إزاي أتعامل مع شريك حياتي لو عنده اضطراب الهوية الفصامي
الأمراض النفسية هي من أكثر المخاطر إلي بتهدد علاقتنا بشريك حياتنا، لأنها بتغير طباعه وبتحوله لشخص تاني، ومن أخطرها اضطراب الهوية الفصامي ، لأنه مرض عقلي ومعاه كل أعراض المرض النفسي، مريض الفصام هيبقى شخص تاني، وهيحس كل إلي حواليه شخصيات غريبة عايزة تأذية، ودا مش بيأثر عليه هو إنما على اللي حواليه كمان، عشان كدا لازم نتعامل معاه بطريقة معينة.
إيه هو مرض اضطراب الهوية الفصامي؟
- مرض عقلي
- بيعمل أضطرابات للتفكير والسلوك
- مفيش تميز بين الواقع والخيال
- هلاوس سمعية، بصرية، لمسية، شمية
- اضطرابات في الكلام والمشاعر
- الضحك والبكاء في أي وقت من غير أي سبب على طول
- الوحدة والعزلة الاجتماعية والاكتئاب
- كتابة كلام غير مفهوم
- أهمال النظافة الشخصية
- النوم الكتير أو الأرق
- التغير في الطبيعة الشخصية
- التدين الشديد أو الألحاد
- أدمان الأدوية أو المخدرات
- العدوانية لنفسه بتهديد بأيذاء نفسه أو أيداء إلي حواليه
ازاي أبني علاقة قوية مع مريض اضطراب الهوية الفصامي
1- حافظ شخصيته :
- لازم تبقوا حافظين شخصية إلي معاكوا وعارفينه، عشان تلاحظوا عليه أي تغير بسرعة وتلحقوا الموضوع قبل ما يطول أو يبقى أعراضه خطيرة
2- التشجيع على الزيارة الطبية :
- مرض الفصام مش زي أعراض الإكتئاب الخفيفة إلي بتروح مع الوقت، لأنه مرض عقلي أكثر، عشان كدا محتاج استشارة طبية وعلاج دوائي أكثر منه سلوكي
2- التشخيص الصح :
- لازم الدكتور يكون مختص، ويعمل كل الأشاعات والتحاليل والأختبارات إلي تأكد أنه عنده فصام مش مرض نفسي تاني ولا أعراض أكتئاب، عشان العلاج الغلط بيزود نسبه الفصام
3-الألتزام بكلام الدكتور :
- العلاج في مواعيده، حتى لو رفض! غالباً الفصام نسبته أكتر بتزيد من 16 ل 25 سنة وبتقل بعد كدا، علشان كدا حطي الأدوية في الأكل في العصير، أتحايل عليه علشان يأخدها، المهم أوامر الدكتور تتنفذ بالحرف، حتى اضطرينا حجزة المستشفى.
4- بلاش كلام سلبي :
- بلاش أي جملة فيها غلط، أو تحسسه أنه مريض أو فيه حاجة غريبة، حتى لو خد الدواء عشان تخف بقى وترحم نفسك، مش هيتحمل الكلام السلبي دا ولا أنه يسمع منك أنك تعبتي من حالتة وأن مفيش فايدة هيفضل يأذي الكل، دا مش بأيده خالص.
متنسوش أن مريض اضطراب الهوية الفصامي علاجة مش بس أدوية ولكنه دعم منكم
5- التشجيع والدعم :
- ولأن العقاقير وحدها لا تكفي، علشان كدا هو محتاج حد جمبه يحبه ويشجعه، يفكره بصفاته الإيجابيه، جمع ليه كل ذكرياته الحلوة في ورق أو صور وخليها جمبه، وطول الوقت حسسه أد أيه أنت بتحبه / بتحبيه. وإن محدش عايز يأذيه وأن الهلاوس إلي بيحس بيها مش صح، عن طريق التحليل المنطقي.
6- خلي جمبه على طول :
- مينفعش تسبيه لوحده أبداً، خليك جمبه بصفة دائمه حتى لو في الأوضة إلي جمبه، بس تبقى متابعه من وقت للتاني، عشان أفعاله شوية مش مضمونه وممكن يأذي نفس.
7- مساحته الشخصية:
- أديله مساحته الشخصية، وساعدي أنه يخرج فيها كل أفكاره، جهز ورق يكتب فيه، أو يخرجها في شكل رسومات
8-زيارات واجتماعيات أقل :
- مش وقت زيارات عائلية خالص، ولا خالتك الحشرية تقولك جوزك ماله وألف سلامة عليه، إلي يزوركم يبقى متفهم حالته وقادر أنه يعامله زيك كويس، عشان نفسيته متتعبش
9- القدوة :
- أكيد ليه شخص بيحبه جداً وبيحترمه وبيسمع كلامه، مش لازم يكون من أسرتكم، ممكن يبقى صاحبه، فهمي الشخص دا حالتة وخليه يجي يتكلم معاه من وقت للتاني، ويقوله أن كلكوا بتحبوه وأنكوا جمبه وأنها أزمة وهتعدي
10- إقتل وقت الفراغ :
- أقتل وقت الفراغ إلي عنده بإي حاجة، شغل من البيت، نشاط تعملوه سوا، تخرجوا تتمشوا، تزوروا مكان جديد، المهم متخليهوش يبقى عنده وقت فراغ كتير يفكر فيه ويتعب من أفكاره
- شوف كمان أكثر الأنشطة والهوايات إلي بيحب يمارسها وخليه يرجع يتعملها ويمارسها في وقت فراغه تاني
11- الأنشطة الخيرية والروحية :
- شجعه على الأنشطة الروحية زي الصلاة والصوم، وأنكو تزوروا جمعيات خيرية وتعملوا خير، عشان الروحانيات دورها مهم
12- العلاج الجماعي :
- سواء جروب على النت أو في الواقع للدعم لحالات الفصام وموجودين بكثرة، دا هيخليه يتقبل وضعه ويحارب عشان يرجع أحسن
13- الصبر :
- أيوة مع الأدوية والدعم النفسي الحالة هتتحسن. بس محتمل يرجع يوم أو يومين يحس بتعب أو هلاوس (أكنهـا انتكـاسة إدمان) .. علشان كدا لازم نصبر عليه في كل الفترات دي ونفضل جنبه من غير يأس ونفهم كويس أن دي فترة وهاتعدي إن شاء الله.
شاركونا بتجاربكم مع التعامل مع مرضى الفصام؟
