كم تستمر أعراض الانسحاب؟
في أدوية كتيرة بتستخدم بطريقة مش صح وبتسبب إدمان، وبالذات لما تتاخد بكميات كبيرة. ولما بيزيد إدمان الدواء بتكون أعراض الانسحاب أشد. كمان أعراض الانسحاب بتحصل لما حد يبطل يشرب مخدرات أو خمرة.
أعراض الانسحاب بتحصل نتيجة استجابة الجسم لأنه مبقاش ياخد الحاجة اللي متعود عليها. وكمان الانسجاب بيأثر على أعضاء الجسم أو العقل أو حتى العواطف. وممكن بعضها يكون خطير لو اتساب من غير علاج.
شاكك إن عندك اكتئاب؟ دوس هنا واعمل اختبار الاكتئاب أونلاين
المحتويــات
لي بيحصل الانسحاب؟
لما شخص ياخد أدوية معينة أو يشرب مخدرات أو خمرة باستمرار، بتبدأ دماغه تتعود على المواد دي. وفالأخر ممكن يبقى مدمن، يعني جسمه متعود عليها وميقدرش يشتغل بشكل طبيعي من غيرها.
الناس اللي بتاخد كميات كبيرة وتوقفها غالبًا بيحصلهم أعراض الانسحاب، كمان الناس اللي بتوقف عن التعاطي مرة واحدة مش بالتدريج. في الانسحاب الجسم بيحاول يعود نفسه على الحالة الجديدة ويتخلص من آثار الدواء أو المخدرات. ودا بيسبب اضطرابات مؤقتة في كيمياء الدماغ وممكن يكون معاها مشاكل صحية أو عقلي.
مراحل الانسحاب
أعراض الانسحاب بتختلف في شدة على حسب عوامل كتيرة. يعني مدى تعودك عالمادة أو عوامل شخصية زي الجينات والتمثيل الغذائي. ممكن أعراض الانسحاب تظهر خلال ساعات من أخر استخدام ليك للدواء، أو ممكن تظهر بعد أيام. بتستمر الأعراض من أيام لأسابيع أو حتى شهور. وفالغالب بيكون ليها مراحل وهي:
- فترة الانسحاب الحادة، دي لما الأعراض بتبدأ تشتد، وبتستمر من يومين لأسبوعين.
- فترة انسحاب مطولة، دي لما الأعراض بتكون في أسوأ حالاتها، ثم بتبدأ تختفي.
- بعد هدوء الأعراض الجسدية فترة انسحاب مطولة. ودي للأعراض طويلة المدى زي الرغبة الشديدة والاكتئاب.
خد بالك في ناس بيحصلها انتكاسة بعد ما يخفوا، لكن في برامج علاجية ممكن تتابعها مع دكتور ودي بتقلل من فرص الانتكاسة زي، الاستشفاء الجزئي أو العيادات الخارجية المكثفة. لأنها بتشتغل عالأعراض طويلة المدى وبتعلمك إزاي تعيش حياة هادية.
أعراض الانسحاب
تعرف أن دي أعراض انسحاب لما تلاقي نفسك مش قادر توقف عن الدواء أو المخدرات، وبتحس بأعراض زي الصداع والتعب وغيرهم، ودا لأن جسمك خد عليه. ودا اسمه العلمي الاعتماد على المواد الكيميائية، يعني الإدمان. أعراض الانسحاب ممكن تختلف باختلاف النوع اللي بتستخدم، أو قد أي الانسحاب عندك شديد، وفي أعراض بتتشابه بين كل المواد زي:
تأثيرات الارتداد. يعني الأعراض اللي بتظهر نتيجة تبطيل الدواء أو المخدرات واللي كنت بتاخد المخدرات فالأصل علشان تخلص منها. يعني مثلًا في ناس بتاخد المواد الأفيونية علشان يتخلصوا من الألم الشديد، لكن بعد ما يبطلوها هيحسوا بألم شديد. وكمان اللي بياخدوا البنزوديازيبين علشان القلق لما يبطلوه بيجلهم قلق. وهكذا الاحساس بالخمول بعد تبطيل المنشطات.
كآبة. يعني تبقى حزين ومش قادر تحس بالسعادة بسبب تبطيل المخدرات أو الدواء اللي مسببلك إدمان. ودا بيحصل عند الناس اللي بدأت تتعالج، ودا بسبب قلة كمية الدوبامين في الدماغ ودي المادة اللي بتدي احساس بالسعادة.
