استشارة نفسية: هل الاضطراب النفسي بيأثر علي الجسم؟
انا بنت 20 سنة من مصر، في حاجة غريبة جداً بتحصلي من زمان انا بتوتر جدا لما بكون في الشارع لوحدي ولأسباب كلنا عارفينها مش محتاجة اذكرها
بحس بضربات قلبي بتدق بسرعة كأنه هيخرج من مكانة ونفسي مبيبقاش مظبوط وبكون متوترة وخايفة وبراقب حركات كل الناس كأنهم خطر محتمل عليا وكل ده بيأثر علي رجلي بحس انها اتشلت ومبقدرش امشي وبتوجعني جداً، في الاول كنت بقول جايز ده ليه سبب عضوي اني مثلا عندي هشاشة عظام او حاجة في عضلات رجلي بس لما بدأت اركز مع الموضوع اتضح انه مبيحصلش غير لو انا نزلت لوحدي لما بكون مع حد مبيحصليش كدة وبمشي عادي جداً ومبحسش ب اي ألم
ف هل اللي بيحصلي ده فعلا بسبب القلق واقدر اعالج ده ازاي؟
