هل يمكن الشفاء من مرض الاكتئاب؟ 

هل يمكن الشفاء من مرض الاكتئاب؟ الناس اللي عندها اكتئاب دايمًا بيسألوا السؤال دا. لكن الإجابة مرتبطة بعوامل كتيرة زي، نوع الاكتئاب وشدته.

عمومًا أعراض الاكتئاب ممكن السيطرة عليها بشكل كبير، وكل ما بدأتي في العلاج أسرع كل ماتحسنتي أسرع. لكن التأخير في العلاج بيزود صعوبة الأعراض.

شاكك إن عندك اكتئاب؟ دوس هنا واعمل اختبار الاكتئاب أونلاين

عوامل بتأثر في مدة الاكتئاب

لكن للأسف في أنواع من الاكتئاب مبتروحش من نفسها بعد مدة، لكن بتستمر كتير. يعني مثلًا الاكتئاب الموسمي دا مرتبط بوقت معين وغالبًا الشتاء، وبيخلص على دخول الربيع. أما الاكتئاب المستمر دا نوع من الاكتئاب ممكن يطول لسنة واتنين. كمان سبب الاكتئاب بيأثر على مدته يعني الاكتئاب لو ناتج عن موقف معين أو ضغوط مؤقتة، فمش هيستمر لفترة طويلة.

يمكن أن يحدث الاكتئاب أيضًا نتيجة لحالات صحية أخرى. على سبيل المثال ، تعاني بعض النساء من اضطراب ما قبل الحيض المزعج ، وهو اكتئاب مرتبط بمتلازمة ما قبل الحيض ، ويمكن للأمهات الجدد في بعض الأحيان أن يصبن باكتئاب ما بعد الولادة. يمكن أن يساعد التحدث إلى طبيبك في تحديد نوع العلاج الموصى به بناءً على سبب اكتئابك.

كمان شدة الاكتئاب بردوا بتتحكم إذا كان هيختفي من نفسه او هيطول. إذا كان الاكتئاب خفيف، فهيتحل من نفسه من غير أي نوع علاج. أما إذا كان الاكتئاب متوسط ​​أو حاد، فهيكون محتاج علاج إضافي. لكن متقلقش معظم اللي عندهم اكتئاب بيتعالجوا. العلاج بيضم عادة الأدوية أو العلاج النفسي أو الاثنين. ممكن تساعد العلاجات التكميلية أيضًا. زي العلاجات العشبية والوخز بالإبر والتمارين الرياضية والتأمل والتدليك للمساعدة في تخفيف الاكتئاب.

أعراض الاكتئاب

الاضطراب الاكتئابي الرئيسي (MDD) هو الشكل المنتشر للاكتئاب وممكن ييجي ويروح طول العمر. أعراضه زي:

• مكتئب المزاج
• فقدان الاهتمام بالأنشطة اللي كنت بتحبها
• تغيرات كبيرة في وزنك أو شهيتك
• مشاكل النوم
• الشعور بالتعب أو الإرهاق
• زيادة الشعور بالهياج
• صعوبة في التفكير أو التركيز أو اتخاذ القرارات

الأعراض ممكن تكون موجودة لمدة أسبوعين على الأقل قبل تشخيصك بالإصابة بالاضطراب الاكتئابي الرئيسي. لكن لو استمر الاكتئاب لمدة عامين أو أكثر، ففممكن يكون الاضطراب الاكتئابي المستمر (PDD)، أو المعروف باسم اكتئاب المزاج. دا بيأثر على حوالي 3 ٪ من الناس في الولايات المتحدة، والستات بيجلها أكتر مرتين من الرجالة.

ليه العلاج مهم؟

العلاج ليه أسباب كتير وبغض النظر عن السبب، ممكن يكون الاكتئاب غير المعالج مرهق جداً ، ويتدخل في كل جزء من حياة الواحد. دا كمان ممكن يوصل للانتحار. كما الاكتئاب مرتبط بمجموعة أمراض زي؛ أمراض القلب والسمنة والسكري ومرض الزهايمر والاضطرابات المزمنة الأخرى. وفي حالة أمراض القلب وارتفاع ضغط الدم والسكري، ممكن الاكتئاب يزودها.

كمان الاكتئاب بيخلي علاج الأمراض التانية صعب، لأن مفيش طاقة ولا حافز. وبيخليهم مينتظموش في علاجهم. ونوبة الاكتئاب ممكن تختفي من نفسها. لكن مفيش حاجة تضمن أي اللي هيحصل. علشان كدا لازم نعالج الاكتئاب.

في أدوية للاكتئاب زي، مضادات الاكتئاب لكنها بتعالج الاكتئاب وقت ما تتاخد ومش بتعالج أسباب، وعلشان كدا أول ما تبطلها بتبدأ الأعراض تظهر تاني.

علاج الاكتئاب:

العلاج المناسب بيقصر مدة الاكتئاب ويقلل أعراضه. لكن في خيارات كتير للعلاج زي:

• الأدوية

مضادات الاكتئاب بتبدأ في تخفيف أعراض الاكتئاب في أقل من أسبوعين إلى أربعة أسابيع. دا مش بيساعدك بس في الإحساس بالتحسن، لكنه بيمنع الاكتئاب من التفاقم. في ناس بتخاف من مضادات الاكتئاب لأنهم بيقلقوا من تأثيرها على حياتهم اليومية. ومع ذلك، في آثار جانبية كتيرة لمضادات الاكتئاب، لكنها بتهدا لما الجسم يتعود على الدواء.

• علاج نفسي

العلاج النفسي نوعين وهما؛ العلاج السلوكي المعرفي واحد. النوع دا من العلاج نتايجه كبيرة، بيساعد المرضى فى تغيير نظرتهم السلبية لنظرة إيجابية.

النوع التاني اسمه العلاج الشخصي، ودا بيركز على الدور الاجتماعي والتفاعلات الشخصية. لكنه علاج مؤقت ما بين 12 إلى 16 أسبوعًا، وكمان بيستخدم في اضطرابات المزاج.

العلاجات التكميلية للاكتئاب:

• العلاجات العشبية مثل نبتة العرن المثقوب والجنكو بيلوبا
• العلاج بالإبر
• ريفليكسولوجي
• تأمل
• تدليك
• الصور الارشادية
• اليوجا

ممكن تساعدك العلاجات البديلة في خطة علاجك وتزيد من إحساسك بالتحسن.

أهتم بنفسك علشان تعالج الاكتئاب

الاهتمام بالنفس من أهم خطوات علاج الاكتئاب. يعني تنام كويس وتاكل أكل صحي. كمان تبعد عن أي حاجة ضارة زي السجاير أو المخدرات. كمان التمارين الرياضية من الحاجات اللي هتساعدك لأنها بتحسن النفسية وتجدد الطاقة.

مثلًا لعب الرياضة لمدة 20 إلى 40 دقيقة 3 مرات في الأسبوع ، هيساعدك في تقليل أعراض الاكتئاب، مش بس دلوقتي لأ علطول. ومش شرط تروح الجيم وتلعب حاجات صعبة، لأ ممكن تشمي أو تجري جمب البيت وغيرها من الحاجات السهلة.

المراجع:

المصدر