6 حاجات لازم تعملها عشان تقلل من الإجهاد العصبي اللي بتقابله طول اليوم
كل واحد فينا عنده ضغط عصبي أو بيتعرض ليه كتير لكن الفكرة هنا أزاي بتختار طريقة تعاملك مع الإجهاد العصبي بالطريقة اللي ممكن تفرق في حياتك اليومية، ومن الطبيعي أن اهتمامنا بنفسنا وراعيتها ممكن يتحول بعد كده علي أنه حاجه عادية بنعملها عشان نتفادي أي مواقف صعبة ونقلل من تعرضنا للإجهاد العصبي عشان الأمر ما يتطورش للأسوأ.
الإجهاد العصبي بيجي في جميع الأشكال والأحجام، في بعض الأحيان بنكون محتاجين نعمل تغيير كبير في حياتنا ده لأنه زيه زي السموم؛ مكن يتمثل في شريك ليك في البيت أو في الشغل أو في العائلة ممكن يكونوا بيسببولك إجهاد عصبي، عشان كده من الأفضل أننا نشوف أحسن الطرق عشان نعالج النوع ده من الإجهاد من جذوره.
دي 6 أدوات ممكن تستخدمها عشان تقلل من الإجهاد العصبي
- إقفش العلامات المبدئية بدري:
لما تخلي بالك من العلامات والاشارات والتحذيرات اللي بتحصل في حياتك وبتقولك انك بتعاني من الإجهاد العصبي بيكون أفضل بكتير عشان علي أساسها هتاخد الإجراءات الأزمة عشان تقلل منه وكمان من المهم إننا ندور علي العلامات المبكرة اللي بتقولنا إننا علي أعتاب الإجهاد العصبي.
زي مثلًا فيه مننا إجهاده بيأثر علي كتافه أو علي معدته، وفكر ازي تتعامل مع النوع ده من الإجهاد. ممكن تلاقي نفسك بتبص علي تليفونك كل شوية أو بتاكل حلويات كتير كل شوية من غير ما تستطعمها حتي، أو بتراعي أطفالك وبتجري وراهم في البيت، هنا من الأفضل أنك تهدي اللعب شوية وتريح نفسك وتخلي بالك منها.
- استخدم تنفسك عشان تزود فرصتك في النوم والاسترخاء
لما تكون مريح علي السرير وناوي تنام خد نفس وخرجه ببطئ وعد لحد 3 وبعدين مرة تاني خد نفسك وخرجه براحة وعد لحد4 وهكذا.. ممكن توصل لحد 6 او 8 بس المُهم تخرج النفس ببطئ شديد. الطريقة دي هتساعد عضلاتك وأعصابك إنها تسترخي وكرر العملية دي ياكش 10 مرات.
وهنا لو عندك مشاكل مع النوم أو بتعاني من الأرق بص علي المقال ده
- افرد جسمك شوية
بمعني انك تتمدد شويه علي السرير أو علي الكنبة، أي حاجه.. المهم عمودك الفقري يتفرد ويبقي في وضع النوم علي الظهر، ده لأن عمودك الفقري هو عامل زي ممتص للصدمات اللي بتحصلك طول اليوم ويتعرض للضغوط كتير من طريق النوم القعدة علي الكراسي بطريقة غير صحيحة.
- عشان تساعد عمودك الفقري “ضهرك يعني” ممكن تعمل الخطوة الجاية دي: هاتريح علي الأرض وركبتك الأتنين متنيين وتريح راسك علي كتاب أو كتابين، بحيث يكون مقدمه وشك (قورتك) أعلي من دقنك، وحط مخدة بين الفخدين وخلي ركبك تسند عليهم، وخليك علي الوضع ده حوالي 10 دقائق.
- تعايش مع اللي حواليك
تعايش مع الناس اللي حواليك زي عائلتك أو زملائك، أمك، أبوك، زوجك بمعني انك تقضي وقت لطيف معاهم بيعدًا عن الضغوط.. تضحكوا، تلعبوا، تهزروا، تتكلموا بصوت عالي وغيرها من الأمور الحياتيه البسيطه.
- بص علي السما وراقب السحاب
السما مليانه غيوم رمادية وبتتغير كل شوية أشكالها بسبب الرياح يعني ممكن تراقب الأشكال دي هتلاقي مثلا سحابه علي شكل أرنب علي شكل نجمه علي شكل أيس كريم وغيرها من الإشكال اللي ممكن تحاول تلاحظها، إسرح حبتين.. جرب تبص علي السما وتراقب السحب والغيوم وهي بتتحرك وبتغير أشكالها بس لمدة 5 دقايق ده هيساعدك أنك تقلل من الإجهاد العصبي .
- حاول تستمتع بالهدوء
التخييم أو المشي علي الشط أو البحر أو الكورنيش ممكن يساعدك انك تحس بالهدوء والطمأنينة وتبعد عن الضغوط شوية، (نسبة الحالة النفسية في البلاد أحسن على فكرة وده أكيد مش من فراغ، الطبيعة عامة مُهمة جدًا) وبتعمل نوع من إعادة الاتصال مع نفسك، وممكن وأنت ماشي علي الشط تحاول تجمع الصخور والأصداف اللي ليها إشكال مميزة وتخليهم في جيبك.. وهكذا..
هذا المقال مُترجم عن PsychCentral
