استشارة نفسية: تقلب المزاج
السلام عليكم و رحمة الله
مالي في المقدمات ببدأ في الموضوع دايركت
انا عمري ٢١ سنه من سنه و نص تقريباً اعاني من مزاجي بس ماكان مزعج بالنسبه لي ابداً
الين من ٤ شهور تقريباً بديت حرفياً افقد القدره في التحكم بمزاجي في الساعه الوحده مليون مزاج و غير البكاء اللي يجي من دون اسباب مع العلم انا ابداً مو شخص يبكي بسهوله
احس اسوي حركات او افعال انصدم من نفسي
احيانا اكره نفسي و احس اني فاشله و ماعندي اي شئ اقدمه للعالم و احيانا لا احس اني بنت طبيعيه زي اي بنت في العالم ؟!
احيانا افكر انتحر بس كأي مسلمه ابعد الفكره من راسي ، بس بعد فتره احس اللي ينتحرون اشخاص ضعيفين و انا مو شخص ضعيف
المشكله الحين احس في صوت في راسي يتحكم فيني و يخليني اكره ناس انا احبهم و بديت اقطع علاقاتي مع الناس من دون سبب صديقتي من ١٠ سنين قطعت علاقتي فيها من دون مقدمات و من دون سبب بعدت عنها و هي ماحاولت ترجع العلاقه و للاسف انتهت من دون سبب؟
انا تعبت من افكاري المشتته و كلامي صار يطلع بسرعه و احس عقلي مشتت و فيه مليون فكره براسي و ياليتني انجز اي حاجه
للاسف مافيه اي شئ بحياتي
و انا مادري شو اعمل بحالي ؟
بديت اشك في نفسي هل انا من مرضى ثنائي القطب او لا
بليز ساعدوني
ضروري تستشيري أخصائي نفسي
أولا لتحديد نوع الصوت الي بعقلك هل هي أفكار وسواسية أو هلاوس سمعية
ثانيا المزاج المضطرب إذا ما كان فيه مشكلة في الهرمونات يمكن يكون ثنائي القطب
كله توقعات فضروري تستشيري مختص
ضروري تتابعي مع اخصائي لازم علاج دواء يثبت المزاج ويشوف عندك هلاوس سمعيه ولا أفكار بس
وكمان لازم تراقبي افكارك نوعيه الافكار الي تجيك مثل فكره اذيه الغير.
ولاحظي كمان عدد سعات نومك عشان تساعدي الطبيب على التشخيص.
لو أضطراب ثنائي القطب فبتجيك نوبات هوس نوبة فرط في السعادة والطاقة.
بس في كلا الأحوال لازم علاج دوائي.