استشارة نفسية: القلق التردد الإحساس بالذنب

انا انسانه حياتي كلها غلط في غلط على طول خايفه خايفه اكون بأذي حد او اكون وحشه او ان حد يقولي كلمه مش حلوة الكل عاوزني مثاليه و انا ابعد ما يكون عن المثاليه او حتى اني اكون انسانه كويسه انا بقلق من ردود الفعل دايما ما بعرف اخد مواقف انا جبانه جدا حرفيا كل يوم بفكر في الانتحار اللي بيبعدني اني عارفه انه حرام او يمكن جوايا شوية امل ان حياتي تتظبط فضلت مستنيه الزوج اللي يساعدني اظبط حياتي هوب اتصدمت انه بيزود عليا مش بيخفف على طول شايفني وحشه و غلطانه مهما اعمل انا وحشه و مبحبوش و لا بهتم امي و ابويا و اخواتي و هو شايفني عيله تصرفاتي كلها غلط مبعرفش اوزن كل حاجه بعقلي انا تعبت من كل حاجه انا جسمي بقا يوجعني من غير سبب قلبي او الناحيه اليمين من القفص الصدري بقوا يوجعوني لو اتنفست بس انا مستحقش اعيش غيري اولى بحياتي انا حاولت اعمل اي حاجه حلوة بس انا فاشله مبكملش في حاجه و مفيش عندي أصحاب او انا مش بقدر اكون صداقات انا علاقاتي كلها غير صحيه و بتأذيني و بأذي اللي حواليا و مش بقدر اثق في حد انا محتاجه ارتاح معرفش ممكن الاقي الراحه دي فين انا لو اتخانقت مع حد و اهني بالكلام بخاف ارد و لو رديت بغلط نفسي و برجع احس بالذنب اني غلطت حتى لو مغلطتش و لو اتأذيت حتى بفضل حاسه بالذنب مبعرفش اعبر و اشرح اللي جوايا انا بكتب و قلبي بيوجعني من النفس اللي باخده بس اي موقف لو صغير بيفضل قلقني بفضل اتخيل حاجات أسوأ غير الخيالات اللي بتخيلها اللي زادت بتخيل ناس و أفضل اكلم فيهم و اخلق حوار من مفيش