بالخطوات لو عندك اكتئاب ازاي تقول لصاحبك الأنتيم ده؟
لو عندك اكتئاب وبتحاول تقول ده لصاحبك أو صاحبتك الأنتيم وتصارحه انك عندك اكتئاب، تفتكر هتقول ده ازاي وباي طريقة وايه الخطوات عشان يقدر صاحبك ده يساعدك بشكل كويس ويقف جمبك.
هنا هنحاول بالتفصيل نقولك الكلام ده علي 3 أجزاء هما:
- الاستعداد للكلام
- اتواصل مع صاحبك
- التعامل مع استجابة صاحبك
الجزء الأول: الاستعداد للكلام
- وهنا نقصد استعدادك أنت عشان تقدر تواجهه اللي بتحبهم بالحاجات اللي بتحس بيها ومش قادر تعب عنها ، والطبيعي أنك تحس بأحباط وتوتر ودا في حد ذاته مرض نفسي دا غير ان في مجتمعنا مش بيتقبل المرضي النفسيين وبيحسسوهم أنهم حاجه غريبه أو مجانين، وده اللي بيخلي أغلب المرضي مش بيقدروا يعبروا عن اللي بيحسوا بيه لأقرب الناس ليهم لان الموضوع ده أول خطوة للعلاج.
- فكر مين اللي هتقوله، فيه كتير مننا عنده انتيم واحد بس، وهنا نفكر هل الشخص ده مناسب عشان تحكي له الموضوع ده، بمعني هل هو كتوم مش متصرع أنه يصدر أحكام علي الناس وهل سليم نفسيا مش بيعاني من أي اضطرابات نفسية مثلا.
- استني شوية وفكر وشوف نفسك هل أن واثق بأنك عايز تقول لصحبك الأنتيم علي اللي بتاعني منه فعلا ، ولو بتشك في حاجه جاوب أنت الأول علي الأسئلة دي و اما تعرف الإجابة هتعرف هل ممكن تقوله ولا لأ.
هل صاحبك بيستهزأ بالمرضي النفسيين وبيقول عليهم مجانين؟
هل بيتصرف بشكل مهين أو حكمي على غيره؟
هل بيمر بمشاكل ليها علاقة بالاكتئاب؟
هل بيعرف يتعامل مع مشاعره؟
هل بينشر الإشاعات أو النميمة؟
فكر في ايه هي المعلومات اللي عايز تشاركها مع صاحبك يعني مصلا هل صاحبك ما يعرفش حاجه عن الاكتئاب خالص وايه هي الحاجات اللي فاهمها غلط عن الاكتئاب، دا غير انك ممكن تقرأ شوية عن الاكتئاب اهو منه تثقف نفسك وتعرف معلومات زيادة وتعرف اللي ممكن صحبك يعمله عشان يساعدك في أنك تبقي كويس، وكمان القراية هتساعدك أنت عشان تتعافي بسرعة وأنك تفهم طبيعة مرضك أكتر.
- اتخيل رد فعل صاحبك رغم انك قادر أنك تعرف ردة فعل صاحبك من خبرتك وعشرتك بيه بس، بس هنا لازم تعمل موازنة لكل الاحتمالات عشان تبقي مستعد كويس لردة الفعل وتعرف تأثير ردود الأفعال المختلفة علي مشاعرك أنت، وخلي بالك أن صحابك اللي عمرة ما جاله اكتئاب قبل كده ممكن ما يقدرش يبفهم أعراض المرض كويس ودا مش معناه أنه مش متعاطف معاك أو مش مهتم بحالتك، بس هو مش عارف ايه سبب الحزن والكآبة اللي أنت فيها.
وفيما احتمال تاني أنه يحس أنه المسؤول عن انه يحسنك أو يخليك تخرج من الاكتئاب وبالتالي دا هيخلي فيه عبء عليكم انتو الأتنين، دا غير أنه ممكن يغير الكلام نفسه ويحول المحادثة كلها عليه ويبعد عن الكلام في موضوعك أو هتي ما يعرفش يرد عليك يقوللك ايه لما تحكي له ، عشان كده خطط لكل اللي هتقوله علي كل رد فعل من صاحبك تجاهك.
- حدد المعلومات أو الإجابات اللي عايز أو محتاج تسمعها نه أما تحكي له، بمعني أنك تفكر في ايه اللي عايز تحققه من كلامك معاه، في معظم الأحوال هيساعدك بس خطط بأنك تقوله إيه أفضل طريقة ممكن يساعدك بيها يعني مثلا عايزة يجي معاك جلسات العلاج ، عايزة يسمع لك وبس عايزه يساعدك في شغل البيت أو الحاجات اليومية اللي بتحتاج تعملها؟، وخلي بالك أن صاحبك ممكن ما يعرفش يساعدك كويس، عشان كده أما تكلمه خليك واضح بالظبط أن عايز منه ايه .
- اكتب كل اللي عايز تقوله، عشان عملية التدوين والكتابه هتساعدك في أنك تنظم أفكارك كويس، دا غير أنك ممكن تتمرن في المراية علي ازاي هتتكلم معاه.
- اتدرب على المحادثة، مثلا أنك تطلب من حد عارف حالتك زي الدكتور بتاعك أو أبوك وأمك انك تتدرب معاه علي المحادثة أو الكلام اللي هتقوله لصاحبك الأنتيم، وكمان اتدرب علي ردود الفعل السخيفة اللي ممكن تصدر من الطرف التاني، وأما تيجي تتكلم راقب نبرات صوتك وحركة جسمك كويس واطلب من الشخص اللي بيتدرب معاك يوقلك ايه نقاط القوة والضعف اللي فيك.
