فوبيا المرض Nosophobia: أسبابها وأعراضها وعلاجها
وهم المرض أو فوبيا المرضNosophobia هي المصطلحات اللي بتسخدم عشان تعبر عن للخوف من المرض، وفي الحالة دي الشخص بيخاف بشكل زايد عن حدة أنه يعيا أو يجيله نزلة برد.
و كلمة نوموفوبيا (Nosophobia ) جايه من كلمه nosos و فوبوس phobos وهي كلمة يونانية بتعبر عن المرض والخوف أو الفوبيا.
الدكاترة بقوا ما يستخدموش مصطلح فوبيا في تشخيص المرضى اللي عندهم خوف زايد ، ويعتبروا التشخيص المرضي اللي من النوع ده إن عندهم اضطراب والقلق .
بس في كثير من الأوقات بتبقي الحياة وصلت لدرجة من التعقد والصعوبة انه يتعايش مع مرضه أو خوفا المرضي ، وممكن يتعرضوا لنوبات ذعر دا غير أحساسهم أنهم ممكن يفقدوا حد عزيز عليهم بسبب المرض.
أسباب فوبيا المرض
معظم الناس بيحاولوا أنهم يخلو بالهم من صحتهم كويس ودا شئ طبيعي أي حد ممكن يعمله، وحتي لو أتعرضوا للمرض فا بيبقي فترة قصيره وتعدي عادي، بس مريض الفوبيا بتسيطر عليه فكرة المرض وبيخاف منها جدا ،وعادة بيعاني الغالبية العظمى من المرضى من أحد الأمراض ،وبالتالي بيتفاقم الشعور بالخوف من المرض ، وغالبا ما تكون الفوبيا هي نتيجة الشعور بإن الموت قرب.
فوبيا المرض ممكن تنشأ نتيجة للاضطراب وللتضخيم الجسدي اللي ليه علاقة بالتصور والإدراك، بالإضافة إلي إن فوبيا المرض عادة ماتتطور مع رد الفعل السلبي اللي ليه علاقة بالأفكار المتعلقة بالمرض ودا في حد ذاته بيأثر علي الشخص المريض وبيخليه منهك.
دا غير أن كتر القرائة عن الأمراض المزمنة اللي ملهاش علاج أو اللي بتدمر الصحة أو اللي ليها أعراض جامده ممكن تغير في شكل البني أدم نفسه أو السماع عن نوعية الأمراض دي في الراديو او التليفزيون أو علي مواقع التواصل الاجتماعي ممكن تسبب الخوف الزيادة عن حدة من فكرة المرض عند شوية من الناس اللي عندهم استعداد لده وخصوصا الناس اللي عندهم عصبية زايدة.
أعراض مريض الفوبيا
بتختلف أعراض فوبيا الخوف من شخص للتاني، بس تلاقي أن معظم اللي بيعانوا من الفوبيا بيبقي عندهم أعراض جسدية زي الصداع ، والغثيان ، والدوخة ، آلام الجسم ، والحكة ، والإسهال ، والعرق الشديد بالليل ،في الحالة دي من الافضه انه يروح للدكتور عشان يعالجوا الاعراض دي اللي ممكن لو زادت تقلب بفوبيا.
دا غير أن الاكتئاب هو عرض من الأعراض الرئيسية للاضطراب وعلي أساسه مكن تحصل تغييرات للمريض في الوزن ، فقدان الشهية أو على العكس .
ازاي ممكن نتغلب علي فوبيا المرض؟
المفتاح الرئيسي في علاج فوبيا الخوف من المرض هو مساعدة المريض علي أنه يدير مخاوف القلق حول المرض، وفي كثير من الأوقات ممكن يلجأ الشخص للأساليب المساعدة الذاتية زي التأمل ، والتأكيد الإيجابي والتصور عشان يقدر يساعد نفسه علي أنه يتغلب علي فوبيا المرض.
التجارب السريرية كشفت أن العلاج المعرفي السلوكي مفيد في علاج مريض الفوبيا وبيعتبر النوع ده من العلاج مفيد ي علاج تخفيف القلق وتقليل حدة الأعراض المزعجة اللي بتحصل للشخص اللي عنده فوبيا ، وفيه نوع تاني من العلاج أسمه لـ فوبيا الخوف من المرض تقييم الخطر الحقيقي.
يعني ايه تقييم الخطر الحقيقي:
صحيح أن فيه مخاطر صحية حقيقية ممكن تجنبها بسهولة زي مثلا لما نسمع عن تفشى مرض زي انفلونزا الخنازير هنا لازم نعرف ايه الخطر الحقيقي اللي واقع علينا لو اتعدينا مثلا وازاي نقلل فرصنا في الإصابة.
وهنا من الافضل أن الشخص يحمي نفسه من وسائل الإعلام، وما يخليهاش تتلاعب بأفكاره وتخليه يخاف ويقلق بزيادة، وما تصدقش كل اللس بتسمعه أو بتشوفه من غير دليل مقنع.
الخوف والقلق ممكن يتشبب في أنه يخلي الجسم دايما منهك ومجهد ،وبيحفيز الجهاز العصبي الودي مع وضع الجسم في خطر الإصابة بـ فوبيا المرض .
أثبتت دراسات من جامعة هارفارد أن التأمل البسيط بيسيطر وبيقلل من الضغط النفسي وبيحفز الجسم علي أنه يسترخي وبالتالي يعرف يتخلص من مشاعر الخوف والقلق .
دا غير أن علي الشخص المصاب بفوبيا المرض أنه يحاول يأكد علي أنه شجاع ومش بيخاف يعني بالكلام عشان يعزز الثقة في نفسه وأن قادر يواجهه المرض النفسي اللي عنده أو حتي المرض العادي لو اتصاب .
انضم لناس عندها صفه الشحاجه عشان يدعموك، لأن ان الشخص يكون وسط ناس عندها أحساس الخوف قليل بيقلل من المشاعر السلبية اللي بيحس بيها الشخص اللي عنده فوبيا .