أعراض الانسحاب في الجهاز العصبي هي؛ عدم انتظام ضربات القلب، وتنفس غير منتظم، وتغيرات في ضغط الدم.
كم تستمر أعراض الانسحاب؟
مدة الانسحاب بتختلف على حسب المادة اللي بيدمنها الشخص. وكمان في حاجات كتيرة بتأثر على المدة زي:
- كمية الدواء اللي بتاخدها
- طريقة التعاطي، يعني عن طريق الشم، ولا حقن أو غيرها من الطرق
- لو كنت بتاخده لوحده ولا مع حاجة تانية
- قد أي تعاطيت المخدرات
- حاجات فردية يعني زي الوراثة، وسرعة التمثيل الغذائي عندك، ووزنك
لكن عمومًا مدة الانسحاب بتتقسم لتلت مراحل وهما؛ الحادة والممتدة وما بعد الحادة. مهم أنك تعرف المراحل دي علشان تقدر تتوقع اللي هيحصل ودا هيساعدك أكتر في العلاج.
كم تستمر أعراض الانسحاب من المواد المختلفة؟
الانسحاب من الكحول
شدة أعراض الانسحاب من الكحول بتعتمد على قد أي الشخص مدمن ليه. يعني الناس اللي حالتهم خفيفة لمتوسطة بيحصلهم أعراض بسيطة لمتوسطة. وممكن ميحتاجوش لعناية طبية. لكن الناس اللي بتشرب كتير، في احتمال كبير يحصلهم نوبات من الارتباك والذهام وغيرها من الأعراض اللي بتهدد الحياة. ودا لازم الدكتور يتابعه.
أعراض الانسحاب ممكن تظهر في خلال يوم أو يومين من التوقف عن الشرب. لكن لو كان الشخص بيشرب كتير أوي فممكن الأعراض تظهر بعد ساعات. غالبًا الأعراض الخفيفة للمتوسطة بتقعد من أسبوع لأسبوعين. أو ممكن تقعد أسابيع على حسب كل حالة.
انسحاب البنزوديازيبينات
أعراض الانسحاب من البنزوديازيبينات بتشبه أعراض انسحاب الكحول. الأتنين بيحصلوا بسرعة، وبيسببوا ارتباك شديد، ونوبات ممكن تقتل. وعلشان كدا بيتعالجوا عن طريق البنزوديازيبينات طويلة المفعول لكن في برنامج علاج محدد تحت إشراف طبيب. يعني هيدوا للشخص جرعة قليلة ويقللوها مع مرور الوقت لحد ما يبقى مش محتجلها.
انسحاب المواد الأفيونية
المواد الأفيونية زي الأوكسيكودون والهيدروكودون والهيروين والفنتانيل. على الرغم من أن أعراض انسحابها مؤلمة أوي، لكنها في الغالب مش بتقتل. وخطر أن يحصل نوبات بيكون أقل. ودا طبعا لو معندكش حالة تانية بتسبب نوبات.
الخطر الحقيقى اللي بيواجه اللي بيبطلوا تعاطي مواد أفيونية هو خطر الانتكاسة. وكمان الانتكاسة ممكن تخلي الشخص ياخد جرعة زايدة تموت. والمخاطر التانية زي الجفاف وأذية النفس. الناس المدمنة جامد، ممكن الأعراض تظهر عندهم في خلال ساعات، أما اللي حالتهم متوسطة فأعراضهم بيتظهر فيوم أو أتنين.
العلاج ممكن يكون عن طريق أدوية (MAT) وباستخدام دواء بديل للمادة الأفيونية. يعني مثلًا الميثادون والبوبرينورفين (سوبوكسون) و النالوكسون. الأدوية دي ممكن تكون مفيدة جدًا على المدى الطويل.
انسحاب المنشطات
المنشطات المعروفة زي الميثيلفينيديت (ريتالين) والميثيل والكوكايين والأمفيتامينات. غالبًا بعد تبطيل المنشطات دي الأعراض بتكون عاطفية أكتر من الأعراض الجسدية، لكن بردوا ممكن تسبب:
- التعرق
- العصبية
- الخمول
- النعس الشديد، بالعكس مع تبطيل الميثامفيتامين
- تقلبات مزاجية شديدة، لكن خد بالك دي لو متحكمتش فيها صح، ممكن تسبب انتكاسة
