هوس التهويل: ليه الستات بتحب تكبر المشاكل والحل

صحيح أن المشكلة في حجم الفار لكن وقت المشكلة شوفتها أسد، هو دا بالظبط إلي بيحصل مع الستات إلي عندهم ” هوس التهويل” بيقدروا يشوفوا أي مشكلة صغيرة على أنها أخر الدنيا، ويبدأ رد فعلهم يكون عنيف وغريب بسبب التهويل، لدرجة بتوصل لهدم البيوت من مشكلة عابرة

طيب هي الستات ليه عندها هوس التهويل للمشاكل؟

1- حبها في الرغي :

معروف أن  معظم الستات بتحب الرغي وأن دي وسيلة محببه ليهم للتنفيس عن نفسهم، فأكيد أول ما هيقولوا مشكلة هيستخدموا كلمات أكثر من اللازم عشان يخرجوا طاقتهم السلبية فيها، عادي جداً يكون قصدها محتجاك جمبي، لكن هتقولك أنت مبقتش تحبني ولا حاسس بيا ولا فاهم أي حاجة أنا مش عايزة حاجة وتبدأ تقول كلام مش مفهوم بعدها لأن دا عامل نفسي موجود جوها ونمط شخصيتها مش قصد منها

2-التأكيد على وصول مشاعرها ليك :

فاهمني أنت فاهمني، أحنا عارفين أننا كائنات مش مفهمومة، عشان كدا بنحاول نفهمك نفسنا بأننا نأكد ونكبر الفكرة أكثر من اللازوم ونشوف القطة أسد ومن الحبة قبة عشان تتأكد أننا مخنوقين، ولأن الراجل عملي بطبعه وهي عاطفية ومحتاجة عاطفة، فلازم تكبر الموضوع عشان تتأكد أنك حاسس بيها

3- حاسس بيا:

الست لما بتحكي مشكلة مهما كبرت فيها هي مش عايزة حل منك أبداً هي عايزة تعاطف معاها، تقولها حاسس بيكي وجمبك، عايزة مشاعر عايزة ورد يا إبراهيم

4- الصحاب :

ولأن الست كأن مشارك بطبعه، فأكيد حكت المشكلة لصحبتها وبالتأكيد حكتها بحجم أكبر من حجمها فوصلت لصحبتها إلي هي ست زيها بحجم أكبر وأكبر فلما قالتلها الحل والطريقة قالتلها حل أكبر بمراحل متعددة وزوايا متداخلة بعيد عن المشكلة الأصلية

5- تغير الهرومانات :

تغير الهرومانات في أيام الدورة الشهرية واكتئاب ما قبل الحيض: مليش نفس أعمل حاجة إلي بيخلي عاطفتها تزيد واحساس الحزن الغير مبرر، فالوجع البسيط بتحسه بوجع كبير والمشكلة الصغيرة العادية في باقي الأيام هتلاقيها بتأثر فيها وتخليها تكتئب وتعيط وتكبر الموضوع

أزاي تتعاملي مع هوس التهويل؟

1- الكتابة : أكتبي المشكلة من البداية للنهاية في ورقة بعد الكتابة أو التسجيل هتلاقيكي أرتحتي لأنك خلاص خرجتي كل الكلام والتعب إلي جواكي وبعدها هتقولي أيه دا ما الموضوع صغير أهو

2-بلاش مشاركة : بلاش تحكي لصحابك كتير عن حياتك خصوصاً لو جربتي وحكيتي ليهم حاجة وكبروا ليكي الموضوع وخلاكي تعملي مشكلة

3-النظام الغذائي : فيتامينات وبروتين ومشروبات دافية تهدي والأعشاب عشان الأعصاب

4- الرياضة : رياضة يومية أو كل ثلاث أيام هتغيرلك مودك وتهديكي

5- أقتلي الفراغ : مينفعش يبقى عندك وقت فراغ هيخليكي تفكري والتفكير هيكبر أي مشكلة، فأشغلي وقتك بهوايات بشغل البيت بأولادك

أعمل أيه مع زوجتي إلي عندها هوس التهويل

1- خليها تتكلم : سبها تتكلم وتفضفض وأتعامل مع الكلام دا على أنه كلام وبس مش قصدها تجرحك ولا تضايق طاقة وبتخرجها حتى لو هتخليها تتكلم وأنت تفكر في شغلك في أي حاجة غير كلامها عشان متتعصبش ولا تفقد أعصابك

2- التعاطف : حسسها بتعاطفك معاها حتى لو هي إلي غلطانه وقولها أنا جمبك وحاسس بيكي وحقك عليا وهتلاقيها بتهدى

3-عاتبها بهدوء: أخص عليكي بقى تزعلي مني على السبب الصغير دا، مقدرش أسيبك نايمة زعلانه حتى لو انتي كبرتي المشكلة، هتلاقيها مع الوقت بتتفادى أنها تكبر أي مشكلة عشانك

لو في حياتك حد عنده هوس التهويل حاول تحتوية بدل ما تنتقده وأفهم هو مكبر الموضوع ليه بدل ما تزعل منه تعاطف معاه..

قولولنا بتعملوا أيه لما حد بيكبر مشكلة بينكو؟