استشارة نفسية: الشعور بالدونية والرغبة في الإنتحار

أنا بنت عندي 19 سنة من خمس سنين تقريباً بدأت أعمل العادة السرية والموضوع ده كان غصب عني وبالصدفة ومع الوقت أصبحت عادة عندي وللأسف تطور الموضوع لحد ما بقيت أشوف أفلام مش كويسه.بدأت أحس بالدونية الشديدة مع أني كنت ملتزمة ومحترمة ومتفوقة دراسيا .الموضوع تطور اكتر لدرجة اني بقيت تقريبا معظم الوقت بفكر ف العواطف واحلام اليقظة وخده كل يومي.بدأ يبقي عندي رهاب من الناس وانا حالياً مش بعرف اطلع بره و انا فعلا مبطلعش بره نهائيا إلا لو الضرورة القصوي حتي الكلية بقيت مبروحش، ماما لما عرفت اني بعمل العادة السرية الموضوع مأثر عليا لدرجة اني حاسه اني ابتدبت اخش ف اكتئاب، بقيت احس اني منهكة نفسياً ومعنديش قدرة ولا طاقة نفسية لاي حاجة،بحس أن ماما ممكن تتخيلني وانا بعمل العادة دي وبقعد أسأل نفسي ياتري هي شايفاني ازاي والموضوع مدمرني نفسيا حرفيا.جزء تاني من المشكلة وهو الرهاب الاجتماعي الي حصلي انا اكتر حاجة مدمراني أن فيه ناس لما كنت بطلع ف الشارع بدأت تلاحظ اني عندي رهبة منها وخصوصا شباب قريتي وبدأ البعض يفكرني مكسوفة منهم وبدأت اشوف نظرات مش كويسه منهم لدرجة اني كرهت الخروج من البيت.أتمني المساعدة بجد لاني منهكة نفسياً ومتدمرة وأوقات بتجيلي افكار انتحارية من الضغط الي انا فيه.وهل لو جالي شخص اتزوج واعف نفسي حتي لو مستواه المادي مش قد كده ولا أخلص دراسة ولا اعمل ايه