مرض الذهان أو Psychosis: تعريفه وأعراضه
مرض الذهان أو Psychosis هو مصطلح معناه أحد الاختلالات اللي بتصيب العقل البشري، الأمر اللي بيأثر علي التفكير المنطقي للشخص وبأثر علي الإدراك الحسي وممكن يوصل الأضطراب لمرحلة الهلاوس.
وقام العلماء بتصنيف مرض الذهان بأنه واحد من الأمراض اللي بتسبب حالة من الانفصال عن الواقع، لأن لمصاب بـ مرض الذهان مش بيقدر يتعايش مع واقعه أو يقوم بالأنشطة اليومية بتاعته.
يعني إيه أصلا مرض الذهان :
مرض الذهان اقتبسوا أسمه من كلمة إغريقية قديمة، وهي الكلمة اللي ليها معنى بيدل على تغير الحالة الطبيعية للذهن، يعني يقصد إن طبيعة المرض هي أن الشخص يفقد قدرته في السيطرة على مداركه، وبالتالي بيقوم بأذية نفسه أو يأذي غيره.
إيه هي أعراض مرض الذهان :
لكل مرض أعراض ومؤشرات بتدل علي أن الشخص اللي قدامك مريض:
- الخلل الفكري : هو أول أعراض مرض الذهان واللي واضحه أوي وسهل ملاحظتها وهي التشوش الفكري، لأن الشخص هنا بيفقد السيطرة على تفكيره وبيعجز علي أنه يربط أفكاره، وبالتالي لما يجي يعبر عنها بتكون مفككه ومشوشة، دا غير ان الشخص اللي عنده ذهان اما بيتكلم بيتنقل من موضع للتاني من غير إشارة أنه خلص نقطة وينتقل للتانية ومن غير ما يكون هو أصلا مدرك إنه بيعمل كده ،وفي بعض الحالات المتطورة بيكون كلام الشخص عبارة عن كلمات منفردة مش مرتبطة ببعضها، ودي حالة مرضية بيسموها علمياً بمصطلح سلطة الكلمات.
- الهلوسة : و الهلاوس بتكون هلاوس سمعية وبصرية أو هلاوس حسية بصفة عامة ممكن تكون عرض لأن الشخص ده عنده عنده الذهان ، وبتتدرج الهلاوس في شدتها علي حسب شدة الحالة المرضية، ممكن تكون بسيطة زي أنه يشوف أضواء أو ألوان مخالفة للواقع، أو أنها كون متطورة زي أنه يشوف حيوانات أو أشخاص يعرفهم أو ما يعرفهمش، وبالنسبة للهلاوس السمعية زي إنه يسمع الشخص أصوات مش مفسرة، أو يبقي معقد أكتر زي غنه يسمع مقطوعات معينة أو همس اكن حد بيكلمه بصوت واطي ، وأحيانا الهلاوس السمعية بتكون عبارة عن أغنية أو موسيقي معينه بيسمعها وليها علاقة بالذكريات المهمه عند الشخص.
- الأفكار الوهمية : من أعراض مرض الذهان برضة أن الشخص يختيل ويختلق امور واحداث وهمية محصلتش من الأساس ودا بيسمواه أوهام أولية ، وساعات كمان التخيلات دي بيكون ليها علاقة بالخلفية الثقافية للشخص نفسة أو الخلفية الدينية.
ايه هي أسباب مرض الذهان :
الدكاترة قدروا يعرفوا ويحددوا مجموعة الأسباب اللي بتسبب مرض الذهان وقسموها لعاملين أساسيين دا غير مجموعة من الأمراض بيجي الذهان علي أنه واحد من مضاعفاتها المحتملة، العاملين هما إدمان الكحول والخمور دا غير تعاطي أدوية مخدرة كتير.
أما الأمراض اللي ممكن يجي الذهان كمضاعف ليها زي الأمراض اللي بتنتج عن تلف خلايا الدماغ زي الشلل الرعاش أو باركنسون، والمرض العقلي الوراثي اللي هو داء هونتينغتون، دا غير أن بعض أنواع الصرع بتكون مسببة لـ مرض الذهان، و الاختلالات العقلية زي الاضطراب ثنائي القطب ممكن تطور وتبقي مرض الذهان.
