استشارة نفسية: عاوز احس اني عايش وحابب الدنيا

من سنه تانيه جامعه كدا وانا معتش مستقر نفسيا خالص حاسس الدنيا غريبه والناس غريبه شايف كل حاجه سوده خالص وضلمه و مؤخرا بقيت حاسس نفسي عايش طول الوقت ف وهم و بقيت بفكر كتير اوي بقيت بكره الناس جدا لدرجه مش طبيعيه بقيت سطحي بحكم ع الناس وانا اصلا معرفهمش وللاسف بعد م بعرفهم بكتشف اني كنت غلطان جدا و دا بقا بيحصل معايا بشكل مرضي جدا ، مبقتش حابب اعيش و كل حرفيا كاره نفسي معرفش ليه مع اني ناجح مش فاشل متدين مش فاسد ولا حاجه ،مش حاسس بتقدير لنفسي ولا بحترمها بالشكل الكافي ، مبقاش عندي ثقه ف نفسي وانا بتكلم مع الناس لدرجة اني بقيت اخاف اتعامل مع حد بخاف جدا ان حد يحرجني او يجرحني بكلمه بقيت حساس جدا بطريقه انا مش مستوعبها كل اما يحصل موقف اقعد افكر فيه مليون مره واقعد اجلد ف نفسي بحاول دايما ادور ع المثاليه ف كل حاجه ف حياتي ، بقيت اجرسف جدا مع اي حد سواء قريب او بعيد دايما عايش ف قلق ، بشوف الناس مبسوطه وعايشين حياتهم عادي مبين حلو ووحش بحسدهم ، حاسس اني مسجون مش عارف افكر صح ، بقيت متردد جدا ف اي حاجه حتى لو حشرب مياه بقعد اقول اشرب ولا مشربش ، لو عاوز اخرج مثلا مع حد اقعد باساعه عشان اقرر حخرج ولا لا مش عارف دا اي و بسبب اي انا عمري م كنت كدا ، عندي مشاكل بين والدي ووالدتي هما دايما بيتعاركوا و بيزعقوا و في خلاف دايما ، والدي بيغير من والدتي و هو شخصيته غريبه و طبعه متعب لينا ولوادلتي ودا مسببلي مشاكل نفسيه كبيره ،
نفسي ابقا طبيعي اضحك واهزر وابقا متفائل لاني بقيت منعدم الشغف والامل دايما شايف بكرا ضلمه ليه معرفش نفسي اعرف السبب عندي كلام كتير اقوله بس مش عارف اقول اي ولا اي اتمنى الاقي عند خضراتكم حل او لو ف مكان ممكن اروحه واقعد مع حد افضفض له … اسف ع الاطاله