فوبيا الإنفراد أو Autophobia : مبيحبش يبقي وحيد
هو خوف مرضي من البقاء منفرداً ووحيد وأحيانا يسمى برُهابُ التَّوَحُّد، وهو خوف من البقاء وحيداً والناس اللي بيعانوا من النوع ده من الخوف غير قادرين على الاسترخاء إلا لو كان حد قاعد معاهم وفي الحالات الحادة بيكونوا عايزين حد معاهم في كل وفي كل وقت و إلا الشخص الخايف بيقوم بهجمات عدائية من الخوف والقلق وردود فعل عاطفية وفيزيائية شديدة.
و التعريف الواسع لرُهابُ الانْفِراد مش بس البقاء فيزيائيا منفردا وحيدا ولكن عدم القدرة على الثقة بالنفس في أي وضع ، وفي النوع ده من الخوف أو الرهاب بيحتاج الشخص إن يكون حد معاه وبيهتم فيه 24ساعه في الـ24 ساعة باليوم زي مثلا بودي جارد بهدف إن الشخص الحارس يكون عنده مقدرة علي أنه يعوض أو يصحح أي عمل غير صحيح، أو غبي ممكن يحصل و بدون الحارس الشخص بيحس بالوحدة وبالضياع وعدم القدرة على التفاعل مع الناس.
أعراض وعلامات رهاب الإنفراد أو الخوف من الوحدة
أعراض رهاب الإنفراد بتكون من خلال الشعور بالخطر علي طول في حال لما يكون الشخص الحارس او الملازم له مش موجود جمبه لو فيه مشكله تمنعه انه يصل ليه بسرعة وهنا الشخص اللي عنده فوبيا بيخاف من أنه يحصل أي كارثة ويواجها لوحدة ومفيش حد ينقذه بسرعة زي الخوف من أحداث عادية الخوف أو الإصابة بصاعقة جوية، أو الدفن حياً بسبب الزلزال أو أنه يدعي تعرضه لنوبة قلبية، وده بيحصل لو مفيش حد جمبه عشان يساعده .
وفيه نوع تاني من الرهاب أو الفوبيا زي فوبيا الأماكن المغلقة : عرق ورعشه وإغماء ، فوبيا الطيران : حصيلة الأفلام اللي بنشوفهـا كل يوم
علاج رهاب الإنفراد
وبيكون العلاج المفيد لرهاب الإنفراد توليفة من العلاج النفسي والأدوية. زي الأدوية المضادة للقلق ممكن تفيد عشان تهدي الشعور بالخوف اللي بيتعرض له الشخص بسبب نوبة الهلع أو الخوف.
والعلاج النفسي ممكن يساعد في اكتشاف الأسباب الحقيقية للخوف ومن خلال تقنية العلاج السلوكي المعرفي ممكن بالتدريج نغير ردود الأفعال السلوكية في الحالات اللي بتسبب تعرض المريض لمعاناة سببها الخوف والهلع اللي بيحصل في اي نوع من انواع الفوبيا .
وهنا العلاج السلوكي والنفسي والإدراكي .. وغيرها من أنواع العلاجات بتستخدم للتغلب على الخوف المرضى وبتعتمد العلاجات دي في على النماذج السلوكية والإدراكية عشان تحدد تأثير العواطف والمشاعر السلبية على الإنسانل لما يتعامل مع موقف معين بنوع من عدم القدرة علي ضبط النفس.
– من الأساليب الفعالة بدرجة سريعة اللجوء للعلاج بالتنويم المغناطيسي Hypnotherapy وفيها بيتم إعادة برمجة العقل الباطن للشخص اللي عنده أفكار سلبية بتخليه حاسس بالخوف وده بيقلل بشكل ملحوظ الأسباب اللي بتدفعه للخوف ، إلا إن النوع ده من العلاج مش بيلاقي تشجيع بسبب رفض المرضي بأنه يبقي فيه شخص تاني غيرهم يسيطر علي عقولهم .
– العلاج بالبرمجة العصبية اللغوية، وبتعتمد البرمجة علي الإشارة إلى أن أي نوع من أنواع المخاوف المرضية هي من صنع البشر وبالتالي تتسبب في إحداث خلل بالبرمجة الطبيعية اللي معتاد عليها العقل .
وفي النوع ده من العلاج بيتم دراسة الطريقة اللي تبناها الإنسان لنفسه عشان يخلق الواقع اللي بيعيش داخل حدوده واللي يمكن اكتشافها عن طريق الموصلات العصبية واللغوية، وبتحديد الخلل وبتعمل إعادة برمجة للي كونه الإنسان عن واقعه وبالتالي ممكن تعديل سلوك الخوف.
– علم ننفس الطاقة نوع من أنواع العلاج الفعالة بدرجة كبيرة لكنه بتاخد وقت طويل عشان يزيل المخاوف المرضية من حياة الإنسان وممكن تستمر فترة العلاج سنوات وده وبيكون شبيه بعلم الشك بالإبر لكن هنا من غير استخدام الإبر الصينية.
وفي النوع ده من العلاج بيتم شك أو وخز المشاعر والعاطفة من غير إبرة عشان بيتم مخاطبة المشاعر عن طريق التأثير الإيجابي والسريع على السلوك والتفكير وكمان بيركز على تنمية المهارات اللي بيتم استخدمها في مواقفه تانية هتحدث في المستقبل
التعايش معاه
وبما أن النوع ده من الخوف هو نتيجة نوع من الخبرة الرضحية او الصدمة أو التعرض لأحداث خطيرة ، فإنه من المهم للأشخاص المحبين او قرايب المريض إنهم يكونوا زي مجموعه دعم للمريض عشان يقدر يتعافي ويتعالج بسرعة ولكنه ممكن يتأخر في حالات أخرى كمان مجموعه الدعم لازم يعرفوا أهمية دعمهم المستمر ،الصبر والمساعدة والدعم النفسي والتشجيع جزء مهم في العلاج.
