متلازمة التعب المزمن : لما يبقى التعب والأرهاق مالهمش سبب
أعراض متلازمة التعب المزمن ، أو التعب المستمر أو الألم المزمن وبيكون عبارة عن إحساس مستمر التعب من غير سبب وعلي طول كل اليوم أو في ساعات دون أي توقف طول اليوم أو أغلب الوقت ، يعني من الاخر تعب من غير توقف من غير أى سبب عضوي .
الصعوبه في النوم أو الصحيان بدري وفي نفس الوقت فيه إحساس بالتعب أو مأخدتش كفايتك من النوم ، أو مفيش قدرة علي التفكير بسهوله أو النسيان الكتير أو صعوبة في التفكير أو تفتكر حاجه من الاخر هو مرض نفسي مش عضوي خالص.
اعراضة هي جسمانية بس أساسها نفسي
- الإحساس بوجع في الدماغ ” الرأس” .
- وجع في العضلات كلها
- وجع في المفاصل
- وجع في الحنجرة “الزور “
- حساسية أو رغبة بالهرش حوالين الرقبة كده عند منطقة الغدد أو تحت الباط ” الإبطين”
- ممكن تحس بالأوجاع دي جلها أو حاجه وحدة منها وتكون مستمرة
أمتي تحس بالأعراض دي ؟
ممكن تظهر الأعراض دي بعد التعرض لنشاط ذهنيّ أو جسديّ رغم أن نفس المجهود كان عادي ومش متعب بالمرة بس دلوقتي بقي تقييل ومفيش قدرة عل تحمله قوي نفس المجهود كان في سياق الاعتيادي سابقا .
أكتر ناس بتشعر بمتلازمة التعب المزمن هم اللي عندهم اكتئاب أو اضطرابات القلق.
عشان كده ممكن الادوية اللي بياخدوها ” مضادت الاكتئاب” بتساعد انه تقلل من الشعور بالتعب المزمن .
شوية أحصائيات عن متلازمة التعب المزمن وأسبابها
- الستات أكثر عرضة أنهم يتصابوا بمتلازمة التعب المزمن وخاصة الفئات العمرية من 25 :45 سنه ، ومن النادر أن يصيب الأطفال.
- المراهقين خاصة الفتيات بردو فرصتهم للإصابة قوية.
- البالغين أو المرحلة اللي بعد المراهقة عشرين فيما فوق عندهم فرصه كبيرة للإصابة.
- خصوصا الشريحه بتاعت “الشباب ” وده بيحصل بعد ما يخدوا دور أنفلونزا شديد رغم أن ممكن ميكونش فيه علاقة بين التعب الشديد والأنفلونزا أصلا.
- حاليا الدكاترة لحد دلوقتي مش عارفين السبب للمرض النفسي ده بس الاغلب بيكون عرض من أعراض الاكتئاب.
ازاي بقي نكتشفه ؟
للأسف مفيش فحوصات و أـشعه وتحاليل ممكن تخلينا نكتشف أن الشخص ده مصاب بمتلازمة التعب المزمن .
لكن الواضح لحد دلوقتي أن المتلازمة دي بتكون جايه مع مرض تاني.
كمان مفيش تطور واضح للمرض بمعني أن ممكن يظهرله أعراض متطورة فجأة من غير اي مقدمات.
بمعني التعب اللي كنت متعود عليه سابقا فجأة ممكن يبقي جسمك مش مستحمله ويكون شديد من غير ما يكون فيه مرض تاني مسبب ليك تفاقم للأعراض .
علاج متلازمة التعب المزمن :
- خلينا متفقين أن المرض النفسي ده ملهوش أي خريطة للعلاج أو أي خطوات محدده نقدر نمشي عليها.
- كل الي يقدر يعمله الدكتور النفسي أنه يواصل جلسات الأستماع لحد ما يقدر يكون خلطة معينه من الأدوية تناسب الحالة عشان كده كل مريض علاجه بيختلف عن المريض التاني.
- من الافضل في الحالة دي أن الشخص ينظم مواعيد نومه. بمعني بدل ما يكون قالبه ليله نهاره ونهاره ليه يبقي زي الناس ينام بالليل ويصحي الصبح بدري.
- يمارس رياضة بمعدل ثابت وبأنتظام جري أو مشي عادي أو زوما أو ايروبكس أي رياضة والسلام تعمل تنشيط للجسم وتديله شوية حيوية وتخرجه من المود بشكل عام.
- الطاقة الايجابية هنا ليها عامل كبير للخروج من الحالة التعب المزمن وده بيكون دور الماس اللي حوالين المريض. علي أساس إن الشخص ما يدخلش جوه قوقعه نفسه وبعد كده ندخل في إحباط واكتئاب وأحيانا الغضب. عشان كده جلسات الاجتماع مع المصابين بنفس النوع مهم جدا للحصول علي طاقة أيجابية.
- وعشان هو مرض نفسي مش عضوي فا لو الإنسان أقتنع أنه هو كويس ومش مريض ده هينعكس علي سلوكه وتصرفاته وعلي حيويته وفي حاجات كتير تقدر تساعدك على كدة منهـا التنفس واليوجا والتأمل والنوم الصحي والرياضة المنتظمة.
أقوى طريقة تحمي نفسك بيها من الإصابة بالتعب المزمن هي الابتعاد عن أي مصدر قلق و توتر والتعايش مع أي أمراض أخري مصاحبة ممكن يقلل من الإحساس بالتعب المزمن.