الجزء الثاني اتواصل مع صاحبك
- خطط لنشاط عادي مع صاحبك، يعني مثلا تاخده وترجوا تاكلوا بره ، عشان فكرة تحسين المزاج هيسهل عليك فتح قلبك وانك تتكلم عن مشاعرك.
- خلي فيه شوية تدرج في الكلام عن اكتئابك ، وأحسن طريقة عشان تقول لواحد صاحبك أنك مكتئب أنك تقوله تعالي عندي حاجه مهمه عايزة أقولها ليك، ولو مش عارف تقوله ايه في الأول أبدأ بأنك تقولك أنك حزين أو مدايق ممكن نتكلم شوية؟، وضع البداية الهادية ده ممكن يوفر لك فترة من الأنصات والاستماع من قبل صاحبك.
- قول لصحبك هل اللي هتحكي ليه سري ولا لأ ، وهل المفروض ما يحكيش لحد تاني عن اللي هتقوله ولا لأ.
- قول اللي اتدربت عليه، وخليك محدداً ومباشراً قدر الإمكان، وما تلجأش للف والدوران ممكن تحس انك مش عارف تتكلم أو بتهته شوية، وقوله إن الكلام في الموضوع ده صعب عليك في الأساس عشان يقدر يفهم أن الموضوع بجد، لو بدأت تحس أنك مش قادر تتكلم ممكن تستريح شوية وخد نفس واتكلم تاني.
- ساعد صاحبك في أنه يحس بالراحة، يعني لو لقيته متوتر اشكره علي وقوفه جمبك واعتذرله علي أنك ازعجته واقفل الكلام.
- حافظ على انك تجذب انتباه صاحبك، عشان لازم يكون فيه شوية أهتمام من صاحبك وهو بيسمع ليك، وفيه طريق كتير ممكن تلفت بيها انتباهه التواصل البصري واستخدام الإيماءات ولغة الجسد زي مواجهته وانك ما تعقدش دراعاتك ورجليك و وابعد عن أي حاجه ممكن تعمل ليك تشتيت زي الدوشه والتليفونات، وخلي بالك واعرف ايه اللي بيعمله صاحبك لما يبقي مهتم بكلام الشخص اللي قدامه عشان تعرف طريقة التواصل المناسبه.
- انهي الكلام بأنك تقول ايه الخطوة الجاية ، عشان اما صاحبك يحب يساعدك هيبقي يحب يعرف ايه الخطوة الجاية عشان يعملها ويساعدك.
- اخرج من الكلام بشكل تدريجي ، وخلي بالك أمتي هيجي الوقت اللي تقفل فيه الكلام وتغير الموضوع نفسه زي أنك مثلا تقول كفاية كده ويلا نرجع البيت، والخطوة دي عشان صاحبك ممكن ما يقدرش يقولهالك عشان مش هيبقي مرتاح بعدها.
الجزء الثالث: اتعامل مع استجابة صاحبك
- ما تنساش مشاعر صاحبك،رغم أنك أنت اللي محورالحوار ده كله بس ما تنساش مشاعر صاحبك برضه عشان تعرف رده فعله كويس لو مقدرش يساعدك أو يفهمك وأنك ما تقلش عليه وتزود همومه.
- خليك مستعدا لردود الأفعال السلبية المحتملة، بمعني أن ممكن صاحبك ده يعيط أو يغضب، وأفتكر أن دي ردة فعل طبيعية وأنك معملتش ليه حاجه غلط، والوقت ده هو المناسب عشان تطمنه وتقوله أنك مش مستني منه حاجه معينه وإنك عايز يسمع ليك وبس .
- غير أسلوبك لو حسيت ان الكلام مش ماشي زي ما توقعت أو مش هتستفاد منه بشئ ، يعني لويعني لو حسيت أنك مش عارف تتواصل ما صاحبك أو ردة فعله بقت عنيفه شوية جرب الخطوات دي، قوله مثلا هو أنا زعلتك اما اتكلمت معاك في الموضوع ده ، لخص كل الي قاله صاحبك وهدية شوية عشان تعرف هل هتقدر تكمل الحوار ولا لأ ، وأما تفهم وجهه نظر صاحبك وتعرف هو ليه أنفعل بالشكل ده ، هتقدر توصل معاه لنقطه معينه يقدر بعدها أتنه يساعدك كويس، لو معرفتش تعمل كل الخطوات دي فا أنهي الكلام أحسن لانه من غير أي فائدة ساعتها.
- اتوقع ان صاحبك يكشف ليك عن شوية أسرار ليه بالمقابل.
- اعرف أن صاحبك ممكن يعمل “تطبيع” الموقف، بمعني أنه هيحاول يساعدك من خلال أنه يحاول يقولك أنك طبيعي وكل اللي يعرفهم مكتئبين عادي، بس هنا ما تفتكرش انه بكده بيرفض مساعدتك، بس ده معانه أنه بيحاول يساعدك وأنه يتواصل معاك ، بس الأهم ما توقفش عن الكلام وكمل كل اللي كنت عايز تقوله ليه.
- استشر شخص تاني، مهما كانت الأمور حلوه أو وحشه بمعني انك هنا بالفعل اتكلمت مع صاحبك وممكن تفاصيل الكلام ده تحكيها للمعالج النفسي بتاعك، عشان يقدر يديك تقديم رأي موضوعي عن الحوار كله ويساعك في أنك تفهم أستجابة صاحبك كويس.
