استشارة نفسية: حياتى

انا واحده فى ثانويه عامه نفسيتى تعبانه جدا وفى أقصى درجات الاكتئاب والملل ومش عارفه اذاكر بسبب التليفون مش قادره اتحكم فى نفسى عليه خالص وبقول انا هذاكر عليه واول مامسكه بجيب على حاجات بعيد عن التعليم ونزلت برامج تقفل التليفون خالص مش بينفع واغلب الوقت بحتاجه فى المذاكره بس مش بقدر اسيطر على نفسى ومفيش حد فى البيت فاضى يقعد جنبى وانا ماسكاه ده اول مشكله تانى واحده ان انا البنت الوحيده لوالدتى ووالدى متوفى وهى حاطه كل أملها على وانا مش عارفه انا عايزه ايه فى الحياه وكل شويه بتقارنى بكميه ناس وانا عارفه ان هى اكتر واحده عايزه مصلحتى بس انا بتخنق جامد ونفسيتى واعصابى مع مرور الوقت بتتلف وبتدمر وانا تعبت من نفسى جامد خالص وحاسه بالاحباط والفشل واليأس ان مشاكلى مش عارفه احلها والمشكله التالته ان انا مش عارفه انا فيا ايه تعبانه ولا فى ايه معايا انا اوقات ببقى قاعده فى الحصه الاقى مره واحده عينى قفلت مع العلم انى ببقى اخده كفايتى من النوم اوقات بس مش عارفه اتحكم فيها ودماغى بتصدع جامد وحاسه انها هتنفجر انا بترشقها فبتهدى حبه ومش عارفه اعمل ايه برده انا تعبت بجد وحاسه انى بموت بالبطئ سواء بدنيا او نفسيا واوقات بفكر ان الموت الحل الامثل بس برجع وبقول ولا دينى ولا نفسى يقبل كدا وبراضى نفسى وبقول هتفرج وانا عندى يقين بالله انها هتفرج فأنا اعمل ايه دلوقتى بالنسبه للتليفون ووالدتى و دماغى و شغفى الاقيه ازاى يا ريت حد يفيدنى