هتداري ازاي اكتئابك عن اللي حواليك في الشغل والصحاب
لو كنت بتعاني من الاكتئاب، ممكن تواجه شوية أعراض نفسية زي الفراغ المستمر أو المزاج الحزين و الشعور بالذنب والقلق والخوف وفقدان الأمل، وممكن كمان يبقي عندك أرق أو عادات نوم سيئة وصعوبة فى التركيز واتخاذ القرارات وانخفاض في الشهية وفقدان الوزن أو إحساس بانخفاض الطاقة أو الشعور بالتعب لدرجة انك مش قادر تقوم من علي السرير.
ممكن يكون التعامل مع الاكتئاب صعب وكمان إنك تحاول تخبي اكتئابك لما تكون مع صحابك او في الشغل، بس من الأفضل إنك بدل ما تخفي الاكتئاب إنك تعالجه لأن دي الطريقة الوحيدة عشان تبقي طبيعي وكويس.
لو عايز تعرف معلومات اكتر عن الاكتئاب بص علي المقال ده
وهنا فيه 3 أجزاء باتباع التعليمات اللي موجودة فيهم ممكن نساعدك إنك تخفي اكتئابك
الطريقة الأولي خبي اكتئابك قدام صحابك :
- ابعد عن المواقف الاجتماعية اللي بيكون فيها مجموعة كبيرة من صحابك :
ممكن يكوم صعب إنك تخفي اكتئابك قدام الناس التانية وخاصة صحابك الأنتيم أو اللي عارفينك كويس، وهنا عشان تقدر تخبي اكتئابك، ابعد عن المواقف اللي بيبقي فيها أصحاب كتير عشان ما تبقاش مضطر انك تتظاهر أنك مبسوط وسعيد ومفكش حاجه، خليك موجود وقريب من المجموعة الصغيرة والقريبين منك عشان تبعد عن التظاهر.
خلي بالك أنك لو كنت شخص نشط اجتماعيـًا ورفضت انك تخرج مع أصحابك فده هيخليهم يشكوا فيك، فمن الأفضل انك تتكلم مع اكتئابك مع اللي حواليك بدل ما تفضل تحاول تبعد عن الناس وتتظاهر أنك كويس، ده بالإضافة أنك مش هتكون قادر إنك تخبي مشاعرك عن صحابك اللي قريبين منك.
لو كنت مضطر انك مثلا تحضر اجتماع مهم في الشغل أو مع الصحاب حاول تاخد استراحة كل شوية بإنك تدخل الحمام.
وكمان حدد الوقت اللي تقدر تستحمله في تواجدك في الاجتماع ده،ما تحاولش تيجي علي نفسك وتستحمل الاجتماع كله من غير راحة ده هيساعدك أنك تتحكم في مشاعرك بدل ما تضطر انك تكبتها.
- خلي ظهورك في المناسبات الاجتماعية يكون مع صحابك المقربين.
عشان تبطل أي شكوك في إنك عندك اكتئاب، لازم تبذل مجهود عشان تظهر بشكل أقل في المناسبات الاجتماعية، خاصةً لو كنت من الناس اللي ظهورها قليل مع صحابها، ده لأن ظهورك هيبين انك قادر إنك تخرج من حالتك وتبقي حواليك صحابك حتي لو كان عندك اكتئاب.
كمان ممكن تحاول بأقصى طاقتك لإنك تتصرف بإيجابية وانك تخلي وشك سعيد ومبسوط، لكن خلي بالك ان تكرار الفعل ده هيخليك تبقي صريح مع صحابك أوي تحكي لهم عن كل حاجه.
وممكن يكون ده صحي ومفيد ليك علي أساس إن مشاركة مشاعرك مع أصحابك هيكون أفضل بكتير من أنك تضل مخبيها.
- حاول تغير الموضوع لو جه سيرة الاكتئاب أو القلق في نص الكلام
عشان تبعد عن مناقشه أي موضوع له علاقة بالاكتئاب، حاول أنك تغير مجرى الكلام لموضوع تاني، ممكن مثلا تتفرج علي فيلم في التليفزيون وتركز علي الأحداث وتناقشها ، تغيير الموضوع ممكن يكون طريقة عشان تضل مخبي اكتئابك.
وغالبـًا ما يظهر تغييرك للموضوع على أنه علامة انك بتبعد عن الكلام حول الاكتئاب خاصه لو صحابك قلقانين عليك، لأن بفعلك ده بيأكد انك بتحاول تبين انك كويس ومفكش حاجه، وكمان ممكن يأكد لهم انك فيك شئ أو أنك حزين وكمان هيكون من أصعب أنك تبين ملاح وش سعيد ومقنع في نفس الوقت.
- قضي وقت مع ناس تانية عندها اكتئاب.
