فوبيا المياة Hydrophobia :ممكن يوصل لدرجه انه يخاف يمشي علي كوبري تحته ميه
فوبيا المياة أو اسمها العلمي Hydrophobia أو aqua phobia ودا بيكون خوف مرضي جامد من المية بس دا مش معناه أنه بيخاف انه يستحمي، هنا الخوف من اليمه المتجمعه في مكان كبير زي حمامات السباحه وغيرها .
والطبيعي جدا أن الإنسان يخاف ، لكن فيه أنماط منه بتصل لأننا نوصف اللي بيخاف أنه عنده أضطراب نفسي، وفيه أشكال كتير للنوع ده من الأضطراب وشرحنا منهم بالتفصيل كذا نوع هنا زي فوبيا الوحدة وفوبيا الالتزام والأماكن العامة.
أما فوبيا المية نوع منتشر عند كتير مننا وخاصة الخوف من مياه البحر الخوف اللي بيمنع الشخص أنه ينزل البحر في المصايف وينعش نفسه بالميه بدل حر الشمس علي الشاطئ.
فيه مسببات كتير وراء أصابه الشخص بفوبيا المية، الأسباب دي طبعا بتكون حصلت وهو صغير وبالتالي بتكمل معاه لحد ما يكبر، زي أنه مثلا أتعرض للغرق وهو صغير الحادثة دي سابت في ذاكرته علامه واحساس بالخزوف الشديد من الميه.
وفيه ناس بتخاف و وتقلق جامد بمجرد أنها تشوف الميه بعنيها وبتحس بالخطر، دا غير الخطر اللي بيجي في دماغها أنها أساسا ما بتعرفش تعوم فا إيه اللي حيصل لو وقعت في الميه، بس مفيش حد ما بيخفش من الميه بس الخوف هنا بيكون ليه درجات، لكن لما يزيد الخوف عن الحد الطبيعي المسموح بيه وتلاقية أثر علي سير حياة الشخص الطبيعية، يبقي هنا خوف مرضي ومحتاج علاج.
أما الأنماط اللي بتبين ان الشخص ده عنده خوف مش طبيعي من الميه زي
- خوف من سواقة العربية علي الكبار اللي تحتها ميه زي النيل مثلا.
- الخوف من السباحة في حمامات السباحة أو في البحار.
- الخوف من ركوب المراكب.
- الخوف من التواجد في مكان قريب من اليه.
ايه هي أسباب الخوف المرضى من الميه:
فيه شوية أسباب ورا أن الشخص يخاف للدرجه المرضية من المية زي:
- أنه حصلت له حادثة وهو صغير لهيا علاقة بالميه زي أنه كان هيغرق مثلا.
- وقع في الميه وهو صغير أوي رضيع يعني مكنش مدرك إيه اللي حصل و أزاي يتصرف.
- سمع من حد بيتكلم أنه اتعرض لحادثة ليها علاقة بالميه، واتكون عنده هو خوف من الميه علي الرغم أنه ممرش بالتجربة الغرق مثلا من الأساس.
- ممكن كمان يحس بالخوف بسبب أنه شاف فيلم في السيما أو قرا كتاب من بين أحداثه تعرض أبطال العمل لمخاطر الميه.
- ثقافة الشخص اللي اتربى عليها لها دخل كبير في الجهل بالأشياء و ان مفيش قدرة علي التكيف معها بشكل طبيعي، زي الأشخاص اللي في الصحراء هما في الأساس مش متعودين .
- وفيه ناس بتحط نفسها تحت سيطرة الخوف من الميه، لكن بنمط مش مُدرك أنهم بيتجنبون المواقف اللي بتكون الميه طرف فيها بدون ما يكونوا عارفين إيه الخوف اللي مستنيهم ورا التعرض للميه، وفيه ناس تانية بتبعد عن الميه وهي عارفه حجم الخوف بس عشان يبعدوا عن الضغط العصبي والنفسي اللي ممكن يتعرضوا له.
ايه هي أعراض الخوف المرضى من الميه:
فيه شوية من الناس اللي بيخافوا من الميه عندهم شوية أدراك أن خوفهم دا مش مبرر ومش منطقي بالمرة، وعارين كويس أن خوفهم ده خارج نطاق السيطرة والتحكم.
وطالما أن الشخص ما اتعرضش للتهديد الحقيقي للحياة اللي مرتبط بالماء وتظهر عليه الأعراض اللي هنقولها فدا معناه أن خوفه مرضي، بس الفرق بين الخوف الطبيعي من الميه و الخوف المرضى الأعراض الجسدية اللي هتبان على الشخص زي اللي هنقولها دي:
- زيادة في خفقان القلب.
- الإحساس بالغرق.
- عرق شديد.
- دوخة.
- بيغمض عينه.
- جفاف الفم.
- الرعشة والارتجاف.
- بيحس أنه مش قادر يتنفس.
- بيفقد السيطرة علي نفسه وبيحس أنه بيموت.
نوبات القلق جامدة.
والشخص اللي عنده الأعراض اللي قلناها دي ما يقدرش يتغلب عليها وبيكون عنده أستجابه سريعة علي أن الأعراض دي تظهر بشكل مفرط أول ما يتعرض للميه.
