، وفيها حاجات تانية كتير ممكن تستكشفها في نفسك عن طريق المذكرة دي.
ممكن تسأل نفسك علي اللي بتمر ببه، وهل بتقارن نفسك بالموديلز اللي في المجلات؟ هل فيه ضغوط كتير واقعه عليك من (المدرسة/الكلية/الشغل، مشاكل عائلية، ضغط من قرايبك)؟
اكتب ايه اللي طورته من طقوس ليها علاقة بالأكل وعن شعورك تجاهها.
اكتب عن مشاعرك اللي بتحس بيها تجاه صراعك مع محاولاتك في التحكم في أنماط أكلك.
لو كنت بتتلاعب بالناس عشان تخدعهم وتخفي سلوكياتك، أزاي هيأثر ده في علاقتك بقرايبك وبغيرهم ؟واكتشف لمشكلة دي في مذكرة الأكل.
اكتب عن الحاجات اللي حققتها في حياتك. ده هيساعدك علي أنم تبقي مدرك لكل اللي حققته في حياتك وتخليك تحس بشعور أفضل وأنت بتشوف الحاجات الكويسه اللي عملتها .
- حاول أنك تشوف حد من صحابك يساعدوك، عن طريق انهم يسمعوك وتقدر تتكلم معاهم تحكي ليهم علي اللي بتحس بيه، عشان يكونوا مستعدين يساعدوك فيس انك تتغلبي علي اضطراب الأكل، حتى لو كان كل اللي هعملوه انهم يكونوا موجودين عشانك.
- واتعلّم أنك تعبر عن مشاعرك بصوت مسموع، وخليك متصالح مع المشاعر اللي بتحس بيها ودا مش معناه انك تبقي متعجرف تتمركز حول ذاتك، لا دا معناه انك عايز تعرف اللي حواليك انك مهم وليك قيمة في الحياة مش اكتر.
- ومن ضمن الحاجات الرئيسة اللي بتسبب اضطرابات الأكل هي ان الشخص معندوش استعداد أو مش قادر انه ياخد أي موقف لنفسه أو يعبر عن مشاعره وتفضيلاته بشكل واضح
- دور علي طرق تانية عشان تتعايش بيها مع مشاعرك، بمعني انك تدور علي طرق تحاول تسترخي بيها وترجع لنفسك حاله الهدوء النفسي بعد يوم منهك نفسيًا. اسمح لنفسك بان يبقي ليك لحظات شخصية مخصصه للراحه ركز فيها علي نفسك، زي انك تسمع للموسيقى أو اتمشي أو اتفرج علي شروق الشمس أو اكتب في مذكراتك وغيرها من الطرق اللي ممكن تساعك في انك تتخلص وتتعامل المشاعر الموترة المؤذية.
- اتبع أساليب التعايُش الصحية عشان تواجه الضغط، هدئ نفسك أما تحس بأنك فاقد السيطرة، واتصل بشخص علي التليفون وركز علي صوته، المس الحاجات اللي قريبة منك، زي مكتب أو ترابيزة أو دبدوب ناعم أو حيطه أو احضن شخص بتحس معاه بالأمان، كل الطرق دي بتسمح ليك أنك تهدي وتقدر ترجع تتواصل مع اللي حواليك تاني علي أرض الواقع.
- ممكن كمان تنام كويس تلتزم بنظام نوم صحي ومنتظم، ممكن النوم يساعدك عل أنه يجدد طاقتك ويخليك مستعد انك تشوف العالم وانت مش متأثر بمواقف سلبية ، لو كنت مش بتعرف تنام بسبب القلق أو الضغط، استكشف طرق عشان تحسن نظام نومك.
- خليك طيب مع نفسك زي ما انت طيب مع غيرك، زي ما بتبص لغيرك علي انهم طبين وكويسين حتي لو فيهم صفات وحشه، بص لنفسك كمان كده وما تركزش علي العيوب، خفف شوية من قسوتك على نفسك بسبب شكل جسمك.
- اركن الميزان علي جمب، مش من المفترض انك توزن نفسك كل يوم سوا عند اضطراب أكل أو من غيره، لان ده بيخليك تحط رسم غير واقعي لتغيرات اللي بتحص علي وزنك وبتجهز نفسك لهوس بالأرقام بدل ما تركز على الصورة الكلية، قلل تدريجيًا من المرات اللي بتطلع فيها علي الميزان لحد ما توصل انك توزن مره أو مرتين في الشهر، خلي لبسك هو ميزانك.
- خذ خطوات صغيرة، لاحظ كل تغيير بسيط بتاخده ناحية تحقيق شخصية صحية أكثر وبص ليها كخطوة كبيرة في طريقك للتعافي، زوّد البروتين في اكلك بالتدريج، قلل إلى حد ما من إفراطك في التمرين، محاولة التوقف بشكل مفاجئ مش هيكون صعب نفسيًا عليك بس ، دا ممكن يصدم جسمك ويتسبب بمشاكل صحية تانية ، وهنا من الافضل انك تشور دكتور زي أخصائي اضطرابات الأكل اللي بتابع معاه.
