لو إنت في العشرينات: دوا أهم 10 حاجات لو بطلتهم حياتك هاتبقي أحسن

هنا هنقول 10 حاجات أو تصرفات  لو بطلتها هتساعدك أنك تظبط رتم حياتك وتبقي مبسوط.

1- بطل تشتري هدوم رخيصه

-من المعروف إن المراهقين أو الشباب عندهم هوس شراء الهدوم الجديدة علي أساس أنهم يلبسوا علي الموضة .

بمعني أن الشاب ممكن يشتري التيشيرت أو البنطلون علي الموضه يلبسه كام لبسه وخلاص يتركن علي الرف جنب أخواته .

-من الأفضل في المرحلة دي تبطل تشتري هدوم عمال علي بطال خصوصا أنك بتجهز نفسك عشان تشتغل في وظيفه محترمه  .

– خلي عندك ستايل محدد في اللبس ويكون مناسب للشغل .

أو انك تشتري كام قطعه كده عليها القيمة تكون للمناسبات المهمة بدل ما تصرف فلوسك علي شراء الماركات كل أسبوعين .

2-بطل تصاحب ناس مش مناسبة ليك

من الصعب انك تلاقي ناس تستحق أنك تديهم اهتمامك.

لكن لما توصله لعمر 24 يعني في العشرينات كده من الأفضل يكون فيه خطوط عريضه تكون محتاج إنها تبقي موجود في شريك حياتك أو حتي صاحبك.

عشان كده متيضعش وقتك في أنك تجرب مع الناس اللي حواليك.

خليك أعمق من كده وحاول تعمل توازن بين أنك تبقي واقعي وبين أنك تدي فرصه للناس عشان تعرفهم أكتر مع الوقت .

 3- بطل تفكر في ” ياتري الناس بتقول عليا ايه ؟”

أغلب الشباب بيكون عندهم قلق في رأي الناس فيهم ودايما عندهم سؤال شاغل بالهم ” ياتري الناس بتقول عليا أيه؟” هنا من الأفضل أنك تبطل تفكر في الإجابة علي السؤال ده كتير.

و-ده  لأن كتر التفكير في الجزئيه دي هتسبب لك نوع من القلق دا غير الكوابيس وكل ده بيقتل الطموح جواك .

عشان كده ثق في نفسك متشغلش بالك بحكم الناس عليك دا مش غرور برضه دا بس محاوله عشان تصفي ذهنك وتفكيرك وتعرف تكمل حياتك بعيدا عن الدوشة برأي الناس فيك .

4-بطل تلوم أهلك

هنا هتلاقي أن محدش كامل يعني أبوك وأمك مش ملايكه دول بشر عاديين ممكن يقعوا في الغلط أو يرتكبو غلط ممكن يأثر عليك سواء وأنت طفل أو أنت راجل .

 عشان كده بطل تلومهم كتير وتشغل دماغك أنك تبص للماضي وتسأل هما ليه عملوا كده هما ليه مهتموش بالرياضة مثلا .

في الحته دي أنت بتشغل دماغك بالماضي من غير ما تهتم بالمستقبل بتاعك أو تبص أنت ذات نفسك عملت لنفسك أيه دا غير أن كتر اللوم هيفقدك علاقاتك العائلية وممكن يخسرك عيلتك اللي هي “السند”.

5-أنسف أحلامك القديمة

-الدنيا بتطور فاالأحلام كمان لازم تتطور عشان كده أنسف أحلامك القديمة.

وأبدأ من جديد بأحلام واقعية وجديدة ومتطورة يعني أعمل إحلال وتجديد لأحلامك وطموحاتك أو مستقبلك خلية مناسب للفترة اللي بتمر بيها.

-ده مش معناه أنك تتخلي عن الخطوط العريضة لحياتك أو رؤيتك لمستقبلك لكن خلي أحلامك وطموحاتك واقعية أكثر عشان تقدر تحققها .

6-بطل تنكر أنك محتاج أموال

في المرحلة دي أنت بتبني نفسك فأكيد محتاج أموال يعني فكرة التمويل لازم تكون في دماغك.

عشان كده التحوش هنا مهم لان ده بيحقق لك قدر من الأمان أو بيأمن قدر من المال يساعدك في فترة الأزمات قدام .

7-حط حدود في تعاملك مع الناس

بمعني أخر بطل تكون لطيف في تعاملاتك مع الكل ودا ليه علاقة بالنقطة رقم 3 لكن هنا أنك محتاج تعمل حدود في التعامل مع الناس وتعرف إمكانيتك كويس دا غير انك تعرف أمتي ترفض وتقول “لا ”  ودي أول سلمه في مدرج “النضج” .

8- خف شوية من القعدة علي الانترنت ” تضيع وقتك”

 في المرحلة دي أنت محتاج تركز أكتر وتدي مساحه أكتر لنفسك بعيد عن النت عشان كده خلي عندك يوم واحد في الاسبوع من غير نت دا هيديك مساحة أكتر للتفكير في اللي فات واللي جاي من حياتك بعيدا عن دوشه معلومات النت.

9-بطل تهمل في صحتك ولياقتك

بما أن المرحلة دي مهمة في حيتك فا كده لازم تبطل تهمل في صحتك لو بتشرب كحوليات هنا تبطلها تخف من أكل الشارع “التيك أوي.

 عشان كده من الأفضل تتعلم تاكل اكل صحي وتبطل اللي كان بيحصل زمان بالليل من شرب أو عشا تقيل أو غيره .

10-كفاية فوضي بقي

هنا عليك تتعلم تبقي منظم أكتر وتبدأ أنك تحط قواعد معينه .

عشان تسهل علي نفسك لما تيجي تدور علي حاجه وتقلل من الوقت الضايع في البحث وده لان النظام يفضل أن يكون شعارك في مرحلة نص الطريق ” منتصف العشرينات”.