مش عارف أنام! 10 حاجات هاتفجأك ممكن تسببلك أرق

“مش عارف أنام ومش عارف ايه السبب!” شكوى أرق النوم المتكررة بنسمعها تقريبا كل يوم من ناس حوالينا، ازاي بكون مرهق وتعبان ولما ادخل انام في ميعادى معرفش!

أرق اللون الأزرق

أكيد سمعت كتير نصيحة انك تبعد عنك الأجهزة الالكترونية قبل النوم، ودا بسبب هرمون بيفرزه الجسم لما بيشوف درجات اللون الأزرق اللي بتخليه ينتبه ويصحصح، عشان كده حاول قبل النوم تقلل الأضاءة وتشغل مزيكا هادية أو تقرأ كتب ورقية تساعد في انها تهدي خلاياك العصبية.

أرق انقطاع البيريود (للنساء) 

انخفاض هرمون الاستروجين عند النساء أول ما يعدوا سن اليأس، بيسبب حدوث شوية اضطرابات منهم سخونية في الجسم بالليل، دراسة بتقول ان حوالي 40% من النساء في سن اليأس بيعانوا من مشاكل شديدة في النوم، اتخلصي من الحرارة والعرق بانك تستخدمي ملايات وبيجامات بتقلل من الرطوبة والسخونية.

أرق الكافيين الزيادة

مستستغربش لما تشرب فنجان قهوة العصر، وتفضل سهران ومنتبه طول الليل، عشان كده بينصح الدكاترة بأنك تشرب كوب واحد من القهوة أو الشاي الصبح، وتمنع أي مشروب بيحتوي على كافيين بعد الغداء عشان تقدر تنام بالليل.

الأرق اللي بمزاجنا

واحد من الأمور الايجابية للبالغين انهم بيشعروا بضغط أقل تجاه الوقت، ودا ممكن يكون معناه انهم يرموا أهمية الوقت وتنظيمه من الشباك، ومبيكونش فارق الوقت اللي هيناموا أو هيصحوا فيه، حتى لو دا معناه يفضلوا صاحيين لفترات طويلة، لكن للأسف الأوقات دي بتؤثر على كيفية افراز جسمك للميلاتونين في باقي يومك وانت صاحي، حاول تحافظ على جدول نوم حتى في وجود الاجازات.

أرق القيلولة

كتير من البالغين بياخدوا قيلولة ساعتين العصرية ودي بتكون من الساعة 2-3 بعد الضهر، ودا بسبب انخفاض الطاقة بعد يوم نشيط أو شغل مرهق، وبالتالي بيخليهم مبيقدروش يناموا في ميعادهم المعتاد في الليل وبيتحول لأرق، لو حسيت بان طاقتك بتقل في ميعاد معين من اليوم حاول تخلي فيه نشاطات معينة بتعملها في الوقت دا عشان جسمك يرفض النوم وقت العصر.

أرق السرير

إنك تقرأ كتاب أو تذاكر قبل النوم دي حاجات كويسة لكن الأفضل انك تعملها وانت على مكتبك أو قاعد على كنبه أو كرسي، انك تعمل الأنشطة اللي بتطلب مجهود عقلي وانت في سريرك بيربط السرير بالمذاكرة وهيربط السرير بالقراءة، ودا هيسببلك صعوبة في انك تسترخي فعلا وقت النوم على سريرك.

أرق الأدوية

سوء توقيت أخذك لأدوية معينة هيخلي جسمك في حالة انتباه زي مدرات البول لضغط الدم، هتخليك مضطر تدخل الحمام كتير، انك تقوم تدخل الحمام مرة أو مرتين وسط نومك دا شئ غير طبيعي، وممكن تكون مضادات الاكتئاب التانية أو منشط أو مسكن حسب النوع اللي بتسخدمه، الأفضل تسأل طبيبك عن أفضل وقت لأخذ أدويتك عشان تتأكد انها مش بتتعارض مع نومك.

القلق والأرق

في أول كام ساعة من نومك هتلاقي نفسك صاحي وباصص للسقف لأن عقلك شغال ومش راضي يبطل دوشة وأفكار، بالنسبة للأرق أفضل حل عشان يقف نهائيا هو معالجة السبب الجوهري، العلاج المعرفي السلوكي CBT بيقول إنك ممكن تعيد تدريب أفكارك وتحاول تبطء من سرعة عقلك في التفكير، ودا معناه انك تكتب الافكار اللي مضايقاك وتخرجها على ورق أو نوت الموبايل وحاول متعملش دا وانت سهران بالليل ولكن اعمله بالنهار وعقلك واعي.

الأرق غرفة النوم

لو من الزهق رميت نفسك على السرير عشان تجبر نفسك تنام، عقلك مع الوقت هيقتنع إن الصحيان في السرير دا شئ طبيعي، بدل ما تعمل كده جرب تنام في الصالة أو في أوضة مختلفة وسيب شاشة الموبايل وغيرها عشان عقلك يدخل في حالة هدوء والنوم يجي بالتدريج.

الأرق الطبي 

“الأرق هو عرض ومرض”، لو حسنت عادات نومك  (جدول نوم منتظم ، وتجنب الكافيين بعد الظهر وما إلى ذلك) كل دا هيكون ولا له أي لازمة، والأرق ممكن يطلع مجرد أثر جانبي لأمراض تانية زي الاكتئاب وتوقف التنفس اثناء النوم، لو جربت النصايح اللي فوق لمدة شهر ومجابوش نتيجة يبقى لازم تستشير دكتور.