هل يوجد علاج نفسي للحامل؟
الحمل حاجة كبيرة أوي في حياة أي واحدة، وبتخليها تحس بحاجات كتير في نفس الوقت. يعني فرحانة وتعبانة وخايفة ومستنية بفارغ الصبر تشوف حته منها قدامها، وفي نفس الوقت قلقانة من المسئولية. كلها مشاعر طبيعية كله بيحس بيها. لكن لو حسيتي نفسك حزينة بزيادة والحزن مأثر وخليكي مش قادرة تهتمي بنفسك وبالتالي بالطفل اللي جاي. فكدا ممكن يكون اكتئاب الحمل ودي مشكلة نفسية بتيجي لناس كتيرة.
شاكك إن عندك اكتئاب؟ دوس هنا واعمل اختبار الاكتئاب أونلاين
أي حامل تتعرض للمشاكل النفسية لازم تبدأ في علاجها، علشان متطورش وتستمر معاها أكتر.
المحتويــات
نصايح هتساعد في تحسين حالتك النفسية
- خرجي كل مشاعرك لصحبتك أو حد من عيلتك أو مع دكتورك
- جربي جرب تمارين التنفس علشان تهدي لو حسيتي بالإرهاق
- العبي أي رياضة، لكن طبعًا تكون مناسبة للحمل وبتساعدك على النوم، وتحسين حالتك المزاجية
- اهتمي بأكلك كويس، يعني أكل صحي وفمواعيد متنظمة
- حاولي تستفيدي من تجارب اللي سبقوكي، لكن اختاري ناس إيجابية وابعدي عن السلبيين
- متقارنيش نفسك بحوامل تانيين، لأن كل واحدة ومقدرتها على التحمل ودا هيساعدك تحسي أنك مش بتدلعي أو مقصرة
- متخافيش من أنك تقولي اللي بتحسي بيه لدكتور نفسي، لأن هو موجود علشان يساعدك
- ابعدي عن الكحول والسجاير والمخدرات. الحاجات دي بتسوء النفسية مش بتعدلها، كمان ليها تأثير خطير عالطفل ونموه جواكي
هل يوجد علاج نفسي للحامل؟
أه في علاج نفسي للحامل. في نوعين علاج لمشاكل الصحة النفسية والعقلية وهما العلاج بالكلام والأدوية. العلاجات بالكلام هتساعدك في حل المشاكل الشائعة زي التوتر والقلق والاكتئاب. أما إذا وصفلك الدكتور أدوية، فلازم هيقولك تأثيره عليكي وعالطفل، وأكيد هيختار العلاج الأمن.
أعراض المشاكل النفسية في الحمل
في مشاكل نفسية كتيرة ممكن تحصل للحامل. وفي أي وقت، وحتى لو كان أول حمل. والأعراض هي:
- شعور بالحزن طول الوقت
- بتفتكري ذكريات الماضي أو بيجيلك كوابيس أو بتحسي بضيق شديد لما تفتكري تجربة فاشلة. زي مثلًا حملتي قبل كدا وحصل سقط، أو حملك كان في مشاكل وولدتي بصعوبة، أو اتعرضتي لأي أذى.
- بتجيلك نوبات مفاجئة من الذعر أو الخوف من اضطراب الهلع
- عندك وسواس دايم، ودا من أعراض اضطراب الوسواس القهري (OCD)
- عندك خوف شديد من الولادة
- بتواجهي صعوبة في التعود على شكل جسمك، بالذات لو كان عندك اضطراب في الأكل
التحديات المرتبطة بالحمل والولادة
على الرغم من أن الحمل ممكن يكون تحدي للراجل والست، لكن الست هي اللي بتتعب أكتر، كمان لو مش معاها حد يقف جمبها زي جوزها أو أهلها، بيكون التعب أكتر، ويحصلها اضطراب عاطفي. كمان الحمل بيمر بسهولة لناس وناس تانية بيكون صعب. وحتى الحمل السهل مبيخلاش من شوية خوف، وكتير من الأمهات بيبقى عندهم قلق على صحة الطفل. الخوف والقلق لو زاد بيتعب النفسية ويوصل للاكتئاب وكمان الحالة صحية بتكون وحشة.
الحمل قرار لازم ياخده الطرفين، ولو في طرف أجبر التاني عليه، وقتها بيكون في مشاكل نفسية ومفيش دعم كفاية. وحتى لو الأب والأم بينهم مشاكل بعيدة عن الحمل فهي لازم هتأثر على فترة الحمل، لأن محدش فيهم مستحمل التاني والحمل في طبيعته متعب. كمان المشاكل المادية اللي بتقابل الأتنين بتكون عامل ضغط وبتسبب مشاكل نفسية.
كمان في ستات مش بتقدر تتأقلم مع شكل جسمها الجديد ودا بيسببلهم مشاكل، وكمان التغييرات المتعبة زي غثيان الصباح، والأوجاع، والتعب، والأرق، وعسر الهضم كلها تحديات بتقابلها الست الحامل.
في ستات بتقدر تختار الدكتور اللي ترتحله في التعامل ويقدر يطمنها على حالتها وحالة طفلها. لكن في ستات تانية بتلاقي نفسها مضطرة تتعامل مع دكتور صعب التعامل معاه مثلُا علشان تستفيد بالتأمين الطبي ومتدفعش فلوس، وغيرها من الأسباب. دا بيخلي زيارة الدكتور شيء بيسببلها ضيق وممكن تتجنب الزيارات، ودا طبعًا مش صح.
اكتئاب الحمل
في الحمل الست بتمر بمشاعر كتيرة ملخبطة دا عادي. لكن لو كان كل مشاعرها خوف وحزن علطول والموضوع اتطور لأنها أهملت صحتها وبالتالي صحة الطفل اللي جاي، فكدا دا اكتئاب لازم يتعالج. عدم علاجه بيسبب مشاكل كبيرة زي خسارة الوزن وغيرها وممكن توصل لموت الجنين.
في الحمل الدكاترة بتحاول متوصفش مضادات الاكتئاب إلا لو كان عند الست اكتئاب حاد أو إذا كانوا انتكسوا قبل كدا لو مخدوش مضادات الاكتئاب. وفي الغالب بيستخدموا العلاج النفسي علشان ميضطروش يستخدموا الأدوية. لكن عمومًا الدكتور عارف حالتك كمان في أنواع من مضادات الاكتئاب مخاطرها عالحمل قليلة.
