الاكتئاب الموسمي : فيه منه صيفي وشتوي
لو لاحظت انك بتكتئب في اوقات معينه وفي ظروف معينه يبقي كده عندك حاجه أسمها الاكتئاب الموسمي أو بيسموه أضطراب عاطفي موسمي Seasonal affective disorder و هو نوع من الكآبة اللي بيجي بعد نهاية كل فصل وبداية التاني يعني بيجي في مع أواخر الخريف بداية الشتا وده الوقت المناسب للاكتئاب أو الموسم بتاعه بمعني أصح وفيه كمان نوع تاني من نفس نوعية الاكتئاب الموسمي بيجي كمان في الصيف ويبدأ عادة في أواخر الربيع أو أوائل الصيف وبيختفي لما تبدأ الشتا من الأخر الاكتئاب طول السنة مفيش مفر.
الاكتئاب الموسمي
خلينا هنا نعرف أيه هو الاكتئاب الموسمي :
هو واحد من ضمن أنواع الاكتئاب المرتبطة بالتغيرات المناجية اللي بتحصل في الجو، وبيبدأ وبينتهي تقريبا في نفس الوقت من كل سنه .
ومن أشهر حالات الاكتئاب الموسمي هي اللي بتبدأ في الخريف و تستمر لحد شهور الشتاء ،أما الاكتئاب الموسمي في فترة الصيف أو الربيع فده مش بيحصل كتير وبيحس الشخص بنوع من الخمول ومزاجه مبيكونش رايق .
الستات بيحصلها الاضطرابات العاطفية الموسمية كتير أكثر من الرجالة ،وحبه صغيرين من الأطفال والمراهقين بيحصلهم النوع ده من الاضطراب الموسمي، وغالباً مش بيصاب الأشخاص اللي عمرهم أقل من 20 سنة بالاضطرابات العاطفية الموسمية.
لكن البالغين،فا بيقل احتمال الإصابة بالاكتئاب الموسمي أو بالاضطرابات العاطفية الموسمية كل ما كبروا ،وبيعتبر الاكتئاب الموسمي منتشر اكتر في المناطق الشمالية بسبب إن ضوء الشمس قليل وطول فترة الشتاء مرورا بالجليد.
لو عايز تعرف معلومات اكتر الاكتئاب النفسي بص علي المقال ده
- أعراض الاكتئاب الموسمي.
بيعتبر الاكتئاب الموسمي وأحد من ضمن أنواع الاكتئاب الشديد عشان كده اعراضة نفس أعراض الاكتئاب العادي زي :
- لشعور باليأس .
- فقدان الطاقة .
- صعوبة التركيز .
- مشاكل بالنوم و الشهية .
- التفكير في الانتحار .
و لكن فيه الأعراض تانية بتخص الاكتئاب الموسمي الشتوي واللي بتختلف عن أعراض الاكتئاب الموسمي الصيفي زي:
أعراض الاكتئاب الموسمي الشتوي
- يبقي الشخص مش قادر يقعد كتير مع الناس.
- يبيقي عنده حساسيه زيه من أي حد يتنقده أو ينتقد تصرفاته.
- بيبقي الشخص عايز ينام كتير ولفترات طويلة.
- بيبقي فيه إحساس بتقل في الأيد و الرجل .
- بيبقي عنده نهم شديد في الأكل وبالتالي بيتخن اوي .
أما اعراض الاكتئاب الموسمي الصيفي بتكون زي
- بيبقي الشخص عنده احساس بالأرق.
- بيبقي ملوش نفس للأكل وبيخس أوي .
- بيبقي حاسس بتوتر و عصبية.
ليه بقي بيحصل الاكتئاب الموسمي
تغيير الساعة البيولوجية و قلة التعرض لأشعة الشمس في فصل الخريف ، و الشتاء ، بسبب أن النهار قصير والليل طويل، فابيحصل خللا في ساعة البيولوجية للمريض وبيخليه حاسس بالحزن و الاكتئاب.
مستوى السيروتونين
ممكن كمان قلة التعرض لأشعة الشمس تتسبب في أن نسبة السيروتونين في الدم تقل، و المادة دي هي المادة العصبية المسؤلة عن السعادة فاالتالي الشخص بيحس بالأكتئاب.
مستوى الميلاتونين
كمان التغيرات الموسمية بتأثر علي مستوى مادة الميلتونين في الدم ، ودي المادة اللي مسئولة عن النوم ، والحالة المزاجية.
طرق علاج الاكتئاب الموسمي
وهنا وصلنا لطرق علاج النوع ده من الأكتئاب وهنا قسموها الدكاترة ل3 أنواع
- العلاج الضوئي.
- العلاج الدوائي.
- العلاج النفسي.
العلاج الضوئي
وهو عبارة أن الدكتور بيعرض المريض لنوع من الأشعة من خلال صندوق لبث الضوء ، عشان يعوضه عن غياب أشعة الشمس، واللي اتضح أنها بتسبب تغيراً في مستوى المواد الكيميائية اللي بفرزها المخ ، واللي بتأثر على الحالة المزاجية.
يعتبر العلاج الضوئي من أفضل أنواع علاجات الاكتئاب الموسمي عشان ليها نتائج كويسة، بالإضافة إلى انه آثاره الجانبية قليلة.
لكن بشرط أن يكون الضوء المستخدم مش صادر عن مصدر حرارة أو أشعة فوق بنفسجية.
العلاج الدوائي
وبتطلب بعض الحالات الشديدة انه يستخدام مضادات الاكتئاب عشان تأثيرها، ولكن الأول لازم المريض يرجع للدكتور عشان تختار النوع المناسب من العلاج اللي ملهوش الآثار الجانبية كتيرة أو قليله.
العلاج النفسي
وبيسموه كمان العلاج الكلامي بمعني أنه بيساعد علي ان الدكتور أو المعالج النفسي أنه يتعرف علي أفكار المريض و سلوكياتك السلبية و وبيحاول أنه يتجنبها ، أو يغييرها لأفكار إيجابية عشان تساعد المريض أنه يقضي على الحزن و الاكتئاب، ويقدر يتحكم في غضبه، وانه يتخطي المرحلة من بأقل خسارة ممكنه.
التعرف على كيفية التحكم في الغضب. إمكانية وجود حلول تساعدك على تخطي تلك المرحلة بدون خسائر فادحة. اقرأ أيضا
