استشارة نفسية: شويه توهان
السلام عليكم انا شاب 27 سنه خريج طب بشري
من طفولتي كنت تعرضت لتحرش من ولد جيراني و مكنتش فاهم قوي ساعتها
، كبرت في البيت في مشاكل زي كل بيت و ده خلاني متردد شويه في قراراتي .
والدتي دايما تقول كلام وحش عن والدي بسبب المشاكل دي ، هما مش دايما في خلافات بس هي بتتكلم مع ولادها اللي هما احنا و تقول ان سبب كل المشاكل هو بابا ،
كمحاوله للتفريغ و ده خلا عندنا مشاكل شويه ناحية والدي .
بعد كده دخلت طب و المجهود اللي كنت بعمله كان اقل بكتير من مجموعي و ده خلا في قله ثقه شويه في نفسي
علي مدار دراستي كنت بقعد لوحدي كتير جدا و بيفوتني مناسبات و خروجات
حاليا انا متردد في اختيار التخصص
و هل ده وقت مناسب اختار شريكه حياتي ولا محتاج علاج نفسي و استشاره دكتور متخصص