- و فيه شوية أدوية ممكن تسبب الإصابة بالمرض، زي الأدوية المنشطة والستيرويدات بتبقي برضة سبب رئيسي لـ مرض الذهان.
- التعرض للصدمات العصبية الشديدة ممكن يسبب الإصابة بـ مرض الذهان ،و العلماء لقوا إن نسبة كبيرة من المشاركين في الحروب، أو اللي اعتقلوا في الأسر لفترات طويلة، كانوا أكثر الناس عرضه من غيرهم للإصابة بالذهان نتيجة اللي اتعرضوله من ضغوط عصبية.
- وممكن كمان الذهان يجي بسبب ببعض الاضطرابات النفسية زي الاكتئاب الحاد.
- و الإصابة بعدوات بكتيريا البوريليا الضارة، أو اللي بيسموه داء لايم ممكن يرفع فرص الإصابة بالذهان.
- المخدرات كمان ليها دور في رفع فرص الإصابة في نوعية الاضطرابات اللي تصيب العقل، ويعد مرض الذهان من النتائج التي تترتب على تعاطيها، وبالأخض مخدر الكوكاين وأقراص أمفيتامين.
- الإصابة بمرض الفصام أو الشيزوفرينيا عادة ما بيجي معاها الإصابة بداء الذهان.
أنواع الذهان
الذهان المؤقت هو اضطراب وقتي شائع، مش بيدوم لفترات طويلة وبيصيب نسبة كبيرة من البشر، والنوع ده ممكن يجي بسبب:
- قلة النوم أو الإجهاد الزيادة عن اللزوم اللي ممكن يخلي الشخص لحالة من الذهان المؤقت، اللي ممكن يزول بمجرد زوال السبب وإن الشخص ياخدله قسط وافي من الراحة.
- خلال فترة الحمل أو بعد الولادة مباشرة بتكون الستات معرضة لانه يجيلها مرض الذهان المؤقت، وده ببسبب اختلالات الهرمونات اللي بتصيب الجسم في المرحلة دي.
- الخلل اللي ممكن يحصل لمعدلات الأملاح داخل الجسم بالخلل من ضمن مسببات الذهان، ومن أمثلة ده الانخفاض المفاجيء لنسب الكالسيوم أو الفوسفات…
- انخفاض نسبة السكر بالدم عن الحد الطبيعي ممكن تسبب حالة مؤقتة من الذهان.
ايه هي مضاعفات مرض الذهان :
الخطورة الحقيقية للإصابة بـ مرض الذهان ممكن تبقي في المضاعفات المحتملة له، أو الأمور اللي ممكن تترتب على عدم إدراك المريض لواقعه وهي :
ممكن لمريض الذهان أنه يأذي نفسه أو باللي حواليه ده لانه بيكون عاجز علي أنه يقدر ويقيم الأمور بشكل صحيح، وكثيراً ما بتبقي تصرفاته مع اللي حواليه فيها شئ من العنف والعدوانية، عشان كده لو فيه أسره عندها حد جاله ذهان من الأفضل أنها تروح لدكتور عشان تعرف إزاي تتعامل معاه بالطريقة المناسبة ،والأفضل أنه يدخل مصحة عشان يكون تحت إشراف ناس مؤهله .
لنفس الأسباب اللي قلناها قبل كده ممكن تخلي الشخص ينتحر، دا طبعا لأنه مش قادر يحكم علي تصرفاته ولا عارف عواقبها ايه ،بجانب أن الهلاوس السمعية اللي بيتعرض ليها مريض الذهان بتكون أحياناً عبارة عن أصوات تخيلية، وغالب الأصوات دب بتأمره بأنه ينفذ أفعال معينة بعضها بيعرضه للخطر، عشان كده مريض الذهان لازم يبقي تحت المراقبة طول الوقت، ووده سبب تاني يخلي من الأفضل لأنه يدخل مصحة.
