استشارة نفسية: ضحية ام نرجسية

السلام عليكم
أنا ف حيرة شديدة جدا
بصلى كل يوم استخاره اكمل ف الخطوبه ومش عارفه اوصل لحل..بقالنا أكتر من سنتين مخطوبين 💔
أنا بنت لأم نرجسية ومن كتر قسوتها طلع اخويا نرجسى بعانى من اضطراب ما بعد الصدمه كوابيس أحلام للطفوله مزعجة كلها متعلقة بمواقف مريت بيها مع امى مش بنام ساعتين ع بعض
بس الأصعب انى مخطوبه لراجل من اسرة نرجسية وأخوه الكبير التفاصيل اللى عرفتها عنه بحكم انى قريبة مراته وحكتلى حاجات كتير ياما ع سبيل الفضفضه او انها بتاخد نصيحتى فسرتلى انه نرجسى خفى متدعى التدين متحكم فيها من الخطوبه وخبيث مؤذى سببلها ف كل الأمراض وخانها مع واحده تانيه وعمل حاجات مقرفة كتير اوى
…انا عارفه انه خطيبى ملوش ذنب خصوصا انه انسان محترم وطيب وبيحبنى والحمد لله الدنيا ماشيه مابنا كويس
….بس انا خايفه يكون هو كمان كده ومحتاره جدا لأنه كده يعتبر اتربى ف أسره نرجسية بس انا محتاره حقيقى جدا وخايفه أنى أمر بنفس اللى عيشته زمان
انا بحس انه بخيل عليا بوقته ومشاعره ولما بقوله محتاجه وقت ونتكلم اوقات ياما بيتهرب ويقولى مش هعمل كده تانى يا اما بيبعد فتره ف صمت