وجودك وحدك هيقلل من مجهودك أنك تحاول تخبي اكتئابك، لو لو قعدت مع ناس عندها أساسا أكتئاب هنا أنت مش هتحاول تتظاهر أنك كويس، كمان عشان هتحس براحه اكبر لما تتكلم معاهم بصراحه عن اللي بتحس بيه، وده هيساعدك انك تخفي اكتئابك عن بعض الصحاب وكمان تشاركه مع اللي متعاطفين معاك ومتفهمين.
رغم أنه ممكن يكون صعب عليك مشاركة مشاعرك مع الآخرين، ولكن انك تضل مخبيها ممكن بيزود الأمر سوء ويهدد سلامتك وسعادتك، أكشف مشاعرك السلبية لشخص تاني بيعاني من نفس المشاعر ممكن أنه يساعدك على أنك تحس بشعور أفضل ويساعدك انك تتعافي.
الطريقة الثانية إخفاء الاكتئاب في الشغل
- ركز على شغلك بدل من اكتئابك.
الاكتئاب بيخلي عندك صعوبه في التركيز خاصةً في الأعمال المبنية على تنفيذ مهمات والأعمال اللي فيها تفاصيل وأجزاء كتير، ولكن التركيز على تحسين سيرتك الذاتية ممكن يساعدك على إخفاء حقيقة إنك بتعاني من الاكتئاب.
حاول أنك تحط أهداف واقعية واشتغل عليها واعمل قايمه بالمهام اليومية اللي عايز تعملها ، أكتب ملاحظات في الاجتماعات اللي بتحضرها عشان ما يبانش انك مشتت الذهن أو مضطر.
حافظ على تبادل المعلومات الجيدة مع عملائك وحاول انك تحقق توقعاتهم.
وضعك للأهداف وكتابة قوائم المهام اليومية ممكن يخليك علي الطريق في التركيز في الشغل بدل التركيز علي الاكتئاب، بالاستمرار هتلاقي انك مش قادر تركز علي اكتئابك بعد كده.
لكن في حاله انك ماخدتش مساعده عشان تبعد عن التركيز علي الاكتئاب هتفقد كمان تركيزك في شغلك، ومش هتبقي قادر انك تعمل موازنة بين شغلك وحالتك النفسية المضطربة.
خلي عنك وقت انك تهتم بنفسك شوية زي مثلا انك تاخد فترات راحة متكررة أو تتمشي شويه أو تاكل أكل صحي وخفيف .
- ابعد عن الكلام حوالين الاكتئاب أو القلق في الشغل
هيكون من الصعب عليك أنك تخفي اكتئابك لما حد يتكلم عن اكتئاب حد تاني أو قلقه في الشغل، حاول أنك تغير الكلام عشان ما تبقاش ملزم انك تشارك مشاعرك المحبطة معاهم، أو انسحب خالص من الحوار.
خد في اعتبارك أنك لما تشارك مشاعرك السلبية حوالين الاكتئاب هيفيدك وهيخليك تحس بتحسن ويقلل من أحساسك بالوحدة، بالرغم من البعد عن الكلام عن الاكتئاب ممكن تخليك تخبي اكتئابك وقلقك لكن مش هيخليك تبقي احسن.
الطريقة الثالثة اطلب من حد يساعدك في اكتئابك
- اتكلم مع حد من صاحبك الأنتيم
ممكن تكون عايز تخبي اكتئابك بسبب خجلك مثلا أو أحساسك بالذنب أو ارتباكك بسبب شعورك بالسلبية والحزن والوحدة ممكن تحاول انك تحافظ على الظهور عشان تبين انك بخير، وكمان أخفاء المشاعر مش هيخليك قادر انك تطلب المساعدة اللي أنت محتاجها،.
فكر في أنك تطلب المساعدة من حد مقرب من مراتك ، أختك، صحبك، أمك، المساعدة هتفيدك في أنك تتعافي بسرعة وهتخليك تحس انك أحسن.
حاول تتواصل مع بتوع العلاقات ألعامه او الـHR او اللي بيسموهم شئون العاملين اللي معاك في الشغل لو قررت انك تواجه اكتئابك، وهنا ممكن يساعدك بأنه يشوفوا انك محتاج أجازة ولا لا هل ممكن التأمين يغطي علاج الاكتئاب
- دور علي معالج أو مستشار نفسي.
عشان تلاقي يد المساعدة لاكتئابك، حط في حسبانك أنك تروح تتعالج عند دكتور أو مستشار نفسي مختص بالاكتئاب، اطلب من أصحابك اللي عندهم اكتئاب أنه يدلوك علي دكتور نفسي كويس.
او ممكن تسال بتوع الموارد البشرية اللي عندك في الشغل يمكن يلدوك علي واحد يكون من ضمن التأمين الصحي بتاعك.
- اتكلم مع دكتورك عن علاج للاكتئاب.
لقوا ان الدمج بين العلاج النفسي والعلاج الدوائي بيجيب تأثير كويس، ممكن تسأل الدكتور يوصفلك علي علاج دوائي يخفف من آثار الأكتئاب وكمان معالج نفسي يساعدك أنك تتخلص من المشاعر السلبية اللي بيسببها الأكتئاب.
