هل الاخصائي النفسي يصرف دواء؟
لأ الاخصائي النفسي مبيوصفش أدوية، هو بس بيشخص المرض. لكن دا ميمنعش أن بعض الدول بقت بتسمح ليهم بوصف أدوية بعد ما يتدربوا ويتعلموا كويس.
كتير بيسألوا أي هي التدريبات المطلوبة. لكن مفيش معايير محددة، الموضوع بيختلف من بلد للتانية.
شاكك إن عندك اكتئاب؟ دوس هنا واعمل اختبار الاكتئاب أونلاين
المحتويــات
الأراء المؤيدة والمعارضة لوصف الاخصائي النفسي للدواء
كتير من اللي بيأيدوا فكرة أن الاخصائي النفسي يوصف أدوية شايفين أن دا هيخلي المرضى يستفيدوا من تجارب اللي قبلهم. وأسباب تانية زي:
- بيسهل الوصول للرعاية العقلية
- المرضى بيقدروا يوصلوا للعلاج أسرع
- مساعدة الناس في الريف أنهم يوصلوا للعلاج بطريقة أسهل
كمان في مؤسسات بتعارض وصف الاخصائي النفسي للأدوية وبيشوفوا أن في أسباب كتير ومنها:
- الاخصائي النفسي مش مدرب كفاية في مجال الطب والصيدلة
- أضرار الأدوية الاخصائي النفسي ميعرفهاش كويس
- الاخصائي النفسي مبيقدرش يعرف تأثير أدوية الأمراض النفسية على الأدوية والأمراض الجسدية
- المرضى النفسيين غالبًا بيكون عندهم حالات طبية وعلشان كدا بيحتاجوا لدكتور يقدر يوصف أدوية مناسبة
يعني أي اخصائي نفسي؟
الاخصائي النفسي هو أخصائي بيدرس المشاكل العقلية وسلوكيات الناس الإدراكية والمعرفية والعاطفية والاجتماعية. يعنى بيشوف حياتهم من كل الجوانب، وبيحللها ويعرف إزاي اتعاملوا مع بعض ومع الظروف اللي بيتحطوا فيها والمكان الي عايشين فيها.
لو حد عايز يطلع اخصائي نفسي، لازم يدرس من 3-4 سنين علشان ياخدوا البكالوريوس في علم النفس. وبعدها ماجستير أو دكتوراه في علم النفس. كمان في أماكن كتيرة بتطلب تدريب جمب المؤهلات دي، علشان ياخدوا الترخيص.
لكن عمومًا المؤهلات المطلوبة والخبرة بتختلف من بلد للتانية علشان الشخص ياخد ترخيص الاخصائي النفسي. كمان لازم تعرف أن في أنواع كتيرة من الاخصائي النفسي.
الفرق بين الاخصائي النفسي والطبيب النفسي
ناس كتير مش عارفين الفرق بين الاخصائي النفسي والطبيب النفسي. وفي ناس بتفكر أن الأتنين واحد. لكن لو عايز تعرف أكتر عن مجال علم النفس فلازم تعرف الفرق بين الأتنين. الفرق بسيط، أه الأتنين بيدرسوا نفس الإنسان لكن تعليمهم مختلف. الطبيب النفسي واخد شهادة الطب ولكن تخصصه في علم النفس. أما الاخصائي النفسي مش واخد شهادة طبية، إنما دارس علم نفس وواخد دكتوراه فيه.
الطبيب النفسي هو اللي بيوصف الأدوية. أما الاخصائي النفسي مش بيوصف أدوية، لكن دلوقتي في بلاد بتديله تصريح أنه يوصف أدوية، بعد ما ياخد تدريبات في علم الأدوية والأدوية النفسية. لو محتار تروح لمين، دكتور نفسي ولا اخصائي نفسي. ممكن تستشير دكتور عام علشان يوضحلك أي المناسب ليك على حسب حالتك، ونوع العلاج اللي محتاجه.
أنواع الاخصائي النفسي
في أنواع كتيرة من الاخصائي النفسي، لكن الأساسيين 3 وهما:
- الاخصائيون النفسيون التطبيقيون: بيستخدموا الأبحاث النفسية علشان يحلوا المشكلات الحقيقية. مشاكل العالم الحقيقي. مثلًا علماء نفس الطيران وعلماء النفس الهندسيين وعلماء النفس التنظيمي الصناعي وعلماء نفس العوامل البشرية.
- علماء النفس البحثي: دول بيدرسوا البشر وبيجربوا عليهم دراساتهم. بيتشغلوا في الجامعات أو الشركات أو الوكالات الحكومية. تركيزهم بيكون على تخصصات معينة في علم النفس زي؛ الإدراك والشخصية والتنمية والسلوك الاجتماعي.
- أخصائيو الصحة العقلية: دول بيشتغلوا مع الناس اللي عندها مشاكل عقلية ونفسية. غالبًا بيتوظفوا في المستشفيات أو عيادات الصحة العقلية أو المدارس أو المكاتب الحكومية أو العيادات الخاصة. ومنهم علماء النفس الإكلينيكيون وعلماء النفس الاستشاريون وعلماء النفس المدرسيون.
أماكن شغل الاخصائي النفسي
الاخصائي النفسي بيتشغل في المستشفيات أو العيادات الصحية أو مراكز الصحة العقلية أو معاهد الطب النفسي. وفي أنواع من الاخصائيين بيتشغلوا في أماكن أكاديمية أو بحثية، علشان يعلموا الطلبة ويعملوا بحوث نفسية.
